Fólkið mitt.

Ég er að vona að ég sé ekki að ofgera ykkur með þessum myndum af mér og mínum.  Ég er stolt af þeirri veröld sem ég hrærist í, og ég er eins og aðrir sjálfhverf mest megnis, og vil miðla af þeirri hamingju sem umvefur mig.  Ég er líka að vona að það geti verið smá leiðarljós um forgangsröðun í okkar villta og tryllta samfélagi.  Það sem skiptir svo óendanlega miklu máli er fjölskyldan, börnin okkar og umhverfið.  Einhversstaðar langt þar aftan við er fjárhagur, peningar og allra neðst eru völd og frægð.  Það er sennilega það sem er mest fallvalt af öllu því sem hægt er að sækjast eftir.

Hér er hún Tinna tengda og Evíta.  Við áttum öll saman góða stund í kúlunni í dag.

Það er svo notalegt að hafa alla fjölskylduna í kring um sig, og finna bara hvað allt er gott og svo mikil vænt um þykja.

Frábærir feðgar.

Flottar mæðgur.

Fólk segir hvað þeir séu líkir þessir feðgar.  Málið er að sú líking er á andlega sviðinu því þeir eru ekkert blóðskyldir, en eiga saman gott fjölskyldulíf.  Segir svo margt um lífsins skrýtna tilgang.

Maríubæn ? nei bara barnaskapur eins og allt hitt.

Súpermódel ? nei elskuleg tengdadóttir mín.

Jamm það var sko grillað, þarna eru feðgarnir að grilla úti við.

Gættu vel að því hvar þú gengur Kristjan minn segir stjúpinn, sem er frábær pabbi.

Umm maður getur nú borðað sér til ánægju sko, ef maður er svangur.

Tvær barnsmæður og tengdadætur kúlunnar.

Já litli Arnar Milos og mamma hans, hún er frá Serbíu og er ekki hress með sjálfstæðisyfirlýsingu Kosovo.  Hún segir að við megum aðeins líta í eigin barm hvað það varðar.  Þetta var serbneskt land þar sem innflytjendur bókstaflega tóku yfir í krafti þess að eignast fleiri börn og verða að lokum í meirihluta.  Við fáum stundum bara hálfa söguna af atburðum frá útlandinu, þangað til við hittum fólkið sem kemur þaðan.

Knúsí krúsí.

Töffarinn Ólöf Dagmar, flott ömmustelpa.

Athugasemdir

[Jón Magnússon, 20.3.2008 kl. 22:04]

Þetta eru alla vega skemmtilegar myndir. Gleðilega páska.

[Rósa Aðalsteinsdóttir, 20.3.2008 kl. 22:06]

Sæl og blessuð.

Stolt eiginkona, mamma, tengdamanna og amma. Við erum nú oft stolt yfir minna en svona flottum hóp.

Kær kveðja/Rósa

[Ásthildur Cesil Þórðardóttir, 20.3.2008 kl. 22:15]

Takk fyrir Jón minn og gleðilega páska til þín líka.

Rósa mín, fólkið okkar eru ræturnar, framtíðin og nútíðin, án þeirra væri lífið tómlegt.

[Steingrímur Helgason, 20.3.2008 kl. 22:42]

Er nú ekkert að ofgera einum eða neinum með því að deila myndum af þinni famelíu með okkur hinum, alla vega hef ég bara gaman að fylgjast með, & einstakar myndir af snjóalögum til fjalla eru ekkert að skemma fyrir heldur.

[Tiger, 20.3.2008 kl. 23:04]

  Já sko.. ég er alveg sammála Steina kút hérna fyrir ofan - þú ert sko ekki að ofgera neinum hérna, frekar hitt sko! Allavega finnst mér yndislegt að sjá myndirnar þínar, bæði af fjölskyldunni og veðramyndir úr borg og bý - eða þannig.

Mér finnst endalaust gaman að sjá myndir af því hve ljúfa og yndæla fjölskyldu þú átt - þvílík kátína og gleði sem frá öllum geislar sko! Þessi gleði og kátína sýnir - líkt og ég skrifaði annars staðar - bara hve mikill gullmoli þú sjálf ert! Gleði og ástúð, kátína og hlýleiki berast okkur frá myndunum þínum og segir mér ekkert nema bara hve dásamleg mamma, tengdó og amma þú ert - og bara stórkostleg kona! Góða Páska elskulegust.

[Hulda Bergrós Stefánsdóttir, 20.3.2008 kl. 23:05]

Flott fjölskylda  og það er svo gott að vera umvafinn

Knús í nóttina og góða páskahelgi

[Sigrún Jónsdóttir, 20.3.2008 kl. 23:13]

Þú ert rík! Njóttu daganna með allri fjölskyldunni.

[Laufey B Waage, 20.3.2008 kl. 23:36]

Þú ert náttla bara yndisleg að deila þér og þínu lífi með okkur. Takk sæta.

[Hrönn Sigurðardóttir, 21.3.2008 kl. 00:00]

[G Antonia, 21.3.2008 kl. 00:41]

Mér finnst þetta bara yndisleg hugsun, og óskandi að fleiri settu forgangsröðuðu eins og þú.....enda bara gleði og meiri gleði að horfa á þitt ríkidæmi....eigið yndislega páska öllsömul

[Eyrún Gísladóttir, 21.3.2008 kl. 09:48]

Skemtilegar myndir og flott fjölskilda sem þú átt og mátt vera stolt af gleðilega páska.

[Guðborg Eyjólfsdóttir, 21.3.2008 kl. 10:03]

Það er nú bara þannig Ásthildur að ef að okkur fyndist þú vera að kæfa okkur þá kæmum við ekki á síðuna þína til að skoða myndirnar. Perónulega finnst mér rosalega gaman að skoða myndir bæði af fólki og fallegu landslagi. þannig að síðan þín er á topp 10 hjá mér. Gleðilega páska mín kæra

[Heiða Þórðar, 21.3.2008 kl. 11:05]

Hjá þínu fólki ríkir greinilega botnlaus gleði! Þú ert yndisleg Ásthildur

[Ásthildur Cesil Þórðardóttir, 21.3.2008 kl. 11:58]

Þakka þér Steingrímur minn.

Þú ert algjört yndi TíCí minn.

Knús á þig líka Hulda mín.

Knús á þig líka Sigrún mín.

Þúsund kossar Laufey mín.

Knús Hrönn mín.

Takk og gleðilega páska til þín líka Antonía mín.

Takk Adda mín.

Já ég er stolt Eyrún mín.

Gott svar Guðborg mín, ég hafði ekki hugsað út í það. Gleðilega páska til þín líka.

Takk Heiða mín.