Ærsl tilheyra unga fólkinu okkar.

Það var mikið fjör í kúlunni í dag.  Undirbúningurinn var svo spennandi.  Og svo þurfti náttúrulega að ærslast alveg heilmikið.

En það var byrjað að máta sig við nýtt bretti sem Hanna Sól fékk frá pabba og mömmu, hér er Óðinn Freyr að fá að prófa.  Þau fóru svo út á lóð að renna sér, og það var voða gaman. 

En svo var keypt nýtt rúm, og það var nú heldur betur spennandi fyrir prakkarana mína.

Á öllum aldri reyndar.

En dagurinn gekk nú samt ekki áfallalaust fyrir sig, því vegna þess að allir voru svo uppteknir þá gerðist það að sú litla datt niður tröppurnar, og fékk þungt höfuðhögg.  Það var rokið með hana upp á spítala.  En sem betur fer fór betur en á horfðist og hún slapp með skrekkinn og dálítið krambúleruð, kúla ofan á kúlu.  En hún er hörð af sér hún nafna mín. 

Svo var slakað á fyrir framan sjónvarpið, milli tveggja stórra frænda.  En þau eru samtals  6 stykki sem gista hjá afa og ömmu í nótt.  Minnsti prinsinn kom með pabba sínum og mömmu í kvöld, Arnar Milos, eða litli serbinn eins og afi kallar hann. 

En ég segi bara góða nótt.

Athugasemdir

[Ásthildur Cesil Þórðardóttir, 20.3.2008 kl. 09:54]

Gleðilega páska til þín líka Adda mín.

[Ásthildur Cesil Þórðardóttir, 20.3.2008 kl. 10:20]

Sömuleiðlis Búkolla mín.  Já ég var hálf lömuð í gær eftir þetta.  Það er svo margt sem þýtur í gegnum hugann, en hún var strax farin að labba upp og niðru stigan aftur, svo þetta er greinilega ekkert á litlu sálinni hennar.  Sem betur fer. 

[Hulda Bergrós Stefánsdóttir, 20.3.2008 kl. 10:42]

Er einmitt að lesa það í þroskasálfræðinni núna, að börnin læri mest á því að reka sig á, það er náttúrlega fyrir öllu að þau slasi ekki  

[G Antonia, 20.3.2008 kl. 10:54]

hehe!! Eins og ég segi, vááá hvað þú ert rík ....alltaf líf og fjör hjá þér !!  páskaknús *

[Kidda (IP-tala skráð) 20.3.2008 kl. 11:00]

Já, þú ert rík Cesil

Gott að hún nafna þín slapp svona að mestu með skrekkinn. 

Páskaknús vestur í kúluna

[Ragnhildur Jónsdóttir, 20.3.2008 kl. 11:54]

Ekkert smá fjör! Guði sé lof að ekki fór verr hjá nöfnu þinni enda örugglega góðir vættir að gæta hússins þíns.

Gleðilega Páska Ásthildur

[Ásthildur Cesil Þórðardóttir, 20.3.2008 kl. 12:21]

Takk allar

Hulda það eru líka til nokkrir málshættir sem benda til að þetta sé gömul speki, brennt barn forðast eldinn til dæmis.

Páskaknús til þín líka G.Antonía mín

Já ég er ánægð með að allt fór vel Ragnhildur mín. 

[Tiger, 20.3.2008 kl. 22:52]

  Hóhóhó... þó það sé dásamlegt að vera svona ríkur - þá finnst mér stundum gott og gaman að verða "fátækur" svona inn á milli - rétt svona til að hvíla ríkdæmabeinin fyrir næstu andresarandarleika...

Já, það leikur við þig barnalánið og brosin og hamingjan sem skín úr andlitum allra í kringum þig sýnir mest þína innri manneskju elskulegust ... Knús á þig Ásthildur mín!