Hið daglega veður og árshátíð Grunnskólans.

14.3.2008 | 01:46

Hið daglega veður og árshátíð Grunnskólans.

Hið daglega veður var bara allsæmilegt í dag.

Sólarglit á fjallshlíð.

Jamm snjór og snjór.

Birtan eykst dag frá degi.

En svo fór ég á árshátíð hjá Grunnskólanum í kvöld, stubburinn var að taka þátt og auðvitað varð amma að fara á sýningu, afi þurfti að vera heima að gæta litlu prinsessunnar.

Við innganginn voru men in black, kurteisir ungir menn sem buðu manni góðrar skemmtunar.

Skyldi eitthvað vera komið í kassan af viti. Sjöundu bekkingar voru í fjáröflun í ferðasjóð.

Hér eru aðalkynnar kvöldins themað var Bókasafnið.

5tu bekkingar með sína sýningu. Ég hleraði svo sem að ekki voru allir sáttir við sitt hlutverk, fjörugir strákar sem héldu á blómum og fuglum, ekki alveg svona þeirra cup of the.

Stubbur spilaði á trommu, en hefði viljað vera sögumaður.

Rúsínan mín hún Sóley Ebba, hefði líka gjarnan viljað vera sögumaður hehehe.

Ef þið skyldur ekki átta ykkur á því, þá eru þetta Nylon og líka sjöttubekkingar.

Þessar fótboltahetjur eru líka í sjötta bekk.

Þessir ungu menn spiluðu klassisk. Flottir.

Og svo free styl dans Alejöndru og félaga.

Áttundu bekkingar eru hér, í ævintýraheimi sem fór allur úr böndum og öll ævintýrin rugluðust. Hér er Rauðhetta í samkvæmi með riddurunum þremur.

Og amma gamla var á msn tali við einhvern ástarmögur, dularfullan sjómann.

Þetta er örugglega Lea prinsessa sem verður hrifin af Svarthöfða, svona getur allt fokkast upp.

Ég get alveg sagt ykkur það satt að Bangsímon vann leiksigur, hann átti salinn alveg. Flottur með grísla.

Og segiði svo að Harrý Potter og vinir séu ekki ekta og flott.

Eða Bubbi byggir hehehe.

Noh... þessi var flottur hommi í Berts Dagbók.

Og hér glíma Grettir Ásmundarson og Glámur.

Thriller dans flott atriði.

Og smart endir á þeirra atriði, mér skilst að eldri krakkarnir hafi fengið að velja sjálf sín atriði og sýna. Bara flott.

Síðasta árshátíð tíundu bekkinga í Grunnskóla, þeirra leið liggur í Menntó. Hér var tekið á einelti. Gulli ekki tilbúin til að fara í skólann, af því að hans bíða þar krakkar sem stríða.

Og sjálfhverft fullorðið fólk.

Þá er gott að eiga Kaptein Ofurbrók að. Og ég verð að segja að ég dáist að þessum dreng, enda átti hann salinn.

Svo er hér draumur Gulla um vinsældir, hvaða ungur maður dreymir ekki um flottar meyjar.

Þetta show endaði svo á danshóp, þau voru bara mjög flott. Í heildina var sýningin full af gleði og margt skemmtilegt þarna. Enginn svikin að fara á árshátíð Grunnskólans.

Flokkur: Bloggar | Facebook

Athugasemdir

Þetta eru frábærar myndir og margir upprennandi leikarar

Guðborg Eyjólfsdóttir, 14.3.2008 kl. 01:52

Jibbbý... þakka þér kærlega kæra Ásthildur fyrir að leyfa mér að fara með þér á árshátíðina hérna - ég skemmti mér konunglega, best þó þegar ég kom auga á spjótið "á" svarthöfða sem kom undan skikkjunni hans þegar hann kom auga á Leu prinsessu ... *dónóroðn*.

Það hefur greinilega verið mikið lagt í þetta hjá börnunum og ég er sannfærður um að allir áhorfendur hafa verið ánægðir með sína listamenn. Alltaf svo gaman þegar svona uppákomur voru í skólanum, ótrúlegt hvað maður vildi alltaf vera eða gera eitthvað annað en manni var úthlutað - og útsjónasemin í manni stundum þegar maður náði að plata aðra til að fá "betri" hlutverk .. *flaut*..

Knús á þig Kærust og endalaust þakklæti fyrir sýninguna..

Tiger, 14.3.2008 kl. 04:03

Rosalega held ég að hafi verið gaman á árshátíðinni. Þau eru rosagóð og hugmyndaflugið að blanda þessu öllu, frábært.

Þegar ég var að keyra heim í gær fannst mér allt svo páskalegt, vatn rann undan hverjum skafli í sólskininu og það minnti mig á heima í gamla daga þegar vorið var að byrja með sólbráð og maður þurfti að stikla eftir Seljalandsveginum til að vaða ekki í ökkla í aurnum eða krapinu, en þetta var svo mikill vorboði að það var samt gaman. En stundum var erfitt þegar kom niður fyrir Bæjarbrekku á gangstéttina að vera á gauðskítugum skóm og skera sig úr "neðribæjar".

Dísa (IP-tala skráð) 14.3.2008 kl. 08:28

Flott hjá þeim!

Hrönn Sigurðardóttir, 14.3.2008 kl. 08:41

æðislega er þétta flott hjá krökkunum. Gaman að skoða myndirnar.

Eigðu góðan dag Ásthildur mín

Kristín Katla Árnadóttir, 14.3.2008 kl. 09:36

Takktakk..Gaman að fá árshátíð Gí inn í stofu.....það er svo gaman að sjá krakkana leika og syngja.

Ég var á árshátíð í gær hér hjá GÞ og vonat til að geta sýnt aðeins frá því.

Knús á þig og faðmaðu fjörðinn frá mér

Solla Guðjóns, 14.3.2008 kl. 10:26

Takk öll sömul.

Já Guðborg mín þau eru sum hver ansi góð þarna.

Tí Cí minn hehehe þú manst þetta alveg. Og ég fór að horfa á Svarthöfða Sem betur fer var pointið niður, hitt hefði verið uhum....

Dísa nú fæ ég nostalgíukast, þetta er svo raunverulegt hjá þér að þetta kom allt til baka inn í minnið. Moldarborin Seljalandsvegurinn og allt það.

Já þau voru flott, og það skemmtilega er að þau eldri fengu að búa sín atriði til sjálf, þess vegna fannst mér flott að þessi elstu skyldu taka fyrir eineltið, og gerðu því góð skil, það upplýsist hér að hrottarnir voru sendir í Stubbastund hehehe....

Já Jóna Ingibjörg mín, þau fengu nefnilega öll að vera með. Þó þau fengju ekki að velja sér hlutverk sem þau töldu við hæfi .

Takk sömuleiðis Katla mín.

Það verður gaman að sjá myndirnar þínar Solla mín.

Ásthildur Cesil Þórðardóttir, 14.3.2008 kl. 10:47