Í tilefni umræðna um sjálfstætt ríki Vestfjarða.

Það hringdi í mig blaðamaður frá 24 stundum til að ræða um sjálfstæða Vestfirði http://asthildurcesil.blog.is/blog/asthildurcesil/entry/465490/#comment1146385 ég sagði honum að mér væri fullkomin alvara, hann ræddi líka við Jakob Fal. Svo það gæti verið fjallað um þetta í 24 stundum á morgun. 

En þetta er líka hér; http://bb.is/?PageID=26&NewsID=113101  Svo Þetta framlag Jakobs hefur vakið dálitla athygli. 

En við skulum sjá hvert þetta leiðir okkur.  Ég hef rætt um þessi mál í 40 ár, því ég skrifaði grein í Morgunblaðið þá,  þá voru sunnanmenn einmitt að ergja sig yfir peningum sem færu í vegalagnir á Vestfjörðum, og ég skrifaði og benti á að allt fjármagn sem kæmi inn í samfélagið hér fyrir vestan færi suður.  Allt fé sem færi inn í bankana, og allt fé sem kæmi inn fyrir rafmagn og allt fé sem færi í sameiginlega sjóði.  Þá voru Vestfirðir ríkir og hér voru hæstu meðaltekjur.  Þá voru mikil umsvif og fjársterkustu mennirnir voru hér.  Allt þetta hefur verið frá okkur tekið og meira til.  Nú er svo komið að margir eru að kikna undan álaginu af því hvernig þeim reiðir af.  Við höfum verið arðrænd og niðurlægð á allan hátt. Og nú er enfaldlega komið nóg. 

Þess vegna stend ég við það, að við eigum að huga að því að stofna sjálfstætt ríki.  Sjá hvert það leiðir okkur, og hvernig við högum okkur í því. 

Athugasemdir

[Hulda Bergrós Stefánsdóttir, 7.3.2008 kl. 17:55]

Hef alltaf sagt það Ásthildur, ef að Vestfirðir hefðu verið sjálfstæð, þá væru þeir eins og svissneskur ostur og höfuðborgarbúar ækju um á malarvegi

Go vest

[Ásthildur Cesil Þórðardóttir, 7.3.2008 kl. 18:05]

Já Hulda mín.  Ég ætla að sjá hvað verður úr þessu öllu saman.  Maður getur bara ekki tekið þessu þegjandi lengur.  Og horft upp á fólk vonlaust og sumir örvinglaðir vegna þess að framtíðin er svo óviss. Og þegar olíuhreinsunarstöð virðist vera haldreipið sem gripið er til, þá er eiginlega komið nóg. Vegna þess að það er bæði kraftur og orka í fólki hér, en því er bannað að bjarga sér með allkonar fáránlegum boðum og bönnum, sem eiga sér ekki tilverurétt.  Það væri gaman að láta reyna á sumt af því fyrir Evrópudómstólnum, eins og fiskveiðistjórnunarkerfið til dæmis.  Ætli það stangist nú ekki á við reglur og lög.  Ég væri ekki hissa.

[Guðrún Emilía Guðnadóttir, 7.3.2008 kl. 18:58]

Baráttukveðjur Ásthildur mín, en hættu nú samt ekki að senda okkur myndir
og blogga líka að sjálfsögðu.
                                    Kveðjur til þín og þinna Milla.

[Kristín Katla Árnadóttir, 7.3.2008 kl. 19:00]

Já Ásthildur mín baráttukveðjur frá mér.

[Ásthildur Cesil Þórðardóttir, 7.3.2008 kl. 19:32]

Stelpur mínar ég hætti ekki að vera til, þó eitthvað sem ég hef hugsað um í nú nær 40 ár sé aktuelt eða að komast á umræðustig.  Svona er bara lífið.  Knús á þig Milla mín og Katla.  Mér þykir vænt um stuðningin.

[Ragnar Kristján Gestsson, 7.3.2008 kl. 21:39]

Sem meðlimur Arnardalsættar (Önundarfirði) fagna ég þessari tilhugsun, líka tiltölulega einfalt að grafa kjálkann sjálfan frá "meginlandinu"

[Ásthildur Cesil Þórðardóttir, 8.3.2008 kl. 10:25]

Já Ragnar minn, það ætti að vera tiltölulega einfalt, eða bara setja upp girðingu eins og þeir eru með í Ísrael

[Ásthildur Cesil Þórðardóttir, 8.3.2008 kl. 10:59]

Ég vona það Axel minn.  Já það er mikill snjór hér núna.

[Solla Guðjóns, 8.3.2008 kl. 12:46]

Já ég fagna þessu líka sem meðlimur Arnaedals-Eyrardals og Vigurætta.Þetta hefur verið mikið rætt í mínum fjölskyldum í gegnum árin.

Baráttukveðjur

[Jakob Falur Kristinsson, 13.3.2008 kl. 01:13]

Góð grein hjá þér Ásthildur og alveg hárrétt að frá Vestfjörðum hefur allt verið tekið sem hægt var að taka.  Fyrir svona 20-30 árum var rætt um að í Reykjavík og víðar, að ef einhver sást aka um á nýjum flottum bíl, að þar væri Vestfirðingur á ferð, enda voru Vestfirði moldríkir á þeim árum.  Það sem ég óttast mest núna er að í samtölum mínum við marga fyrir vestan, þá er eins og algert vonleysi sé að grípa um sig hjá íbúum.  En við verðum fljót að snúa þessu við ef allt gengur upp.  Þarna átti auðvitað ekkert ef að standa, því þetta skal ganga upp og ekkert hik með það.  Vestfirðir skulu verða sjálfstætt ríki, við stoppum ekki fyrr.    Eftir 10-15 ár verða Vestfirðir það svæði sem allir munu vilja búa á.

[Ásthildur Cesil Þórðardóttir, 13.3.2008 kl. 01:27]

Já sammála Jakob, það er rétt að hér ríkir ákveðið vonleysi, en jamm við breytum því snarlega ekki satt !