Hið daglega veður.

Veðrið er gott hérna núna, logn og allt svo hreint og fallegt með nýfallinni mjöll. 

Sú stutta á leið í leikskólann sinn á Suðureyri.

Stundum er maður staddur í ævintýraveröld, svona einn og yfirgefinn, og bíður þess að tröllin poppi fram og stöðvi mann.

Nú eða huldar vættir, eða eins og þessi engill sem hér svífur yfir.

Svissneskt fjallaþorp ? nei sumarbústaðabyggðin í Tungudal, sennilega alveg sérstakt fyrir bæri, þar sem þarna eiga bæjarbúar sumarhús, sem þeir bókstaflega flytja í á sumrin, og eru þar allt sumarið í góðu yfirlæti.

Það er eins og fjöllin nái saman í enda fjarðarins.  Ég hef hitt fólk sem kom sjóleiðina, og var að spá í hvað það hefði komist inn í fjörðinn, því hann virðist vera lokaður af.

Felumynd af kúlunni minni.

Það er bjart yfir norðrinu.  Vonandi kemst minn maður heim í kvöld með vélinni, hann fór ásamt einum portugala sem vinnur hjá okkur, sá var að verða blindur, og því nauðsynlegt að koma honum til sérfræðings fyrir sunnan.  Vonandi er eitthvað hægt að gera fyrir hann.  Fékk víst sýru í augun heima hjá sér í Portugal, og ekkert gert í því, þegar það gerðist.  Sennilega ekki mjög vinnuvænt umhverfi þar.

En sum sé þetta er rapport um hið daglega veður á Ísafirði.  Og ég held að Ólínu sé alveg óhætt að labba Seljalandsveginn, eins og hún gerir nánast á hverjum degi með Dalmatíutíkina sína. 

Athugasemdir

[Jóhanna Magnúsar- og Völudóttir , 5.3.2008 kl. 15:12]

Fínt veður hjá þér.   Oh,  hvað þetta er hræðilegt með þennan mann og augun hans. Vonandi gengur það allt vel.

[Ásthildur Cesil Þórðardóttir, 5.3.2008 kl. 15:23]

Já ég vona allt það besta, hann á litla dóttur heima, eins eða tveggja ára, það væri slæmt ef hann missti sjónina og gæti ekki fylgst með henni vaxa og dafna. 

[Kidda (IP-tala skráð) 5.3.2008 kl. 15:31]

Ekki er veðrið eins skemmtilegt hérna fyrir sunnan, rigningin að verða búin að eyða öllum snjónum

Vonandi geta læknarnir gert eitthvað fyrir manninn. 

[Hjördís Péturs (IP-tala skráð) 5.3.2008 kl. 15:39]

Sjá þessa sætu skvísu! Þarf endilega að hringja í ykkur einn góðan veðurdag og fá að spjalla við hana  

Gaman að lesa bloggið þitt Ásthildur og skoða myndirnar!
kveðja frá Hellu

[Kristín Katla Árnadóttir, 5.3.2008 kl. 15:52]

Fallegar myndir Ásthildur mín, hér í RVK er rigning. Vonandi er hægt að hjálpa honum.

[Margrét St Hafsteinsdóttir, 5.3.2008 kl. 16:07]

Frábærar myndir eins og alltaf. Þú hefur svo næmt auga fyrir því sérstökum sjónarhornum. Knús til þín

[Ásthildur Cesil Þórðardóttir, 5.3.2008 kl. 16:38]

Takk dömur mínar.

Ég er viss um að einhverjir eru glaðir að missa snjóinn Kidda mín. Já vonandi fær hann einhvern bata. 

Hjördís hrindu bara hvenær sem er, við erum yfirleitt komnar heim hálf fimm. 

Takk Jóhanna mín.

Takk móðir.

Ég er fegin að það er ekki rigning hér Katla mínj.  Knús á þig, já vonandi verður hægt að gera eitthvað. 

Takk Margrét mín.

[Huld S. Ringsted, 5.3.2008 kl. 16:55]

Hrikalega flott myndin nr. 2 !! og að sjálfsögðu allar hinar líka, þessi bara greip mig  strax Vonandi er eitthvað hægt að gera fyrir manninn í Rvík.

[Ásthildur Cesil Þórðardóttir, 5.3.2008 kl. 17:12]

Ég er svo hrifin af svona ljósbrotum Huld mín.  Já ég vona það, ég fær fréttir af því þegar þeir koma á eftir, með flugvélinni.

[Sunna Dóra Möller, 5.3.2008 kl. 21:18]

Þessi mynd númer tvö er ótrúlega flott, hún heillar mig alveg upp úr skónum. Hinar eru líka flottar en þessi, ekkert smá dulúðleg .... !

[Ásthildur Cesil Þórðardóttir, 5.3.2008 kl. 22:01]

Já hún er dálítið spúkí, enda fannst mér ég vera í einhverjum ævintýraheimi allt í einu, alein í veröldinni.  Það var mjög sérstakt. 

[Solla Guðjóns, 6.3.2008 kl. 10:56]

Ég vildi að ég væri vel dúðuð inní þessum myndum

Knús á þig

[Ásthildur Cesil Þórðardóttir, 6.3.2008 kl. 11:04]

Knús á þig líka Solla mín.