Suðureyri á fallegum degi og hörkutól sem ekki kalla allt ömmu sína....

Nema þá sem var einmitt í sundlauginni með þeim.  En ég fór á Suðureyri seinni partinn til að ná í prinsessuna mína, og við fórum í sund í leiðinni.  Þar voru tvö hörkutól sem sýndu svo ekki varð um villst að þeir eru karlar í krapinu.

Flottir ekki satt ?

Gaman í snjónum.  Þetta kalla ég hörkukarla.

Og komnir ofan í hlýjuna aftur.

Vatn er náttúrulega bara vatn, í hvaða formi sem það er ekki satt ?

Þessi mynd er sérstaklega fyrir Sigrúnu, annars var erfitt að finna rétta húsið, þar sem húsnúmerin eru eitthvað á reiki.

Svo ég tók nokkur hús til viðbótar svona til öryggis.

En þetta var sérdeilis fallegur dagur.

Og mikill snjór á Suðureyri.

Þetta er aðalgatan gegnum þorpið.

Hér erum við að koma úr sundi, hið nýja íþróttahús tengist sundlauginni, með þessum skemmtilega gangi.

Svo að lokum mynd af Kubbanum.  Takið eftir birtunni í ljósaskiptunum.  Við fórum á Thai Koon og fengum okkur Thai mat að borða, sem er hið mesta hnossgæti. 

Athugasemdir

[Ásdís Sigurðardóttir, 3.3.2008 kl. 20:45]

Sérlega fallegur dagur víða um land.

[Tiger, 3.3.2008 kl. 20:51]

  Vetrarmyndir eru alltaf svo skemmtilegar og flottar. Fínar myndir hjá þér. Mikið væri ég til í aðeins meiri snjó

[Ásthildur Cesil Þórðardóttir, 3.3.2008 kl. 20:54]

ALveg trúi ég því nú einhvernveginn Tigercopper minn. 

Já Ásdís mín mér skilst að það hafi verið fallegt veður víða. 

[Sigrún Jónsdóttir, 3.3.2008 kl. 21:25]

Elsku Ásthildur!Ástarþakkir!

Æskuheimilið mitt er á fyrstu "húsamyndinni".  Birkitréð í forgrunni var gróðursett af henni mömmu minni sálugu á 7. áratugnum:  Beinvaxið og fallegt. í skjóli fyrir vestanáttinni.   Þið blómakonurnar hefðuð þurft að þekkjast.   Ég man að einhvertíma var hún búin að koma upp áströlsku tré í bakgarðinum, þar sem einhver Ástralinn, sem var þarna í farandvinnu gaf henni fræ!!

Má ég ræna þessari mynd yfir á mína síðu? En enn og aftur - knús og kossar!

[Ásthildur Cesil Þórðardóttir, 3.3.2008 kl. 21:31]

Já auðvitað Sigrún mín.  Ég tók hana spes fyrir þig.  Já það hefði verið gaman að kynnast henni móður þinni.

[Huld S. Ringsted, 3.3.2008 kl. 21:37]

Yndislegt vetrarveður hjá þér Ásthildur, hérna er búið að snjóa í dag og hvessa inn á milli.  Kveðja vestur

[Sigríður Jósefsdóttir, 3.3.2008 kl. 21:38]

Sæl Ásthildur mín, ég get upplýst að Aðalgata 37 á Suðureyri er í eigu Vernharðar bróður míns og Svövu mágkonu minnar, og hafa þau gert það upp af miklum myndarskap.  Þau eru um þessar mundir í Canterbury á Englandi þar sem þau hafa vetursetu, og hafa örugglega mjög gaman af því að sjá þessar myndir (ég sendi þeim link).  Annars blogga þau af miklum móð á síðunni www.kantaraborg.blogspot.com.  Bestu kveðjur,

[Ásthildur Cesil Þórðardóttir, 3.3.2008 kl. 21:47]

Já ég vissi það Sigríður mín, takk samt fyrir að senda þeim link.  Hitti systur hennar Svövu þegar hún kom af leikskólanum sveif á hana og spurði hvort þetta væri ekki örugglega rétta húsið, ef mér skjátlast ekki þá á hún einmitt rauða húsið. Knús á þig.

Þið hafið þá líka nægan snjó Huld mín

[Bertha Sigmundsdóttir, 3.3.2008 kl. 22:30]

Kæra Ásthildur, þú stendur þig alltaf í myndunum, ég hef alltaf svo gaman af að skoða myndir af vestan, sérstaklega Ísó, takk fyrir þetta. Hafðu það gott í snjónum, hér er smá kuldi í Kaliforníu, en enginn snjór, hvorki í fjöllum né fjöru....

[Hulda Bergrós Stefánsdóttir, 3.3.2008 kl. 22:36]

Meiri snjó meiri snjó meiri snjó

Karlar í krapinu þarna fyrir vestan  enda rafvirkinn minn alinn upp í Búðardal  ég er ekki landfræðilega rugluð  veit að hann er ekki á Vestfjörðum, en fyrir vestan er hann

[Sigrún Jónsdóttir, 3.3.2008 kl. 22:37]

Takk aftur Ásthildur mín

Búin að blogga um húsið "mitt" með myndinni frá þér!

[Ásthildur Cesil Þórðardóttir, 3.3.2008 kl. 22:51]

Já ég sá það einmitt núna rétt í þessu þegar ég fór smárúnt.  Takk fyrir hlý orð í minn garð Sigrún mín.

Bertha mín, veistu að mér er svo mikil ánægja að geta gert svona fyrir fólk.  Það hreinlega gleður mig mikið.  Vonandi fer allt vel hjá þér.

Meiri snjó hehehe Hulda mín, já ég veit, Búðardalur er einmitt ekkert rosalega langt frá Vestfjörðum.

[Þorkell Sigurjónsson, 3.3.2008 kl. 22:56]

Sæl Ásthildur. Kannast vel við lífið við sundlagar þar sem ég starfa sjálfur sem sundlaugavörður hér í Eyjum. Sýnist að víða en hér hjá okkur sé mikill snjór.  Þú ert góð við myndatökur og dugleg við þá iðju.  Haltu áfram á þeirri braut því við hin fáum að njóta fagurs útsýnis og skemmtilegra mynda úr mannlífinu.  Takk og kveðja til þín.

[Ásthildur Cesil Þórðardóttir, 3.3.2008 kl. 23:08]

Takk Þorkell minn fyrir þessi hlýju orð. 

[Brynja skordal, 3.3.2008 kl. 23:39]

sætar myndir af krökkunum og hinar flottar líka Já namm fer nú alltaf á Thai koon þegar ég kem á ísó borðaði þar síðast þegar ég var fyrir vestan sem voru vetrarnætur í haust

[Ásthildur Cesil Þórðardóttir, 3.3.2008 kl. 23:52]

Ókey Brynja mín.  Jamm það er alveg ágætt að bregða sér á Thai Koon.

[Ragnhildur Jónsdóttir, 4.3.2008 kl. 09:48]

Það eru greinilega miklir víkingar þarna fyrir vestan. Hörkukallar í snjónum

Alltaf gaman að skoða myndirnar þínar. Þú ættir að fá orðu frá ferðamálaráði vestfjarða. Mann langar alltaf að sjá þetta landslag, og meira að segja húsin sem maður sér í myndunum þínum.

[Jakob Falur Kristinsson, 4.3.2008 kl. 10:02]

Aldrei klikkar þú Ásthildur, með öllum þínum fallegu myndum, en ég var að skrifa áðan grein um Vestfirði.  Skoðaðu það sem fyrst.

[Kristín Katla Árnadóttir, 4.3.2008 kl. 10:21]

Fallegar myndir en úff hvað strákarnir eru duglegir mér verður bara kalt. Kær kveðja

[Ásthildur Cesil Þórðardóttir, 4.3.2008 kl. 10:31]

Móðir þú þarf að bæta úr því sem fyrst.  

Já þeir eru flottir strákarnir.  Hehe Ragnhildur ætli ferðamálaráð hefi nú ekki eitthvað annað að gera, en hugmyndin er komin fram hér hjá þér.

Jakob ég var reyndar búin að lesa og kommentera hjá þér.

Kveðja til þín líka Katla mín og vonandi gengur allt vel hjá þér og þínum manni.

[Hrönn Sigurðardóttir, 4.3.2008 kl. 10:46]

Skemmtileg þessi bláa birta.....

Hvaða þorp er það sem stendur undir Kubbanum? Er það Suðureyri? Hvað var ég að lesa um eitthvað þorp undir Kubb?

Manstu það?

[Ásthildur Cesil Þórðardóttir, 4.3.2008 kl. 11:16]

Þorpið undir Kubbanum er svokallað Holtahverfi, eitt úthverfi frá Ísafirði.  Nú stendur til að gera snjóvarnargarð undir Kubbanum og alla leið upp á topp á honum, það verður gríðarleg eyðilegging á þessu fallega kennileyti bæjarins.  Því miður.  Það er skiptar skoðanir meðal fólks um nauðsyn þessa, og sumir sem þarna búa vilja ekki sjá þessa framkvæmd.  Það er alltaf erfitt þegar stangast á almannaheill og skemmd á náttúrunni.  Vona samt að það verði farið varlega þarna og reynt að eyðileggja sem minnst. 

Helst vildi ég sjá að fólk byggði öðruvísi hús svona við fjallshlíðar, hús sem eru hornrétt á fjallið, með litlum gluggum upp í hlíðarnar.  Það hefur sýnt sig m.a. á Norðureyrinni við Súgandafjörð að slíkar byggingar kljúfa snjóflóð og standast þar af leiðandi álagið.  Einnig er ég sannfærð um að kúluhús stenst slík flóð, þar sem verst virðist vera hljóðbylgja sem fer undan flóðinu og skellur á húsunum, og rífur þakið upp, svo kemur snjórinn á eftir og þá er húsið hálflamað fyrir.  Það er svo margt sem þarf að huga að  í sambandi við byggingar, ekki bara lþungbærarplötur og járnabindingar, heldur hönnun og staðsetningu húsanna miðað við hættuna sem staðið er frammi fyrir. 

[Ásthildur Cesil Þórðardóttir, 4.3.2008 kl. 16:44]

Já Suðureyri er friðsamt yndislegt þorp fjarri heimsins glaumi, en þar býr skemmtilegt fólk.

[Halldóra (IP-tala skráð) 4.3.2008 kl. 21:56]

Takk fyrir þessar myndir Ásthildur, sá son minn í bakgrunninum (hefur haldið sig í heita pottinum), mætti alveg upplýsa það að þessir þrír eru allir frændur þótt fjarskyldir séu, sannir víkingar

                         Kær kveðja frá "nágranna"

[Ásthildur Cesil Þórðardóttir, 4.3.2008 kl. 22:19]

Takk fyrir innlitið Halldóra mín, jamm þeir eru sannir víkingar þessir piltar.