1. mars hið daglega veður.

En fyrst til hamingju með með bjórdaginn. 

Hehehehehe...

En veðrið er frekar muggulegt, og nú þarf ég að ösla snjóinn upp í mið læri.

Svona lítur það úr.

Jamm snjórinn er raunverulegur.

Og litla gullið mitt heimt úr helju í gær.  Hún átti að vera með eitthvað gult, og það eina sem við fundum var blaðran hérna. 

En nú er stubburinn að fara á æfingu, það eru tónleikar hjá honum í kvöld.  Trommur og bassi, það verður spennandi.

Þá þarf að klæða sig og ösla snjóinn niður að bílnum og vona að okkar menn hafi mokað helstu strætóleiðir,  enda er ég viss um að það hafa þeir gert.  Hvergi eru götur og gangstéttar jafn vel mokaðar og hér. 

Athugasemdir

[Jónína Benediktsdóttir, 1.3.2008 kl. 11:25]

En ertu búin að eyða ógeðisblogginu frá vinum þínum og velunnurum á malefnum.com þar sem þú ert í ábyrgð ? Ég hef beðið þig um það án árangurs! Jónína Ben

[Huld S. Ringsted, 1.3.2008 kl. 11:45]

Hér snjóar líka og snjóar en ekki sýnist mér við vera að ná ykkur!

Eigðu góðan dag Ásthildur

[Kristín Katla Árnadóttir, 1.3.2008 kl. 13:06]

Hér í Rvk er snjór líka en ekki svona mikið eins og hjá þér en sólinn skín hér núna knús á þig Ásthildur mín.

[Ásthildur Cesil Þórðardóttir, 1.3.2008 kl. 13:53]

Hvað er það sem þú vilt láta eyða út Jónína mín.  Ég fer frekar lítið inn á Málefnin, og les minna, en ég tek mark á kvörtunum sem ég fæ, og við förum yfir það stjórnendur hvað það er sem stangast á við málverjaboðorðin.  Þú verður bara að senda mér kvörtun, og þá um leið link á þetta ógeðs"blogg" sem þú ert að tala um.   Annars vil ég frekar fá að vera í friði hér á þessum stað fyrir áreitni vegna Málefnanna, það er annar vettvangur.  Sendi þér bara fallegar hugsanir Jónína mín, og ósk um góðan dag.

Nei Huld mín, þetta safnast svona saman.  Takk ljúfust og eigðu líka góðan dag.

Knús á þig líka elskulega hundamamma frú Katla

[Brynja skordal, 1.3.2008 kl. 14:02]

já hef nú ekki séð svona mikin snjó síðan ég flutti frá vestfjörðum og sakna þess ekki neitt Hér á skaganum er nú bara smá föl miðað við þetta en hafðu góða helgi Ásthildur mín og skemmtu þér vel í kvöld

[Hrönn Sigurðardóttir, 1.3.2008 kl. 14:22]

Til hamingju með daginn

[Anna Lilja, 1.3.2008 kl. 15:02]

Takk fyrir það!

Það snjóar aldeilis hjá ykkur, hér er logn og glampandi sól en þó einhver snjór.

Bið að heilsa öllum og sérstaklega litla stubb

[Ásthildur Cesil Þórðardóttir, 1.3.2008 kl. 15:03]

Góða skemmtun til þín lík Brynja mín. 

Til lukku líka Hrönn mín.

[Hulda Bergrós Stefánsdóttir, 1.3.2008 kl. 15:21]

Frábært að þeir standi sig svona vel að moka snjóinn ykkar, enda hvar annarstaðar á landinu eru menn sem kunna til verka nema á Vestfjörðum

Góða skemmtun á tónleikunum

[Laufey B Waage, 1.3.2008 kl. 15:29]

Hvað þarf að vera að moka? Er ekki einfaldara að ferðast á gönguskíðum innanbæjar á Ísafirði? Með bassann (eða klarinettið eða trommusetti) á bakinu. Eruð þið ekki afkomendur gömlu góðu Sléttuhreppinganna, sem fóru fótgangandi yfir fjöllin sjö til að sækja ljósmóðurina þegar svo bar undir - og báru hana á bakinu til sængurkvennanna?

[Ásthildur Cesil Þórðardóttir, 1.3.2008 kl. 16:13]

Jú Laufey reyndar.   Ætli við séum ekki eins og Bubbi sagði um Dóra DNA útþynnt og úrkynjuð.  Fór samt í bæinn áðan, festi mig við innkeyrsluna mína og það komu tveir fílelfdir strákar og ýttu mér út.  Það þurfti síðan ansi mikla snerpu og útsjónarsemi að aka um bæinn á minni litlu tík, því það er þungfært um göturnar.  Þarf að fara aftur núna bráðum á sjálfa tónleikana kl. fimm.

Jamm Hulda mín, þeir kunna til verka þessir karlar.  Og takk ég ætla sko að skemmta mér.