Það er veður á Ísafirði í dag.

29.2.2008 | 15:44

Ég sit hér inni með stubbnum, en er hálfpartinn um og ó. Litla prinsessan á Suðureyri og minn ektamaki í Bolungarvík. Og það snjóar og snjóar.

bb.is | 29.02.2008 | 15:07Ekkert ferðaveður á norðanverðum Vestfjörðum

Ekkert ferðaveður er nú á norðanverðum Vestfjörðum samkvæmt upplýsingum frá vegagerðinni og má búast við snjóflóðahættu á vegum undir fjallshlíðum víða á svæðinu. Á sunnanverðum Vestfjörðum er snjóþekja og skafrenningur á milli Patreksfjarðar og Bíldudals og yfir Kleifaheiði. Þá er hálka á Barðaströnd og yfir Klettsháls.

Þessi mynd er úr BB, reyndar er miklu meiri snjór hér allstaðar. En svona er að búa hér, stundum alveg yndislegt, en svo kemur veður þar sem fjölskyldan væri best bara geymd innan fjögurra veggja.

Í raun og veru er veðrið svona, og mikill skafrenningur. Elli kemur ekki heim fyrr en í kvöld í fyrsta lagi, og þá er óvíst hversu mikill snjór hefur safnast á Óshlíðina. Þar er alltaf hætta á snjóðflóðum þegar svona viðrar. En vonandi komast allir mínir menn heilir heim.

Flokkur: Bloggar | Facebook

Athugasemdir

Vona það líka

Hrönn Sigurðardóttir, 29.2.2008 kl. 15:47

Hvernig kemst þá prinsessan heim? vona að veðrið geri ykkur enga skráveifu.

Ásdís Sigurðardóttir, 29.2.2008 kl. 15:58

Sonur minn ætlar að sækja hana, hann er á jeppa, þannig að það er öruggara en litli voffinn minn.

Ásthildur Cesil Þórðardóttir, 29.2.2008 kl. 16:11

Ég hugsa hlýtt til ykkar og vona að allir komist heim í heilu

Hulda Bergrós Stefánsdóttir, 29.2.2008 kl. 16:45

Takk Hulda mín, sú litla er komin heim, sonur minn kom með hana fyrir augnabliki, með blöðrurnar sínar og allt. Þau áttu nefnilega að vera í einhverju gulu í leikskólanum í dag, eða hafa eitthvað gult með sér, við fundum bara gula blöðru frá afmælinu, svo við tókum hana með í skólann. En mér er strax létt.

Ásthildur Cesil Þórðardóttir, 29.2.2008 kl. 16:49

Gott að sú stutta er komin í hús vonandi kemst Elli heim í kvöld og óshlíðin verði til friðs knús til ykkar og vonandi gengur þetta fljótt yfir

Brynja skordal, 29.2.2008 kl. 17:09

Já vonandi komast allir heilir heim Þau eru alveg hræðileg þessi snjóflóð sem að eru þarna fyrir vestan stundum

Guðborg Eyjólfsdóttir, 29.2.2008 kl. 17:13

Takk báðar tvær , já vonandi kemst Elli heill heim. Ég verð ekki í rónni fyrr en hann er komin inn úr dyrunum.

Ásthildur Cesil Þórðardóttir, 29.2.2008 kl. 17:21

Já allir komast heim Ásthildur mín haltu bara ró þinni ljósið mitt

Kristín Katla Árnadóttir, 29.2.2008 kl. 17:26

Takk elsku Katla mín Bóndinn var að skila sér inn úr dyrunum rétt í þessu, svo ég get verið róleg.

Ásthildur Cesil Þórðardóttir, 29.2.2008 kl. 17:39

Gott að Hanna Sól er komin heim og vonandi kemur Elli heim sem fyrst.

Knús í kúluna

Kidda (IP-tala skráð) 29.2.2008 kl. 17:42

Sendi ykkur kærleikskveðjur vonandi fer Elli að drífa sig heim og svo hafið þið það bara rómó í kúluhúsinu ykkar í kvöld.
Kveðjur Milla.

Guðrún Emilía Guðnadóttir, 29.2.2008 kl. 17:44

Gott að vita að bæði séu komin heil heim. Fátt verra en að vita ekkert hvernig gengur og geta ekkert gert. Miklu skárra að vera í hinum sporunum, þá veit maður hvernig gengur.

Dísa (IP-tala skráð) 29.2.2008 kl. 18:26

Takk milla mín, Kidda og Dísa Elli er komin heim, það voru allir utanaðkomandi verktakar í Bolungarvík farnir heim á undan honum, vegna færðarinnar. Svo hann skellti sér bara líka heim. Eins gott. Þá getum við bara farið að hafa það gott. Það er stundums svo stutt bilið sem skilur að milli þessa heims og annars. Þessi er í boði Hönnu Sólar

Ásthildur Cesil Þórðardóttir, 29.2.2008 kl. 18:45

Æ, gott að heyra að allir hafi skilað sér heim. Maður er alltaf órólegur á meðan fólk er að skila sér í hús. Snjórinn hefur svo sannarlega á sér tvö andlit, það fallega og hið ógnvænlega. Hlýjar kveðjur til þín Ásthildur mín