Skíðavikan ekki langt undan, og komin tími til að huga að fari vestur.

Já páskar ganga í garð 20 mars, eða þá er skírdagur.  Skíðavikan verður örugglega sett á miðvikudaginn 19 í Dymbilviku.  Ég sá í BB í dag að Anna Sigríður Ólafsdóttir hefur verið ráðinn skíðavikustjóri, það er vel, því hún er frábær í alla staði.  Ég sá um þessa skíðaviku í nokkur ár, og get vottað að það er gríðarlega vinna sem liggur að baki henni.  En íbúatalan nánast tvöfaldast.  Og nú undanfarin nokkur ár hefur líka verið hátíðin, Aldrei fór ég suður, sem er frábær tónlistarhátíð í umsjón Mugison og Mugipaba, ásamt fjölmörgum sjálfboðaliðum.  Það verður svo sannarlega mikið um að vera,  ég mun örugglega fjalla um þessa atburði síðar.  En ég er viss um að þeir sem ætla að fljúga, verða að fara að huga að því að kaupa sér miða, því þó hér myndist loftbrú dagana fyrir páska, þá komast færri að en vilja. 

Hér eru nokkrar myndir frá okkar frábæra skíðasvæði, og eins og sjá má, eru nægur snjór í fjöllum.

Hér innst í Tungudal eru lyftur og skíðabrekkur við allra hæfi, auk fjömargra göngubrauta.

Eins og sjá má eru hér brattar brekkur, en það eru líka minni brekkur fyrir þá sem ekki eru vanir og svo barnabrekkur.

Og svo Ísafjörður í baksýn.

En themað er líka Suðureyri hjá mér, því ég tók myndavélina með þegar ég sótti litlu prinsessuna mína á leikskólann.

Hér er kirkjan þeirra, hún er með steindum gluggum, algjör listaverk, sem afhjúpuð voru fyrir ekki svo mörgum árum síðan.

Hér er svo leikskólinn.

Það er spennandi dót á lóðinni.

Inni var líka notalegt, og allir í dúkkuleik, strákar sem stelpur.

Og Hanna Sól kynnti alla krakkana fyrir ömmu.

Svo kvaddi hún Trausta skáfrænda, sem er jafngamall Ásthildi litlu systur.

Og hún er búin að fá mynd og merki líka.

En það var þetta sem hún vildi ná í usss....

Svo var farið gegnum gönginn til Ísafjarðar.

Og heim í kúlu. 

Athugasemdir

[Kristín Katla Árnadóttir, 28.2.2008 kl. 21:31]

Fallegt kúluhúsið þitt  úff það er að koma páskar.

[Ásthildur Cesil Þórðardóttir, 28.2.2008 kl. 21:37]

Já Katla mín það eru að koma páskar. 

[Brynja skordal, 28.2.2008 kl. 21:41]

Er að fara láta ferma prinsinn minn viku fyrir páska þannig að ekkert verður af vesturferð núna en líklegast kem ég bara keyrandi þegar vorar ah hef einmitt öll mín ár sem ég bjó fyrir vestan langað að kíkja í kúluhúsið en kannski maður þori allavegana að keyra nær því núna veit að þú bítur ekki svo fast knús á ísó

[Jóhanna Magnúsar- og Völudóttir , 28.2.2008 kl. 21:58]

Voðalega er eitthvað djúsí skíðasnjórinn á þessum myndum. Gaman að sjá svona brot úr lífi þínu -  og fylgjast með Hönnu Sól!

[Ásthildur Cesil Þórðardóttir, 28.2.2008 kl. 22:11]

Þér er alveg óhætt að banka uppá Brynja mín, ég bít ekki.

Jamm Jóhanna mín, djúsí snjór er sennilega bara nokkuð gott. Og takk.

[Ásthildur Cesil Þórðardóttir, 28.2.2008 kl. 22:23]

[Brynja skordal, 28.2.2008 kl. 22:26]

Takk takk hlakka til að koma vestur næst

[Sigrún Jónsdóttir, 28.2.2008 kl. 23:27]

Takk fyrir þetta "myndaferðalag" Ásthildur!  Ég er frá Suðureyri og hef ekki komið þangað í snjóalögum síðan......æi, ég bara man það ekki.

[Ásthildur Cesil Þórðardóttir, 28.2.2008 kl. 23:32]

Velkomin Brynja mín.

Hehehe Sigrún, jamm segjum ekki meir.  En bara gaman að geta tekið þig með í smáferðalag á Suðureyri.

[Guðborg Eyjólfsdóttir, 28.2.2008 kl. 23:40]

Æðinslengar myndir, þú ert ekkert smá dugleg að setja inn myndir.

[Ásthildur Cesil Þórðardóttir, 29.2.2008 kl. 08:34]

Takk Buðborg mín.