Prinsessa, smá blogg fyrir pabba og mömmu.

Já Hanna Sólin var afmælisbarn leikskólans Tjarnarborgar í dag.  Hún mætti í kjól, kórónan tilbúin og allt klárt.

Leikskólakennararnir voru búnir að undirbúa allt fyrir hana, og börnin fengu ís í tilefni dagsins.  Ein mamman kom út úr skólanum þegar við mættum með hana, og sagði að þau hjónin hefðu sofið yfir sig, en leikskólasystir Hönnu Sólar hefði svo vakið þau um átta leytið og sagt; Pabbi vakti mig ekki í morgun, og ÉG ER AÐ MISSA AF AFMÆLI.  Svo það varð að drífa barnið á leikskólann.

En sumsé svo mætti sú litla.

Hún er þarna eins og blóm í eggi, hún hefur verið hjá þessum yndælu fóstrum tvisvar áður, og það er eins og hún sé komin heim.  Þekkir allt og alla.  Ég er rosalega þakklát þeim, fyrir hvað þær eru frábærar "mömmur"

Tók nokkrar myndir af þessum litlu elskum í leiðinni.

Hér er hún svo sest að fá sér ristað brauð með vinkonunum.

Einu sinni voru prins og prinsessa.

Hún var rosalega montin þegar hún kom heim. 

Hanna Sól er stundum með snuddu  Í gær kom í ljós að besta snuddan var týnd, það var heilmikil rekistefna, og amma gat loks samið við hana um að við  myndum kaupa nýja snuddu á morgun, ef hún vildi þiggja bleiku snudduna, sem er með smágati á. 

Þegar amma var svo að skúra í morgun, kom snuddan í ljós.   Það hafði verið klippt framan af henni.

Þegar sú studda bað um snuddu á heimleiðinni, sagði afi sem sótti hana, að það hefði einhver stelpa klippt framan af snuddunni.

Hún hugsaði sig um smástund, og sagði svo, nei það var nefnilega stór strákur og hann heitir Úlli búlli bí.

Fljót að koma sér út úr vandræðunum. 

Á morgun verður svo alvöru afmælisveisla.  Ég pantaði 2o manna tertu úr Gamla bakaríinu, og ætla svo að baka vöfflur með rjóma. Það verður bara gaman, því þetta er bara fjölskyldan, börnin og barnabörnin. Pabbi hennar kemur líka. 

Fyrir fjallafólkið mitt tók ég þessa mynd í morgun, þegar við vorum að koma frá suðureyri, eftir að fara með hana á leikskólann. 

 

Athugasemdir

[Huld S. Ringsted, 22.2.2008 kl. 17:42]

Til hamingju með prinsessuna Ásthildur

[Ásthildur Cesil Þórðardóttir, 22.2.2008 kl. 17:54]

Takk Huld mín

[Hulda Bergrós Stefánsdóttir, 22.2.2008 kl. 18:02]

Til hamingju með sólina þína

takk fyrir fjallamyndir

[Ásdís Sigurðardóttir, 22.2.2008 kl. 18:24]

Innilega til hamingju með prinsessuna. Sú hefur átt góðan dag á leikskólanum og svo veisla framundan í ömmu kúlu. Ekki slæmt að eiga þig fyrir ömmu.  Takk fyrir fjallamyndina.  Knús    

[Ásthildur Cesil Þórðardóttir, 22.2.2008 kl. 18:34]

Takk Hulda mín.

Smjúts Jóhanna.

Takk 'Asdís mín.  Flottur smiley

[Kristín Snorradóttir, 22.2.2008 kl. 19:29]

Til hamingju með fallegu prinsessuna þína.

[Kristín Katla Árnadóttir, 22.2.2008 kl. 19:36]

Til hamingju með elsku litlu Prinsessuna  Ásthildur mín.

[Margrét St Hafsteinsdóttir, 22.2.2008 kl. 19:44]

Komdu sæl mín kæra og þú ert semsagt á gamla landinu núna  Ég er búin að vera með og er ennþá með flensu en er að hressast.

Alltaf gaman að kíkja við hjá þér og sjá skemmtilegu myndirnar og skrifin. Knús

[Ásthildur Cesil Þórðardóttir, 22.2.2008 kl. 20:19]

Takk Kristín mín.

Takk Katla mín.

Já Margrét mín, ég er komin heim.

[Hrönn Sigurðardóttir, 22.2.2008 kl. 21:12]

Til hamingju með litlu Sólina Ósköp hlýtur að vera erfitt fyrir mömmu hennar að missa af afmælinu - en þó huggun harmi gegn að hún er hjá þér

[Ásthildur Cesil Þórðardóttir, 22.2.2008 kl. 21:44]

Já Hrönn mín, ég er nú líka að gera þetta sýnilegt fyrir múttuna.  Ég held að hún eigi að fara í endurtekningu á prófunum núna eftir helgi.  En hún veit að prinsessan er í góðum höndum. 

[Guðborg Eyjólfsdóttir, 22.2.2008 kl. 22:46]

Til hamingju með litlu prinsessuna þína. Fallegur dagur á Ísafirði

[Steingrímur Helgason, 23.2.2008 kl. 00:15]

Gratjú með prinsessuna, takk fyrir fjallamyndina.

[Maddý (IP-tala skráð) 23.2.2008 kl. 00:33]

Til hamingju með prinsessuna ...

Mikið held ég að það verði notalegt í kúluni með tertu og vöfflur og fullt af börnum ...

[Þórarinn Þ Gíslason (IP-tala skráð) 23.2.2008 kl. 07:19]

Sæl Ásthildur mín.

Einu sinni voru prins og prinsessa, þetta er flott thema hjá þér. og ekki eru myndirnar síðri.

Kveðja.

[Helga skjol, 23.2.2008 kl. 07:49]

Til hamingju með prinsessuna

[Ásthildur Cesil Þórðardóttir, 23.2.2008 kl. 09:36]

Takk GUðborg mín.

Mín er ánægjan kæri Steingrímur.

Jamm Maddý mín, þetta verður notalegt, verið að sækja pabbann inn á flugvöll.  Og ég byrjuð að hræra vöffludeigið. Prinsessan upp í ömmuholu að leika sér að afmælisgjöfinni.

Takk Þórarinn minn.

Takk Helga mín.

[Þórdís Einarsdóttir, 23.2.2008 kl. 21:37]

Til hamingju með afmælið Hanna Sól, Bára og allir hinir.

Þórdís 

[Ásthildur Cesil Þórðardóttir, 23.2.2008 kl. 23:23]

Takk Þórdís mín