Skógarferð.

Já við fórum í skógarferð í dag.  Það tekur bara fimm mínútur að hjóla út úr borginni og inn í skóginn.

Nóg af hjólum, hjólageymsla tanksins greinilega.

Við erum klárar í slagin og lagðar af stað.

Göngu- og hjólabrú yfir kanalinn, járnbrautarsporin og nokkrar umferðaræðar.

Hátt uppi.

Og komnar út í skóg.  Þetta er steinsnar frá öllu argaþrasinu og umferðinni, og bara kominn inn í kyrrð og ró.

Svo var aðeins stoppað, til að fá sér banana og svoleiðis, það fór vel um þær stuttu í þessari hjólakerru. Sést hvaðan hún er upprunnin.

Sú gamla lét sig ekki muna um að hjóla heldur.

Hnökrarnir eru mistilteinar, þessir sem maður kyssir undir á jólunum.  Mistilteinninn er sníkjuplanta, sem lifir á öðrum trjám.

Hér er svo allslags leiktæki og hvíldarstaðir.  En skógurinn er risastór, og í honum á bambi heima, þau eru hér villt dádýrin.

Það er margt skemmtilegt gert fyrir börnin.

Hér eru Rómína og Trölli.  Rómína býr hjá ömmu sinni í Rússlandi, þar er ekki heitt vatn í húsinu, heldur ekki kalt vatn, þær þvo sér úr ánni sem rennur rétt hjá húsinu, en þær eiga heima í litlu þorpi.

Fallegir fuglar á vatninu, þetta vatn frýs á veturna og er þá notað sem skautasvell.

FLottur.

Og eins og sjá má, þá eru tré og runnar farin að bruma, Jasmín sá ég reyndar í fullum blóma í gær.

Gaman að leika sér við vatnið.

Í þessari fótboltahöll fer heimsmeistaramótið fram í júlí í sumar, risastór og ljósgræn.  Það hefur verið styr um þetta, því það þurfti að fjarlæga einhver gömul tré af öryggisástæðum, svo hægt væri að tryggja öryggi þátttakenda.

Og það er verið að gera fínt fyrir mótið.

Hér er tilbúin snjóbrekka, það er settur í hana tilbúinn snjór, en nú er allt að bráðna og fara, því það er svo hlýtt.

Og allstaðar eru skemmtitæki fyrir börnin.

Og svo þurfti maður náttúrulega að skoða trén, þarna er mikið um eik, birki og hrossakastaníu.  Og svo ávaxtatré, plómur, epli og slík.  Austurríki er mjög gjöfult land fyrir landbúnað.  Hér er mikill raki, sérstaklega upp í fjöllum að allt grær vel og mikið.  Einn frændi minn á hér skammt frá ávaxtabúgarð, sem hann rekur ásamt eiginkonu sinni austurrískri, ég er að tala um Leó frænda og Ericu.  Þau eru bæði listamenn, en hafa ávaxtagarðinn sem aukabúgrein.  Ég er ákveðin í að heimsækja þau þegar ég kem við aðrar aðstæður en nú er.  Þau búa í Gras.

En nú var haldið heim, enda litlu stúlkurnar orðnar svangar og þreyttar. 

Athugasemdir

[Ásthildur Cesil Þórðardóttir, 5.2.2008 kl. 12:42]

Takk stelpur mínar, ég hef mjög gaman af þessu, og gaman af að miðla því sem ég upplifi.  Koma gullkornunum til þeirra sem nenna að lesa það sem ég skrifa.  Svo þeir fái líka nasasjón af hinum ýmsu stöðum og uppákomum. 

[Ásdís Sigurðardóttir, 5.2.2008 kl. 12:49]

Æðislega gaman að fara í skógarferð með þér.  Takk fyrir fallegar myndir.  Hvað er annars heitt hjá ykkur?  Kær kveðja.

[Svanfríður Guðrún Gísladóttir (IP-tala skráð) 5.2.2008 kl. 12:50]

       Sæl vinkona ,gaman að sjá þig á hjóli .Það var eitt af því skemmtilegasta sem ég gerði.Nú er ég komin með ,,þríhjól" sem ég var með í Súðavík síðast þegar ég var þar.

             Súðavíkur kveðjur til Vín og ástar-þakkir fyrir stuðningin

                                      SVANNA!

[Ásthildur Cesil Þórðardóttir, 5.2.2008 kl. 13:40]

Hér er svona um það bið 17° og hálf sól, mjög gott veður. 

Takk fyrir góðar kveðju báðar tvær,

þríhjólið gerir sitt gagn Svanna mín, það er nú líkast til. 

[Hrönn Sigurðardóttir, 5.2.2008 kl. 13:49]

Ég gæti svosem hjólað út í skóg líka....

.....ef ég færi mjög varlega  En það er hætt við því að mér yrði kalt á bossanum ef ég settist í snjóinn.....

Flottar myndir!

[Ásthildur Cesil Þórðardóttir, 5.2.2008 kl. 13:57]

Þú færir örugglega létt með það Hrönn mín, með þessa leikfimi og göngutúra.  Þá hlýtur þú að vera í toppformi.  En það er hætt við að bossi yrði kaldur, satt er það

[Tinna tengdó (IP-tala skráð) 5.2.2008 kl. 14:00]

Er alveg búin að sjá það að næst þegar þú þarft að aðstoða Báru við barnapössun, þá þarftu andlegan stuðning, þ.e.a.s. mig :):):)

er staðráðin í að heimsækja Báru í nánustu framtíð :):)

 mikið barnafjör hér, úlfurinn og ale jandra gistu, rosa fjör hér allir búnir að fara út að viðra sig eftir nammiátið síðan í gær og í morgunmat!! já þú last rétt nammi í morgunmat, þau leifa sér allt meðan ég er þreytt og kemst ekki á fætur jafnt og þau!! var að vísu búin að hóta þeim í gær að hausar fengju að fjúka ef þau vöknuðu fyrir klukkan 10 því þau fóru að sofa kl 1 !!  þau eru svo vel upp alin að þau að sjálfsögðu hlýddu því! þau eru líka fljót að átta sig á því að þegar nammi er annars vegar, og í svona miklu magni þá þarf ég að taka toll af því :):)

sakn og knús og kram og allt :):)

nammigrísirnir stórholti 11 :)

[Kristín Katla Árnadóttir, 5.2.2008 kl. 14:04]

Oh hvað ég vildi að ég væri þarna hafðu það gott Ásthildur mín.

[Ásthildur Cesil Þórðardóttir, 5.2.2008 kl. 18:09]

Frábær Tinna mín hehehe.... auðvitað þarf að taka toll af namminu  Það hefði verið frábært að hafa þig hér líka elskuleg.  Þú hefðir gaman af að vera hér hjá Báru.

Takk Katla mín.  Já þú hefðir gott af að koma og vera í ró. 

[Jenný Anna Baldursdóttir, 5.2.2008 kl. 19:37]

Takk fyrir að leyfa okkur að fylgjast með.

[Ásthildur Cesil Þórðardóttir, 5.2.2008 kl. 20:43]

[Anna Ólafsdóttir (anno) (IP-tala skráð) 5.2.2008 kl. 20:47]

Vá hvað þetta eru skemmtilegar myndir. Mig langar til útlanda. Þú átt gott - njóttu - knús til ín

[Steingrímur Helgason, 5.2.2008 kl. 21:04]

Hvernig er þetta með þig kona, ertu alltaf á flakki, unir þú ekkert heima hjá þér ?

Fínar myndir & ferðasögur sem ætíð....

[Ásthildur Cesil Þórðardóttir, 5.2.2008 kl. 21:44]

Takk Anna mín, og knús á móti.

Steingrímur ég helst sennilega ekki mjög vel við á skerinu okkar hehehe.. En nú varð ég að fara og hjálpa stelpunni minni svo hún gæti lesið undir erfið próf sem hún var að taka.  Vonandi hjálpaði það henni til að ná þeim, eða allavega að vera betur undirbúin undir endurupptöku.  Hvað gerir maður ekki fyrir börnin sín.

[Solla Guðjóns, 6.2.2008 kl. 18:21]

Dásamlegt.