Villa Aurora - Vienna.

Ég fór með hinum Austurrísku vinum mínum á mjög skemmtilegan stað í gærkveldi.  Ég kynntist þeim reyndar þannig að þau komu í kúluna, vildu fá að hitta þessa skrýtnu konu og ræða við hana um lífið og tilveruna.  Og þar með var boltanum kastað.  Þau eru íslandsvinir, og planið er að koma til Íslands aftur næsta sumar.  Hann er fyrrverandi blaðamaður og blaðaljósmyndari, hætti eftir 10 ára starf, af því að honum fannst blaðamennskunni vera of mikið stjórnað af peningamönnum.  Hún vinnur með börnum á á listasafni fyrir börn, og er að ljúka námi í listasögu.  Þau eru rosalega yndæl bæði tvö.

En við fórum á stað sem heitir Villa  Auróra, á einni hæðinni hér í Vín, þetta er eins og upp í sveit, staður sem er út úr, þó hann sé aðeins í örfárra mínútna keyrsla frá miðbænum.  Þarna er allt gert til að gestum líði vel.  Þar er stór grasflöt sem er fyrir "Picnic" á sumrin, þegar frost er, þá búa þeir til skautasvell á flötinni, þarna er gamall fiskibátur sem hægt er að fara upp í og með nesti útbúið frá veitingastaðnum, það er líka hægt að fá picnickörfu og teppi út á grasflötina, og það er bara rosalega flott þarna, og allt ódýrt.  Ég mæli með þessum stað ef þið eruð á ferð í Vín.

Þetta er grasflötin góða.

Þessir herramenn sem flestir kannast við brostu við manni þegar maður kom inn.

Hér erum við svo öll, við fengum okkur auðvitað vínarsnitzel, hvað annað.  Og alveg rosalega gott.

Hér er svo báturinn, ég veit ekki hvort hann er með kvóta hehehe.

Garðurinn er heilt ævintýri út af fyrir sig.

Hér erum við hátt upp í útsýnisturni þar sem hægt er að horfa yfir Vín og nágrenni.  Christina tók þessa mynd sjálf af okkur.  

Frábært kvöld.  Ef þið hafið áhuga, þá er addressan Villa Aurora - Vienna, A-1160, Wilhelminenstrabe 237, at the corner of Savoyenstrabe. 

Og nú er nefnilega komin laugardagur.  Góðar stundir. 

Athugasemdir

[Magnús Geir Guðmundsson, 2.2.2008 kl. 20:30]

Bestu kveðjur til þín, stíg með þér einn góðan vals í anda eftir Johann eða Richard Strauss!

[Ásthildur Cesil Þórðardóttir, 2.2.2008 kl. 20:42]

Ekki er það nú slæmt Magnús minn.  Bara boðið upp í dans, takk fyrir það. 

[Magnús Geir Guðmundsson, 2.2.2008 kl. 21:17]

Minn væri nú heiðurinn ef glæsikonan þú sjálf myndir þeiggja þó ekki væri nema einn stuttan dans við garminn mig! Yrði þó reyndar fyrst að dusta rykið af sporunum fáu sem ég kann og bæta kannski líka nokkrum við!

En var að lesa kveðskapin þinn hérna fyrir neðan, þú ert ekki öll þar sem þú ert séð, Stórkona að atgerfi og nú ekki síður sé ég í anda!

Þið vestangyðjurnar eruð annars nokkrar, get laumað því að þér, að frá blautu barnsbeini hef ég fengið að kynnast konum þaðan, ein af hinum fjölmörgu Vagnssystrum frá Þingeyri, Aðalheiður, sem ung fluttist hingað norður var um árabil ásamt fjölskyldu nágrani foreldra minna og bræðra! Góð kona og mikill dugnaðarforkur hún Heiða!

[Ásthildur Cesil Þórðardóttir, 2.2.2008 kl. 21:47]

Takk fyrir hrósið Magnús minn.   Jamm dansinn er holl og góð hreyfing, og líka ljómandi skemmtileg.  Ég þekki Vagnssysturnar á Þingeyri og þeirra dætur líka bara nokkuð vel, kjarnakonur þar á ferð, sem ekki láta neinn vaða yfir sig. 

[Margrét St Hafsteinsdóttir, 2.2.2008 kl. 22:48]

Vinarvalskveðjur  Það væri gaman að sjá þig Ásthildur mín og Magnús Geir taka sporið! Hann verður að standa við dansboðið!

Bestu kveðjur til þín og þinna og takk fyrir skemmtileg og falleg skrif á minni síðu

[Ásthildur Cesil Þórðardóttir, 2.2.2008 kl. 22:51]

Já Margrét mín, við verðum að dansa vínarvals ekki spurning um það.  Það sem ég sagi meinti ég frá mínum hjartans rótum mín kæra. 

[Anna Ólafsdóttir (anno) (IP-tala skráð) 2.2.2008 kl. 23:19]

Innlitskvitt -  Maður verður nánast heimsborgari við það eitt að skoða bloggið þitt kona. Alltaf jafnfrábært að koma hingað í heimsókn. 

[Ásthildur Cesil Þórðardóttir, 2.2.2008 kl. 23:22]

Takk fyrir það Anna mín Þau voru flott í kvöld Pálmi og Hrund.  Hætti að horfa þegar svokallaðir dómarar gerðust svo hlutdrægir að mér ofbauð.  Næstg legg ég til að það verði engir besservisserar til að segja fólki hvað það á að kjósa.

[Ásdís Sigurðardóttir, 3.2.2008 kl. 00:02]

Elsku Ásthildur, þú ert bara að skemmta þér sé ég, það er æðislegt.  Hafðu að gott áfram og takk fyrir að fræða okkur svona um alla heimsins staði sem þú heimsækir.

[Jens Guð, 3.2.2008 kl. 02:37]

  Skemmtilegar myndir.  Gaman að fylgjast með þessu.

[Ásthildur Cesil Þórðardóttir, 3.2.2008 kl. 07:11]

Takk bæði tvö.

[Svanfríður Guðrún Gísladóttir, 3.2.2008 kl. 13:32]

Sæl vinkona Cesil!  En hvað ég skil þetta vel,  því pabbi minn mátti allan sinn aldur berjast fyrir einu af þeim nöfnum sem hann var skírður er það voru nöfnin: Garibald Gísli Anton.

En hann hét eftir heilli fjölskyldu sem fórst í snjóflóði við Siglufjörð árið 1919.  Hagstofan vildi hafa það ;;Garibaldi"en það var ekki nafnið sem hann var skírður

!PS: gaman að sjá myndina af okkur Brynju á síðunni hjá þér.Ég skrifa skondna sögu (að mér finnst )um manna nöfn  á síðuna mína , hún gerðist fyrir vestan,  Góðar kveðjur Svanna

[Ásthildur Cesil Þórðardóttir, 3.2.2008 kl. 16:53]

Þessi mynd er alveg frábær af ykkur tveimur Svanna mín.  Ég kíki á síðuna þína.

[Solla Guðjóns, 6.2.2008 kl. 18:11]