Góða nótt.

Lærið heppnaðist vel, og börn og fullorðnir átu á sig gat, þannig á það að vera með íslensku sauðkindina, sem er besta villibráð sem til er.  Veðrið er gengið niður hér í Vín, og ég er að fara að halla mér, þarf samt að fara aðeins út að rölta með hundinn, en það er vegna þess að hann fékk bein af íslensku lambalæri, í staðin fyrir eitthvert pillusull  En svona er lífð, þú færð eitthvað gúrme og þarft að vinna það upp á einhvern hátt, ekkert er ókeypis í þessum heimi. Það er gott að hafa í huga, sérstaklega núna á dögum útsölu og tilboða. 

Ég segi bara góða nótt elskurnar og munið að það er líf eftir nóttina, þá hefst nefnilega nýr og spennandi dagur. 

Athugasemdir

[Hrönn Sigurðardóttir, 27.1.2008 kl. 22:03]

Góða nótt

[Jenný Anna Baldursdóttir, 27.1.2008 kl. 23:44]

Góða nótt og knús á línuna.

[Svanfríður Guðrún Gísladóttir, 27.1.2008 kl. 23:47]

                       GÓÐA NÓTT!

 

[Beturvitringur, 28.1.2008 kl. 03:43]

YEMEN "eitt af ríkari þjóðum heims"!  Það er þá eins og að útlendingur færi í partý hjá Baugsforstjóranum og bæri þær fréttir heim að á Íslandi væri rosalegt ríkidæmi.

Almenningur í Yemen má þakka fyrir að eiga skó á börnin sín! hvað þá skólagöngu, sem þó á að vera skylda.

 

[Laufey B Waage, 28.1.2008 kl. 09:03]

Og nú er hann hafinn hjá mér - nýr og spennandi dagur. Vonandi verður hann spennandi hjá þér líka. Já sígilda íslenska lambalærið stendur svo sannarlega fyrir sínu.

[Tinna (IP-tala skráð) 28.1.2008 kl. 09:04]

Hæ elsku tengdó

mikið væri ég til í að vera með þér úti núna að fá að knúsa englana mína aðeins...

bið að heilsa Báru en sérstakar pæjukveðjur fær hún Hanna Sól aðalskvísa ;);)

bæbæ sakn sakn í óveðrinu :)

[Ásthildur Cesil Þórðardóttir, 28.1.2008 kl. 10:34]

Takk elskurnar ég svaf eins og engill, með aðra  dömuna upp í og hún er þvers og kruss í rúminu, en ég verð ekki vör við hana einu sinni, og svo hina í barnarúmi við hliðina á mér.  Hún fær pela um sjöleytið, að staðartíma, og svo er hún ósköp ljúf og hjalar lengi áður en amma er nægilega vöknuð til að taka hana upp í líka. 

Ég veit betruvitringur að það er fátækt fólk í Yemen, en furstar og fyrirmenn eiga miklu meira en gengur og gerist.  Sorglegt hve auði mannkyns er misskipt, þegar allir ættu að geta haft nóg í sig og á, ef réttlætið og jafnræðið ríkti meðal þjóða heims, en því miður eru okkar fylgifiskar græðgi og öfund, þær systur sleppa ekki af okkur hendinni svo auðveldlega.