Vetrarsólstöður og Gleðileg jól.

dag eru vetrarsólstöður, stysti sólargangur, myrkasti dagurinn.  Á morgun fer svo að birta á ný.

 

Það er ljós yfir Kubbanum mínum, ef til vill ljós engils sem gætir okkar hér.

 

Og dísirnar dansa í Naustahvilftinni.  Blæjudans fyrir þá sem vilja sjá og skynja. 

 

Og ömmustubbar spá í framtíðina.

Svo langar mig til að þakka ykkur samfylgdina þetta árið, það er ótrúlegt hve maður getur kynnst og þótt vænt um fólk sem maður hefur aldrei séð.  En sennilega kynnist maður sálinni betur svona við að lesa það sem fólk skrifar.  Þar leynist manns innri maður í hverjum stafkrók. Hér eru margir sem mér er farið að þykja mjög vænt um.  Og hlakka til að fá að fylgjast með áfram á næsta ári.  Oft þarf svo lítið til að geta glatt svo mikið.  Að maður trúir því ekki fyrr en maður upplifir það sjálfur.

o0o 

Hér er smásaga. Ungi maðurinn hafði fengið nóg af lífinu.  Hann var ákveðin í að enda þetta allt.  Og þennan dag skyldi látið verð af því.  Hann gekk þungum þönkum niður eftri götunni í átt til sjávar. Þá mætti hann gamalli konu.  Hún brosti til hans, og spurði hvort hann gæti mögulega hjálpað sér að bera pokana sem hún hélt á í kræklóttum höndum. Ég er svo slæm af gigt, sagði hún, og pokarnir eru þungir. Hann hugsaði með sér að tíminn skipti ekki máli, til eða frá, og tók af henni pokana og bar þá út að bílnum hennar.  Þetta var gamall Citroen.Æ hvaða hvaða sagði konan, nú hef ég gleymt lyklunum mínum inn í búðinni þarna.  Ekki viltu vera svo vænn að hlaupa fyrir mig og ná í þá ?Ég er fljótari í förum en hún, hugsaði hann og fór og náði í lyklana. Ég er nefnilega svo slæm af gigtinni sagði gamla konan.  Mikið varstu nú vænn, ég vildi óska að ég gæti gert eitthvað fyrir þig í staðinn. Hann stóð þarna og virti hana fyrir sér, gamla dálítið hokna, í snjáðum fötum við þennan gamla bíl, en það var einhver friður yfir henni samt, og hann horfði inn í augu sem voru full af ástúð og gleði.Og þá allt í einu sá hann hve heimskulegar áætlanir hans voru.  Hann rétti úr sér og brosti, fyrst komu viprur í munnvikin sem breiddust út yfir allt andlitið.  Í dag hefur þú gefið mér þá stærstu gjöf sem ein manneskja getur gefið annari, sagði hann hlýlega.  Hann tók utan um gömlu konuna og faðmaði hana að sér.  Svo gekk hann rösklega til baka, þaðan sem hann hafði komið. Þar sem ekkert er nytt undir sólinni, þá hefur þetta örugglega gerst einhversstaðar.  Svo langar mig til að setja hér inn smá kveðskap.

Jól.

 

Ég hugsa oft er herðir frost,

Og hel dimm nóttinn nálgast oss.

Með skammdegi og skugga,

er skylda okkar að hugga.

Þann sem ekki á neinn að

einskis barn, við skiljum það,

að þá er þörfin brýna

að þekkja vitjun sína.

 

 

Með kærleikann sem leiðarljós

lifir best vor sálarrós,

það blómið blítt sem dafnar

og birtu andans safnar.

Allt sem innnra áttu nú

elsku þína von og trú,

vert er gaum að gefa.

grát og sorgir sefa.

 

 

Dreyfðu ást um byggð og ból

þá bestu áttu gleði jól.

Gott er lífið sitt á því að byggja,

að sá sem gefur öðrum, allt mun þiggja.

 

 

 

 

Jólahugvekja.

 

 

Hátíð ljóss og lita,

Lýsir dimma jörð.

Það vinur skaltu vita

að völt er mannsins gjörð.

 

Í djúpi morgundagsins

ef drungi í sálu býr,

Af sorgum sólarlagsins

þá löngur áfram knýr.

 

 

Að vilja vaka og vinna

og verja fast sitt leg.

Því sókarfæri sinna

að sækja fram á veg.

 

Í miðju drungans dapra,

er dásemd – jólaljós.

Sem eyðir nístingsnapra

norðri – frostsins rós.

 

Og lætur blíða bera

oss blessun yfir hjörð,

Þá von mér viltu gera,

að vekja Ísafjörð.

 

Gleðileg jól öll sömul og takk fyrir að vera til.

Athugasemdir

[Sunna Dóra Möller, 22.12.2007 kl. 19:02]

Gleðileg jól og hafðu það gott um hátíðirnar !

[Ásthildur Cesil Þórðardóttir, 22.12.2007 kl. 19:24]

Sömuleiðis Sunna Dóra mín.

[Ásta Björk Solis, 22.12.2007 kl. 19:38]

 Falleg saga.Og gledilega hatid til thin og thinna.

[Margrét St Hafsteinsdóttir, 22.12.2007 kl. 19:52]

Gleðilega hátíð Ásthildur mín og hafðu það sem allra best og þið öll. Jólaknús.   

[Maddý (IP-tala skráð) 22.12.2007 kl. 19:55]

Gleðilega hátíð elsku Ásthildur og takk fyrir allt

[Hallgrímur Óli Helgason, 22.12.2007 kl. 20:29]

Sömuleiðis jólakveðjur til þín Ásthildur og þinnar fjölskyldu

[Ásdís Sigurðardóttir, 22.12.2007 kl. 20:32]

Nú snertir þú mína hjartans strengi þú vestfirska DÍS, mér þykir vænt um þig og tilvist þína. Takk fyrir allt sem þú hefur gefið mér á þessu ári. Kær kveðja til allrar fjölskyldu þinnar og njótið hvíldar, friðs og kærleiks um jólin.  Kær kveðja.

    

[Magnús Geir Guðmundsson, 22.12.2007 kl. 20:34]

Já, bestu hátíðarkveðjur og góða ferð!

[Þórarinn Þ Gíslason (IP-tala skráð) 22.12.2007 kl. 20:46]

Gleðileg jól,   og takk fyrir frábæra pistla,myndir og bara allt.

   Að sjálfsögðu, er þessi jólakveðja, fyrir þig og fjölskyldu þína.

Þói Gísla.

[Ásthildur Cesil Þórðardóttir, 22.12.2007 kl. 21:15]

Takk öll sömul, þið eruð svo yndæl öll sömul. 

[Huld S. Ringsted, 22.12.2007 kl. 21:55]

Gleðileg jól Ásthildur, takk fyrir skemmtilega bloggvináttu og hafðu það sem allra best yfir hátíðina

[Hrönn Sigurðardóttir, 22.12.2007 kl. 22:09]

Takk fyrir mig! Þarna snertir þú - einu sinni sem oftar - mína strengi

Gleðileg jól

[Jón Steinar Ragnarsson, 23.12.2007 kl. 09:18]

Friður megi fylgja þér

framtíð alla bjarta.

Ía þú ert yndi mér

innst við rætur hjarta.

 Gleðileg Jól elsku Ásthildur mín, Elli og Stubbur og allir álfarnir í Kúlunni.  Megi árið nýja verða ykkur til heilla og gleði og þakka ykkur ómældar gleðigjafir ykkar og elsku.

[Anna Ólafsdóttir (anno) (IP-tala skráð) 23.12.2007 kl. 09:43]

Yndislegur pistill - Takk fyrir hann. Mín kæra bloggvinkona í vestrinu. Gleði- og gæfuríkra jóla óska ég þér og þínum. Takk fyrir yndisleg kynni. Kveðja úr norðrinu

[Hulda Bergrós Stefánsdóttir, 23.12.2007 kl. 10:06]

Nú er dag farið að lengja á ný, svona líður tíminn hratt.

Gleðilega hátíð Ásthildur njóttu í faðmi fjölskyldunnar

Jólabloggvinakveðja

[Ásthildur Cesil Þórðardóttir, 23.12.2007 kl. 10:39]

Takk öll sömul, ég segi sama um þig Jóna mín.  Ég hef lært heilmikið af þér á þessum tíma. 

Jón Steinar álfarnir verða glaðir við að fá kveðju

Þið eruð öll yndislegust og bestust bloggvinirnir mínir.  Hafið gefið mér svo margt gott, þúsund þakkir og kærar kveðjur til ykkar allra.

Eitt hjarta fyrir hvern og einn.

[Kristín Katla Árnadóttir, 23.12.2007 kl. 11:26]

Gleðileg Jól elsku Ásthildur mín

[Ásthildur Cesil Þórðardóttir, 23.12.2007 kl. 11:43]

Ég vil óska þér gleðilegra jóla Katla mín og sendi þér risaknús og orku, ég vil endilega að þú eigir góð og áhyggjulaus jól, og að nýja árið verði þér gleðilegt og gott. 

[Greta Björg Úlfsdóttir, 23.12.2007 kl. 14:39]

Bestu jólakveðjur og megið þið eiga yndisleg jól!

[Jakob Falur Kristinsson, 23.12.2007 kl. 16:13]

Gleðileg Jól, Ásthildur og hafðu það sem allra best.

[Þórdís Einarsdóttir, 23.12.2007 kl. 16:50]

Gleðileg jól Áshildur og takk fyrir allar myndirnar. Hafðu það sem allra allra best um hátíðarnar.  Bestu kveðjur til fjölskyldunnar þinnar og vinanna í kúlunni. 

Þórdís 

[Marta B Helgadóttir, 23.12.2007 kl. 18:55]

Gleðileg jól Ásthildur og takk fyrir frábær skrif á blogginu.

[Ásthildur Cesil Þórðardóttir, 23.12.2007 kl. 22:24]

Takk öll sömul, þið eru yndisleg.  Sunna mín var með mömmu þinni og Ingu Báru í skötuveislu í hádeginu, og þar voru líka Geiri og Leal, og Kristín litla. 

Takk öll sömul og gleðileg jól.