Hið daglega veður.

Þá er komin 19. desember, og brátt fer að lengja daginn aftur.  Vel þess virði að fagna og gera sér glaðan dag.

Ósköp notalegt veður í dag.

Allt gengur sinn vanagang á Ísafirði í dag.

Og N1 er með júlahúfu, ætli það sé útspekulerað.

En hér er allt bara við gott og rólegheit.  Gaman að dást að jólaljósunum og svona.  Þetta er yndislegur kertatími, bara að muna að slökkva á þeim ef maður bregður sér frá.  Litlu Jólin hjá Stubb á morgun.  Þá má hafa með sér gos og smákökur, eins gott að Bónína er búin að baka fyrir mig þessar líka fínu kökur. 

 

Við þrjú fáum okkur stundum te saman eftir kvöldmat, svo les afi Harrý Potter fyrir stubbinn, eða stubburinn les fyrir afa, svo stelast þeir stundum til að grípa niður í bókina í laumi, og þá verður hinn að ná á sama stað, áður en þeir geta farið að lesa saman.  Það er bara notalegt. 

Athugasemdir

[Ásdís Sigurðardóttir, 19.12.2007 kl. 15:36]

Var ekki búin að fatta þetta með jólahúfuna á N1, þú tekur nú eftir svo mörgu.

[Jenný Anna Baldursdóttir, 19.12.2007 kl. 15:44]

Sammála Ásdísi, þú hefur næmt auga.  Knús.

[Steingrímur Helgason, 19.12.2007 kl. 16:44]

Toppmynd, þessi toppmynd ...

[Sigurður Hólmar Karlsson, 19.12.2007 kl. 18:27]

Þú er frábær og takk fyrir kommentið já vorum heppnir að þetta var bara bíll

[Ásthildur Cesil Þórðardóttir, 19.12.2007 kl. 19:16]

Einmitt Siggi minn. 

Já þetta með jólasveinahúfuna flaug svona gegnum huga minn í hádeginu, þegar myndin þrykkti sér svona fram rauð og hvít. 

[Steinunn Helga Sigurðardóttir, 19.12.2007 kl. 22:04]

fallegar myndir að vanda kæra cesil.

AlheimsLjós

steina 

[Ásta Björk Solis, 19.12.2007 kl. 22:59]

Va thessar myndir eru aedislegar

[Kristín Katla Árnadóttir, 19.12.2007 kl. 23:03]

Þú ert alveg fábær elsku elsku Ásthildur mín takk fyrir að koma til mín ég gat ekki sagt neitt fyrr en núna ef þú  kíkir á mig þá sérðu það.

[Jón Steinar Ragnarsson, 20.12.2007 kl. 02:41]

Eru menn alveg hættir að setja jólaljós á bátana. Hvurslags jólatröllar eru þetta eiginlega? Raunar fer afar lítið fyrir jólaskreytingum þrna í bænum, af myndunum að sjá. Mér fannst við alltaf standa okkur ágætlega í því hérna í den.  Þeir eru þó enn með Jólatré fyrir framan Hótel Ísafjörð.(Það hryllilega ljóta hús)

[Jón Steinar Ragnarsson, 20.12.2007 kl. 02:41]

Eða er það ekki?

[Ásthildur Cesil Þórðardóttir, 20.12.2007 kl. 08:52]

Jú Jón Steinar minn og skraut á staurunum niður Hafnarstræti það eru kaupmennirnir sjálfir sem sjá um það, og svo seríurnar gömlu, held meira að segja að það séu sömu seríurnar með græna gerfibarrinu hehehe sem strengd eru milli húsa í Hafnarstrætinu, skátarnir setja það upp.  Og svo eru seríur á reynitrjánum á torginu. 

Knús á þig á móti elsku Jóna Ingibjrög.

Kíki á þig eftir smá Katla mín, knús á þig.

Ljós til þín líka Steina mín. 

Takk Ásta Björk mín. 

[Sunna Dóra Möller, 20.12.2007 kl. 09:37]

Skemmtileg lýsing á samskiptum afans og stubbsins...svona samverustundir eru ómetanlegar !

Eigðu góðan dag !

[Maddý (IP-tala skráð) 20.12.2007 kl. 10:03]

Flottar myndirnar þínar eins og alltaf!

Knús og kram

[Jóhanna Magnúsar- og Völudóttir , 20.12.2007 kl. 10:11]

Þú alltaf í bláu myndunum!  Hvað um það - þær eru þó mjög listrænar og fallegt að sjá einstaka liti skera sig út eins og í rauða skipinu og á bensínstöðinni. Fallegt líka hvernig speglast. Það er víst ekkert dónó við þínar ,,bláu" ..

[kidda, 20.12.2007 kl. 10:23]

Ekki hafði ég kveikt á því að Neinn væri með jólahúfu

Knús fyrir daginn

[Ásthildur Cesil Þórðardóttir, 20.12.2007 kl. 10:53]

Takk stelpur mínar.

Sunna Dóra mín, þetta er mjög gott veganesti fyrir stubbinn út í lífið, samlesturinn með afa.  Enda er hann strax orðin algjör lestrarhestur, fer oft inn í Bókhlöðuna Pennan, bara til að vera innan um bækurnar.  Og hann les engar smábarnabækur, það er Harrý Potter Eragon og heimsmetabók Guinnes.

Takk Madddý mín.

Einmitt Jóhanna mín, þær eru ekki dónalegar.

Já þetta var einhvernveginn svo augljóst svona í þessari birtu Ólafí mín.