Nemendatónleikar Tónlistaskóla Ísafjarðar.

Ég var á jólatónleikum Tónlistaskóla Ísafjarðar, þetta er að vísu tónleika röð, þar sem allir nemendurnir koma fram og skemmta foreldrum og öðrum.  Aldeilis frábær skemmtun.

Fyrst var Skólalúðrasveitinn.  Stjónandi og kennari þar er Madis Mäckalle, sem hefur verið hér í nokkur ár, og náð aldeilis frábærum árangri, líka með lúðrasveit þeirra sem eldri eru.  Nokkrir úr þessari skólasveit eru líka í þeirri hljómsveit, tvær dætur Madís, Marelle og Miriam, þær leika á ýmis blásturhljóðfæri.  Þau komu frá Eistlandi og eru sannkallaðir gullmolar.

Ef þið haldið að stelpur læri ekki á trommur, þá er það bara ekki rétt, hér er ein efnileg. Emma Rúnarsdóttir heitir hún.

Svo var það stubburinn minn, ég held að öllum öðrum ólöstuðum hafi hann slegið í gegn, þeir sömdu sjálfir þennan trommudúet hann og kennarinn, stubburinn taldi í meira að segja.  Jazz-spjall kölluðu þeir þetta frábæra tónlistaverk.  Þá var amma stolt.

Þeir voru flottastir. Önundur er frábær kennari og vinur nemendanna.

Þessir ungu menn eru bræður og fjölskyldan kemur frá Póllandi. Snillingar framtíðarinnar.

Þetta er ein af heimagöngunum hjá mér hún Laufey.

Þau tóku svo saman Litla trommuleikaran Úlfur og Sóley Ebba, mjög fínt hjá þeim og góður samleikur.

Einn af þeim efnilegri leikur hér "How Deep is your Love" í frábærum fluttningi.

Hér er Maksymilian Haraldur Frach að spila Býfluguna, ekki léttasta fiðluverkið eftir Schubert.  Þeir bræður eru Pólskir og foreldrar þeirra báðir kennarar við skólan.  Það er þvílíkur fjársjóður sem við eigum hér af tónlistarmönnum og kennurum.  Hér voru margir efnilegir nemendur, þó ég hafi ekki getað sýnt myndir af þeim öllum.  En þetta fólk er framtíðin okkar í tónlist, það er enginn spurning.

Athugasemdir

[Ásdís Sigurðardóttir, 15.12.2007 kl. 20:41]

Stubburinn er greinilega upprennandi snillingur.

[Kristín Katla Árnadóttir, 15.12.2007 kl. 21:50]

Ójá hann er mjög flottur þessi elska.

[Ásthildur Cesil Þórðardóttir, 15.12.2007 kl. 22:22]

Já hann var aldeilis frábær í kvöld.

[Huld S. Ringsted, 15.12.2007 kl. 23:43]

Það er svo gaman að hlusta á unga tónlistarmenn, ég sakna svona tónleika síðan að stelpan mín var í píanónámi!

[Ásthildur Cesil Þórðardóttir, 16.12.2007 kl. 00:00]

ja það er virkilega gaman að fylgjast með þeim koma svona fram, einlægnin er yndisleg.  Og þau hafa svo gott af þessu.

[Jón Steinar Ragnarsson, 16.12.2007 kl. 01:34]

Vá, hvað þetta er fallegt.  Stubburinn stefnir í að leysa Helga Björns og Múgison af hólmi. Það er klárt. Tónlistin er sennilega vanmetnasta kennslugreinin í skólum landsins. Þar læra menn á gildi samhljómsins í lífinu.  Sennilega mikilvægara en öll siðfræði af bókum því hér ræður hjartað för og engin tilgerð í gangi.

[Hrönn Sigurðardóttir, 16.12.2007 kl. 07:27]

Einbeitnin skín af hverri mynd

[Sigurður Hólmar Karlsson, 16.12.2007 kl. 08:22]

Enn eitt sem gerir vestfyrðina sérstaka hversu margt gott tónlistarfólk hefur verið þar og

 er enn og alltaf að bætast við 

[Ásthildur Cesil Þórðardóttir, 16.12.2007 kl. 11:23]

Já auðvitað Arna mín.  Það er gaman að eiga myndir af þessum elskum við slík tækifæri.  þar sem þau læra að koma fram og sýna hvað þau eru dugleg. 

Já Siggi minn hér er alltaf að bætast við þá flóru.

Þau eru vissulega einbeitt Hrönn mín. 

Hehehe Jón Steinar, ég vona að honum gangi vel stubbnum.  Hann var rosalega flottur í gær.

[Anna Ólafsdóttir (anno) (IP-tala skráð) 16.12.2007 kl. 12:56]

Það er ekki lasut við að ég fái smá nostalgíukast þegar ég sé þessar myndir. Stýrði tónlistarskóla hér á árum áður og jólatónleikar voru alveg dásamlega skemmtilegar og hátíðlegar stundir. Allir spariklæddir, í jólaskapi, spiluðu eins og englar og og og ....  

Knús á þig

[Matthilda M. Eyvindsd Tórshamar, 16.12.2007 kl. 13:13]

Ásthildur, er ekki einhver blómabúð þarna á Ísafirði? Ég þarf nefnilega að senda blómvönd fyrir systur mína í Færeyjum, svilkona hennar, sem bjó í Færeyjum, lést um daginn og verður jörðuð í Hnífsdal og mig vantar nafn á blómabúð.

Með fyrirfram þökk.

[Ásthildur Cesil Þórðardóttir, 16.12.2007 kl. 15:12]

Blómaturninn 456 5297 sama númer á faxi.   Matthilda mín. 

Já einmitt Anna mín, þetta er svo sannarlega hátíðleg stund fyrir bæði nemendur og foreldra. 

[Þórdís Einarsdóttir, 17.12.2007 kl. 11:29]

Vá ég fæ þvílíkt flashback, mér finnst ég eiga að drífa mig upp á svið!  

Ekki er þetta systursonur minn að spila þarna á blokkflautuna?

Þarf að fara að finna mér hljóðfæri aftur. Kitlar aðeins í fingurna.

Þ 

[Ásthildur Cesil Þórðardóttir, 17.12.2007 kl. 12:02]

Já þú verður að drífa í að fá þér hljóðfæri Þórdís mín.  Mamma þín var þarna sá ég.  Var einmitt að hugsa til þín, þegar ég horfði á hana. 

[Þórdís Einarsdóttir, 17.12.2007 kl. 18:16]

Ef það eru nemendatónleikar þá er mamma þar. Og oftast er hún hóstandi svo hún nær varla andanum.  Þetta virðist fara saman tónleikatörn og hóstinn hennar, hún hlýtur að vera með ofnæmi fyrir tónleikum.

En einhverntíman ætla ég að kaupa mér hljóðfæri. Var búin að safna mér aur, en eyddi honum í hús.

Kveðja

Þ 

[Ásthildur Cesil Þórðardóttir, 17.12.2007 kl. 18:38]

Honum var vel varið aurnum í hús Þórdís mín.  En mamma þín hóstaði bara ekkert á þessum tónleikum, en síminn var eitthvað að stríða henni  en hún er flottust. Tek einhverntíman mynd af henni og set hér inn fyrir þig.   eða ef til vill bara af húsinu ykkar.

[Þórdís Einarsdóttir, 18.12.2007 kl. 08:35]

Takk fyrir það!