Hið daglega veður og hinn ægilegi Krampus.

Hið daglega veður á Ísafirði.

Það var ansi hranalegt í morgun.  Stóra gróðurhúsið mitt alveg farið til fjandans.

 Ekki beint svona kræsilegt.

Þurfti að skreppa í bæinn, og tók þá þessa mynd.

Svo smávegis glaðningur fyrir fjallafólkið mitt.  Upp úr hádeginu þá fór aðeins að rofa til.

Það birti alveg heimikið.

En samt ekki allstaðar.

Ég elska þessa liti.

Þetta gerðist nefnilega um leið og rafmagnið fór.  Eins og væri verið að kveikja á alheimsljósinu út af rafmagnsleysinu.

 

En ég var að lesa í fréttablaðinu um Krampus.  Krampus er eins konar grýla þeirra Austurríkismanna.

Nú er í gangi herferð til að kveða niður hræðslu barna við þetta dýr.  Ég man vel eftir jólakettinum, og hræðslu við að lenda í honum.

En fréttin er svona;

Fyrir komandi jól ákvað markaðsráð Salzborgar í Austurríki í samvinnu við dýragarð borgarinnar, dótaminjasafnið og þjóðleikhúsið að setja á fót sjálfshjálparnámskeið fyrir börn sem hræðast þarlenda jólagrýlu meira en góðu hófi gegnir.

Krampus heitir hann sem ásækir óþekku börnin.  Hann skilur eftir kol til viðvörunar heima hjá þeim eða, þegar í harðbakkann slær, bindur hann þau á höndum og fótum með stálkeðjum og slær þau í rassinn með birkivendi.

 

"Upplifðu Krampus" heitir námskeiðið þar sem börnin læra að þekkja fyrirbærið og þeim er kennt að komast yfir hræðsluna.  Með því að föndra, dansa,  og klappa dýrum minnkar smam saman fjarlægðin við hinn hyrnda, ófrýnilega og loðna Krampus.

Í dýragarðinum skoða þau horn á dýrum, í dótaminjasafninu er þeim kennd saga Krampusar og þau látin smíða sína eigin Krampus- grímu og í þjóðleikhúsinu fá þau að klæða sig í Krampus-búning og hlaupa um.

Námskeiðið var haldið í fyrsta skipti nú í haust og varð geysivinsælt.  Sjö hundruð krakkar tóku þátt og verður því haldið áfram um sinn þótt Krampus sé farinn að hlaupa um götur að hræða mann og annan.

Uppeldisfræðingarnir einblína á jákvæðar hliðar grýlunnar.  Að Krampus reki burt illa anda með sínu ljóta útliti og bjöllum og strjúki fólki með birkivendi til að stuðla að frjósemi.

Markmið námskeiðsins er að uppræta hræðslu í hjörtum barnanna.  Hins vegar á enn eftir að koma í ljós hvort Krampus fækki ferðum sínum til óþekkra barana með vönd sinn og keðjur.

 

Hér eru nokkrar myndir af Krampus hinum ógurlega, enginn furða að börnin séu hrædd við hann.  Meira að segja óhugnanlegri en Grýla, ætli við þurfum ekki líka að fara að setja á stofn sjálfshjálparnámskeið íslenskra barna vegna hennar.

Þessir Krampusar eiga að vísu heima í Vín. En þeir eru heldur ófrýnilegir.

Svo ein í lokin af mínum litlu dúllum í Vín, send af mömmu þeirra.

Prinsessurnar mína í Vínarborg. 

Athugasemdir

[Kristín Katla Árnadóttir, 14.12.2007 kl. 15:04]

Mikið eru þær fallegar Prinsessurnar þínar Ásthildur mín....... Fallegar myndir af fjöllunum Já  hann Krampus er svolítið óhugnanlegur það verð ég að segja. Knús á þig.

[Hulda Bergrós Stefánsdóttir, 14.12.2007 kl. 15:44]

Leiðinlegt með gróðurhúsið þitt :Þ(

En flottar myndir samt þó ekki af Kampusi ég hefði orðið mjög hrædd við hann og væri enn ef ég þyrfti að mæta honum í myrkri.

En ef ég fer á hans slóðir þá held ég að ég fari á námskeið í leiðinni

[Ásthildur Cesil Þórðardóttir, 14.12.2007 kl. 16:09]

Jamm það er öruggara Hulda mín

Katla mín, þetta er meiri óhugnaðargaurinn.  Sem betur fer hitti ég hann aldrei í fyrra, þegar ég var þarna úti. 

[Þórarinn Þ Gíslason (IP-tala skráð) 14.12.2007 kl. 21:03]

Viðverukvitt

[Maddý (IP-tala skráð) 14.12.2007 kl. 22:17]

Það væri gaman að komast í tæri við þennan Krampus og taka nokkrar myndir, annars finnst mér nafnið sjálft, Krampus, algjör snilld!  Góða helgi Cesil mín, knús og kram

[Matthildur Ágústa Helgadóttir Jónudóttir, 14.12.2007 kl. 22:26]

Krampus á samúð mína alla.  Hann er fórnarlamb  alþjóðlegu góðmennskuklíkunnar, þessi sama klíka er að verða búin að eyðileggja íslensku jólasveinana.   Allir skulu vera góðir.  Svei.

[Vilhelmina af Ugglas, 14.12.2007 kl. 22:33]

Ásthildur:

Ég skoða oft bloggið þitt. Þessar fjallamyndir frá Ísafirði eru fallegar!

En nú kveð nú bloggheim í bili og sný aftur til Afríku.

Þar sem ég bý er útilokað að blogga en ég les bloggið þegar ég get.

 Jólagjöfin frá mér til þín er HÉR =

 http://vilhelmina.blog.is/blog/vilhelmina/entry/391293/

Gleðileg Jól!

[Steingrímur Helgason, 14.12.2007 kl. 22:44]

Leitt að lesa með gróðurhúsið þitt vinkona...

Trúi þér nú samt til dugnast til að koma öðru upp fyrir vorið. 

Krampus, hinn þýðverski, er uppistaðan í amerísku sögunni um 'The Grinch', eftir Dr. Seuss, alveg eins & kókakólajólasveinninn, er upprunninn úr heilögum Nikulási hinum hollenska.  Ameríkaninn ógestrisni hefur kvikmyndað þessa kumpána eitthvað.

Veljum frekar íslenska hrekkjalóma... 

[Jens Guð, 14.12.2007 kl. 23:57]

Vegna fjölda innlita á þitt blogg þætti mér vænt um það ef þú skrifaðir færslu um stöðu Aflsins,  systursamtaka Stígamóta á Norðurlandi,  http://jensgud.blog.is/blog/jensgud/entry/391858/

[Guðrún María Óskarsdóttir., 15.12.2007 kl. 01:14]

Hin vestfirzku fjöll þau eru tignarleg en skemmtileg frásögn af Krampus og fallegir englar, lítlu elskurnar.

kv.gmaria.

[Sigurður Hólmar Karlsson, 15.12.2007 kl. 09:21]

Vonandi kemst gróðurhúsið í lag og það eru drungalegar myndirnar að vestan hef heyrt því fleygt að veðrið sé búið að vera svo skrítið að búast megi við eldgosum á næsta ári sel þetta ekki dýrara en ég keypti það

[Anna Benkovic Mikaelsdóttir, 15.12.2007 kl. 10:35]

[Ásthildur Cesil Þórðardóttir, 15.12.2007 kl. 12:31]

Takk öll sömul, Takk fyrir þessa góðu jólagjöf Vilhelmína, ég ætla svo sannarlega að skoða þetta, og takk fyrir hlý orð.

Jens ég skal setja inn á bloggið mitt færslu um Aflið, ekkert sjálfsagðara.

Takk svo öll sömul, ég var úti að skemmta mér í gær.  Fór á jólahlaðborð, ætla setja inn færslu um það á eftir.  Knús til ykkar allra.