Karlakórinn Ernir - drengakór með tónleika á Þingeyri í kvöld. Upplagt að mæta með góða skapið og hlýða á fallegan söng.

Ég fór í dag og keypti jólafötin á stubbinn minn.  Hann þarf nefnilega á þeim að halda, þar sem hann er í drengjakór Karlakórsins Ernis, og þeir eru að syngja í Þingeyri í kvöld.

Hér er verið að binda bindishnútinn, en þar þarf afi að koma til.

Jamm það er vandi að hnýta bindishnútinn.  Sumir læra það aldrei fyrst þarf mamma og svo eiginkonan að gera þetta. En minn kom með þekkinguna á þessu grafalvarlega alvörumáli með sér í hjónabandið, enda eins gott, því ég hef aldrei lært að hnýta bindishnút, og er frekar léleg að læra hvaða bnútabindingu sem er, nema ef til vill rembihnút, sem á ekkert skylt við rembingskoss, hvað þá rembing almennt.

Svona á að gera þetta hehehehe...

Svo ein mynd sem var tekinn seinnipartinn í dag.

Og eitt að lokum, að það þurfi að biðja menn að sýna stillingu, þar sem alvarlegt slys hefur orðið, og að menn skuli reyna að ryðjast framhja slysstað meðan á lokun stendur, er sorglegt svo ekki sé meira sagt.  Reynið nú að sýna stillingu gott fólk og munið að tíminn er afstæður, lífið hleypur ekki fram hjá ykkur sem þarna bíðið.  Notið frekar tímann til að hugsa um náungakærleikann og senda fallegar hugsanir til þeirra sem um sárt eiga að binda. 

Athugasemdir

[Greta Björg Úlfsdóttir, 6.12.2007 kl. 19:09]

Þú hefur fangað augnablikið á yndislegan hátt -

[Greta Björg Úlfsdóttir, 6.12.2007 kl. 19:10]

- verðlaunamynd!

[Ásthildur Cesil Þórðardóttir, 6.12.2007 kl. 19:19]

Takk Gréta mín

[Matthildur Ágústa Helgadóttir Jónudóttir, 6.12.2007 kl. 20:05]

Alveg trúi ég þessu með rembinginn.

[Jenný Anna Baldursdóttir, 6.12.2007 kl. 20:37]

Ég hélt í alvörunni að við myndum aldrei vaða áfram inn á slysavettvang, en mikið skelfing hef ég haft rangt fyrir mér.  Yndislegur drengur, stubburinn.

[Sunna Dóra Möller, 6.12.2007 kl. 21:00]

Flottur strákur  og ekki verra að hafa góðan afa til að aðstoða !

[Ásthildur Cesil Þórðardóttir, 6.12.2007 kl. 21:00]

Jamm Matthildur mín, þetta með rembinginn hehehehe

Nákvæmlega Jenný mín. 

Stubburinn er flottastur næstur á eftir afanum

[Ásthildur Cesil Þórðardóttir, 6.12.2007 kl. 21:01]

Sunna Dóra það er algjört must að hann læri þennan bindishnút, það er að gefnu tilefni ekki hægt að stóla á hvorki ömmur né eiginkonur eða kærustur

[Ásdís Sigurðardóttir, 6.12.2007 kl. 21:22]

Hann er svo fallegur þessi drengur ykkar,  góða skemmtun.

[Ásthildur Cesil Þórðardóttir, 6.12.2007 kl. 21:34]

Takk Ásdís mín.

[Kristín Katla Árnadóttir, 6.12.2007 kl. 21:58]

Æi hann er svo sætur litli stubburinn ykkar. Ég hef aldrei lært að hnýta bindishnút. Takk fyrir allt elsku Ásthildur mín þú er alveg einstök.

[Ásthildur Cesil Þórðardóttir, 6.12.2007 kl. 22:01]

Katla mín þess vegna er það mikið mál að stubbar læri þetta af pöbbum eða öfum  Nema bindum verði útrýmt á næstu árum.  Knús á þig

[Steingrímur Helgason, 6.12.2007 kl. 22:49]

Afi nafni kenndi mér minn fyrsta bindishnút, sú lexía hefur dugað vel & vafið utan á sig kunnáttu í fleirum en einum ítölskum, nú eða þá tvöföldum windsor.   Ætli þessi námi ekki slíkt hið sama.

Myndarlegust, alltaf.   Svona myndir verða sagnfræði strax.

[Sigurður Hólmar Karlsson, 6.12.2007 kl. 23:20]

Já bindishnútur getur nú flækst fyrir mér ef ég er að binda hann á mig, en ekkert mál að hjálpa öðrum.

Ásthildur var að prufa að setja inn myndaalbúm og held að það hafi tekist

[Ásthildur Cesil Þórðardóttir, 7.12.2007 kl. 08:12]

Ætli ungir menn í dag verði ekki líka að læra þessa hnúta Steingrímur minn 

Ég kíki á það Sigg minn.

[Ásthildur Cesil Þórðardóttir, 7.12.2007 kl. 09:45]

Takk sömuleiðis ljúfust mín.

[Magnús Geir Guðmundsson, 7.12.2007 kl. 10:14]

Kæra frú Ásthildur!

Fyrr eða síðar fer nú alltaf eitthvað í "rembihnút" hjá okkur strákunum og þá er alltaf gott að eiga ykkur elskurnar að, mömmur, ömmur eða ástkonur!

Hef nú aldrei verið mikill bindishnútamaður, en mamma og heilir fimm bræður hafa þá komið til bjargar! En líka er jú ekki sama hvort um mann sjálfan er að ræða eða aðra, það er rétt.

vona að gærkvöldið hafi fært fjölskyldunni góða ánægjustund svona í byrjun föstunnar!

Og verð svo að láta fylgja með, að "Barmfærslan" hjá Heiðu var ansi falleg hjá þér!

[Ásthildur Cesil Þórðardóttir, 7.12.2007 kl. 10:19]

Takk fyrir það Magnús minn. Ég er búin að fá bókina þína í hendur, og líkar bara mjög vel.  Skemmtilegt líka þegar sögurnar í kring um ljóðin fylgja með.  Ég ætla að senda þér greiðsluna í dag.  Með bestu rembihnútskveðjum.

[Anna Benkovic Mikaelsdóttir, 7.12.2007 kl. 12:40]

já voða flottur

[Ásthildur Cesil Þórðardóttir, 7.12.2007 kl. 12:44]

Já