Veður á Ísafirði og fjölskylda í heimsókn.

Fyrst er það veðrið á Ísafirði í dag.

Já hann er dálítið blár þessi dagur.

Ég bauð El Salvadorunum mínum í mat í kvöld, ég hafði prentað út myndir sem ég vildi að þau hefðu með sér til heimalandsins.  Já þau ætla að fara í heimsókn til El Salvador.  Alejandra er búinn að fá 3ja mán. dvalarleyfi, og er kominn með passa, svo hún fær að koma inn í landið aftur, þau ætla að vera í ættlandinu yfir jólin og svo hjá ættlingjum í BNA yfir áramótin.  Þau eru full tilhlökkunnar og ég skil þau svo vel.

Lambalæri auðvitað.

Litla ömmuskottan  hún Isobel Rólandsdóttir Díaz kom með afa og ömmu.  Og var bara glöð að vera hér.

Hún skilur spænskuna alveg, en talar íslensku, og hún gerir greinarmun, það er afi og amma í kúlu og svo abuelo og aboela. 

 

Hér eru þau Alejandra og Úlfur að tölvast. 

En það komu fleiri í heimsókn í dag.  Litli Sigurjón ömmustubbur og mamma hans og systir.  Hér er hann að skoða Toy r us með mömmu sinni.

Amma á alltaf rússur í pokahorninu handa þessum elskum.

Og svo er það náttúrlega dótið.

Og prinsessan mín, stóra systir.

 

Ég hrindi í pabba minn í morgunn til að bjóða honum í mat, eins og ég geri oftast á sunnudögum, þá heyrði ég að hann var sárlasinn.  Hann sagði mér að hann hefði ekki getað borðað neitt í tvo daga.  Ég hafði áhyggjur af honum, og fór í heimsókn.  Hann var sofandi þegar ég kom, ég hafði með mér cvítamín gostöflur.  Setti þær á borðið og skrifaði honum lítið bréf, þar sem hann var sofandi þegar ég kom.  Vildi ekki vekja hann.  En áður en ég fór, þá sendi ég risastóra bæn og ljós og kærleika um alla íbúðina hans, það var yndisleg stund. 

Hann hringdi svo í mig í kvöld og þakkaði mér fyrir pillurnar, sagði að hann hefði fengið sér pillu, þegar hann vaknaði og þetta bara svínvirkaði, hann væri allur annar og betri. 

Ég brosti með sjálfri mér, og vissi að það var bænin en ekki pillurnar sem virkuðu svona vel.  En þannig er það bara. Þessi ljúflingur hann pabbi minn.  En ég gerði meira, ég tók mynd af myndinni af henni ömmu minni Guðrúnu Jónsdóttur, og set hana hér inn fyrir þá ættingja mína sem rekast hér inn, Önnu Stefáns og fleiri.  Þetta er falleg mynd af ömmu, og hún átti alltaf rúsínur og súkkulaði í stórri kistu til að gefa okkur krökkunum, þegar við komum í heimsókn.

 

Athugasemdir

[Anna Ólafsdóttir (anno) (IP-tala skráð) 25.11.2007 kl. 23:55]

Falleg færsla og falleg kona hún amma þín, alveg sérstaklega finnst mér augnsvipurinn segja að þetta hafi verið djúpvitur og næm kona

[Jenný Anna Baldursdóttir, 26.11.2007 kl. 00:01]

Þú ert bestust Ásthildur og barnaskarinn svo fallegur.

Gott að pabba þínum líður betur og ég er sammála henni Önnu um að amma þín hefur ábyggilega verið bæði djúpvitur og næm.

[Ásthildur Cesil Þórðardóttir, 26.11.2007 kl. 00:39]

Love you guys  Þið eruð salt jarðar stúlkur mínar.  Ef þið vitið það ekki, þá upplýsist það hér með. 

[Steingrímur Helgason, 26.11.2007 kl. 01:01]

Ég væri líka jafnstoltur af því að fá vera bara beiskur pipar með þessum fínu saltstúlkum þarna að ofan, en stoltastur er ég nú af því að fá að þekkja þitt bloggerí & eiga þína bloggvináttu að ...

Einfaldlega sagt, frábær færsla, fallegar myndir eins & alltaf af þér þínum, & umhverfinu sem ég þekkti svo vel.

Þú bara ..

jæja

[Ásthildur Cesil Þórðardóttir, 26.11.2007 kl. 07:56]

Þú ert hér með krýndur hr. Pipar minn elskulegi Steingrímur. 

[Anna Benkovic Mikaelsdóttir, 26.11.2007 kl. 12:11]

[Ásthildur Cesil Þórðardóttir, 26.11.2007 kl. 12:40]

Takk Arna mín fyrir góðar óskir. Hann hringdi í mig í gærkveldi til að segja mér að honum liði miklu betur.   en það er heilmikill flensufaraldur í gangi. 

Knús á þig Anna mín. 

[kidda, 26.11.2007 kl. 12:59]

Gott að Alejandra er örugg með að fá að koma heim aftur.

Já stundum hafa pillurnar svona góð áhrif

Amma þín minnir mig á þig

[Ásthildur Cesil Þórðardóttir, 26.11.2007 kl. 13:22]

Takk Ólafía mín.  Já ég er mjög glöð með það.  Þau voru eiginlega hætt við að fara, þegar bréfið komi.  En nú er bara að láta sig hlakka til og eyða jólunum í faðmi fjölskyldu í El Salvador.  Við erum reyndar boðinn í gistingu þar ef og þegar við förum þangað aftur. 

[Heiða Þórðar, 26.11.2007 kl. 15:22]

Sé að yndið mitt (þú) ert komin með séríur..kannski heilsárs? knús í kotið þitt ljúfust.

[Hrönn Sigurðardóttir, 26.11.2007 kl. 15:44]

Ef ég gæti þá fengið að vera allrahanda

Gott að pabba þínum líður betur og fallegar myndirnar þínar eins og alltaf

[Ásthildur Cesil Þórðardóttir, 26.11.2007 kl. 16:57]

Jamm Heiða mín, þessar eru hér allt árið um kring.

Já þú er hér með útnefnd Fröken Allrahanda Hrönn mín. Þetta verður ekki ávaxtakarfa, heldur kryddhilla.

[Ásthildur Cesil Þórðardóttir, 26.11.2007 kl. 21:44]

Takk Elísabet mín, jamm það er svipur, nefið það er alveg rétt, þetta gullfallega tignarlega nef.   Hún vissi lengra en nef hennar náði hún amma okkar.

[Guðrún Snorradóttir (IP-tala skráð) 5.12.2007 kl. 08:52]

rakst á bloggið þitt kæra frænka og þegar ég sá mynd af henni ömmu okkar, þá varð ég nú að senda línu... knús héðan úr danaveldi