Góð þjónusta í Hamraborg og dagurinn fer út í gult hér á Ísó.

Blár dagur sem breyttist yfir í gulan.  En svona eru litirnir hér.

En fyrst ætla ég að segja ykkur frá meiriháttar góðri þjónustu hjá þeim Hamraborgarmönnum, hér á Ísafirði er rekinn sjoppa og vídeóleiga sem heitir Hamraborg.  Við leigjum þar stundum spólur og kaupum snakk á laugardögum fyrir stubbinn.  Í kvöld hafði hann boðið Sóley Ebbu frænku sinni í svoleiðis veislu, og við sátum öll fjölskyldan og horfðum á Schrek 3 og skemmtum okkur konunglega.  En síðan höfðu þau valið aðra spólu, sem þau ætluðu að horfa á.  Þegar spóluhulstrið var opnað, kom í ljós að í staðinn fyrir gamanmynd var barnaspólan Happy Feet.  Stubburinn minn sem er nú ansi ákveðinn þó hann sé bara tíu ára, hringdi niður eftir og kvartaði.  Ég get alveg ímyndað mér að á flestum stöðum hefðu menn nú bara látið það eiga sig þó einhver gutti hringdi svona, en ekki í Hamraborg, þar er hver einstaklingur meðhöndlaður með sömu virðingunni.  Og þau skutluðu spólunni heim í hús.  Þetta er alveg sérstakt og ber að þakka fyrir.  Þið eruð æðisleg þarna í Hamraborg.

 

En að myndunum.

Hér er liturinn kominn út í gult.

Skemmtilegt finnst mér.

Sonur minn náði reyndar þessari aðeins fyrr í dag.  Meiriháttar ekki satt.

Smá krúttmyndir, Evíta litla Cesil kom í heimsókn, og nú er hún byrjuð að standa alveg sjálf.

Og þetta er ekki gerfiblóm, afi sem er múrari setti steypu yfir moldina fyrir mörgum árum, þegar barnabörnin fóru að koma svona mikið, því moldin var alltaf sett út um öll gólf.  Fíkusinn kann svo ekkert illa við steypuna, en er vel varinn litlum puttum.  Rjóð í kinnum eftir að hafa fengið sér lúr út í garðskála.

Og svo er prílað í stiganum líka hehehehe....

 

Athugasemdir

[Ragnheiður , 24.11.2007 kl. 23:19]

Fín þjónusta þarna, málið er að fólk sem ber virðingu fyrir börnum er bara frábært fólk og svona eiga kaupmenn að vera. Versla þarna eigi ég leið um !

[Ásthildur Cesil Þórðardóttir, 24.11.2007 kl. 23:25]

Sammála, þau eru rosalega ljúf og góð. 

[Huld S. Ringsted, 24.11.2007 kl. 23:26]

Frábær þjónusta hjá þeim! væri nú óskandi að svona væri þetta á sem flestum stöðum, sérstaklega gagnvart börnum.

Litla krúttið hún Evíta Cesil, mér sýnist hún nýta sér blómapottinn ágætlega sem dótakassa

[Anna Benkovic Mikaelsdóttir, 24.11.2007 kl. 23:28]

[Gísli Kristjánsson, 24.11.2007 kl. 23:42]

 Já alveg sammála því frábær þjónusta hjá strákunum besta sjoppan/verslunin sem ég veit um á landinu.

 Gaman líka að sjá myndir að vestan alltof langt síðan ég flutti

[Harpa Oddbjörnsdóttir, 24.11.2007 kl. 23:59]

Mér er eiginlega alveg sama með verðið, tek ekki eftir því. Hamraborg er nefnilegam, án gríns besta sjoppa í heimi. Frábært þjónustufólk, góð afgreiðsla, gott úrval, góður matur(pizzur, hamborgarar, hamrar og fleira væntanlegt), og bara hreinlega besta búlla landsins. Án efa. Punktur-basta.

[Harpa Oddbjörnsdóttir, 25.11.2007 kl. 02:11]

einn tveir og....

"Hlerinn" ég vona að þú sért að grínast! jah, ef ekki, þá ertu nú soldið grey.......

[Saumakonan, 25.11.2007 kl. 10:16]

innlitskvitt á sunnudagsmorgni.... fallegar myndir eins og alltaf

[Ásthildur Cesil Þórðardóttir, 25.11.2007 kl. 10:54]

Hlerinn, vestfirðingar VORU með hæstu meðaltekjur, það var fyrir stjórnvaldsaðgerðir, þegar okkur var bannað að nýta þær auðlindir sem okkur tilheyra.  Það byrjaði þegar Halldór nokkur Ásgrímsson varð sjávarútvegsráðherra, og byrjaði að möndla með veiðiréttinn.  Ætli hann hafi ekki þurft að hygla fyrirtækjum fyrir austan.  Minnir það.  Það var eitthvað í sambandi við veiðibrest í loðnu.  Sú óheillaþróun hefur síðan haldið áfram, og í dag erum við þrælar stórútgerðarmanna.

Vegur Vestfjarða hefur legið niður á við.  Og í dag, erum við með lægstu meðaltekjurnar.  Svo mikið fyrir réttindi og skyldur gagnvart byggðum landsins.  Við höfum svo sannarlega dregist aftur úr.

En ég vil þakka ykkur öllum innlitið. 

Gísli er þá ekki bara kominn tími til að líta við aftur ?

Ég er sammála Hörpu, það er mikið lagt upp úr góðri þjónustu og elskuleg heitum í Hamraborg, við alla.  Og ég er alveg klár á að svona þjónusta við börn er ekki algeng.

Huld mín, þessi blómapottur er nefnilega í mjög svo ákjósanlegri hæð, nákvæmlega þegar þau eru að byrja að standa upp.  þess vegna varð að setja steypuna yfir moldina, svo litlir puttar færu ekki að grufla, frekar óheppilegt svona á parketinu

Góðan daginn Saumakona mín, og knús á þig Anna Benkovic 

[kidda, 25.11.2007 kl. 11:25]

Steypa í blómapotti. það vekur áhuga minn og spurningar. Ég er nefnilega með hund sem veit ekkert betra en að geyma sumt af namminu sínu í stóru blómapottunum. Eins og hjá litlu krílunum þá fer moldin út um allt. Reyndar er það mjög gaman að horfa á hana þegar hún er búin að vera að róta, ég þarf ekki annað en að horfa á hana og þá verður hún svo skömmustuleg þessi elska.  Á kaktus sem er orðinn tæpir 3 metrar og hann er einna vinsælastur hjá henni en hann þolir bara ekki að moldinni sé ýtt til, þá vill hann fara að rugga. Og þá kemur loksins stóra spurningin hvernig er hægt að vökva í gegn um steypina?

 Hún Evíta Cesil er algjör krúttmoli 

[Ásthildur Cesil Þórðardóttir, 25.11.2007 kl. 11:38]

Það eru göt á steypunni, sem eru gerð um leið og hún er sett yfir til að anda. En undir pottinum er svona undirpottur, ég vökva alltaf ofan í undirpottinn.  Ég geri það alltaf við mínar plöntur.  Undirvökvun, það er líka öruggara, því þá er ekki hætta á að ef maður hefur gefið of mikinn áburð, eða jarðvegurinn hefur dregið upp of mikið af slíku, þá getur það brennt ræturnar ef maður vökvar svo gegnum moldina.  Þetta virkar bara mjög vel, Jurtinn er búinn að una sér mörg ár í svona steypu.

[Kristín Katla Árnadóttir, 25.11.2007 kl. 17:54]

Þetta kalla ég góða þjónustu. Mikið er hún litla ömmu stelpan þín falleg kær kveðja til þín Ásthildur mín.

[matta tengdardóttir (IP-tala skráð) 25.11.2007 kl. 19:09]

ooo.... hún er nú meiri músin hún dóttir mín ég var soldið fúl að missa af stigaprílinu hennar :(

en Hamraborg er án efa með bestu og persónulegustu þjónustu sem um getur og ég sem forfallinn sælgætisgrís veit að það er ekkert dýrara þar en í öðrum sjoppum, (ég hef gert samanburð) :)

[Ásthildur Cesil Þórðardóttir, 25.11.2007 kl. 19:23]

Hahahah Matta mín, þú misstir af miklu, hún ljómaði þegar hún náði upp á brún, og fór samstundis í næsta stiga hehehe....

Takk Katla mín .

[Sunna Dóra Möller, 25.11.2007 kl. 19:37]

Mikið er þessi litla flís krúttleg og flott !

[Ásthildur Cesil Þórðardóttir, 25.11.2007 kl. 21:43]

Hún kann meira að segja tvö orð,  ættuessu og Evíta hehehehe.. ég var að hamast í henni um daginn og haldiði að skottið hafi ekki sagt eins skýrt og hægt var að heyra ættuessu hehehehe... Það tekur á að vera minnstur í fjögurra krakka fjölskyldu. 

[Ásthildur Cesil Þórðardóttir, 25.11.2007 kl. 22:24]

Já ég er mjög ánægð með þessa fínu þjónustu.  Evíta Cesil er flottust

[Ásthildur Cesil Þórðardóttir, 26.11.2007 kl. 11:38]

Já Halla mín þetta er mjög praktískt þegar litlir puttar eru mikið til staðar.  Og alltaf bætast nýir puttar við.  Sem betur fer.  Takk fyrir hlý orð.

VIð erum byrjuð að skreyta í garðskálanum, eða stubburinn og Elli.  Það lífgar svo upp á skammdegið.