Ljós, litir og fjallafegurð.

19.11.2007 | 18:24

Það er óhætt að segja að dagurinn í dag hafi verið fallegur veðurfarslega séð. Og litadýrðin eins og við er að búast á þessum árstíma. Þegar sólin kemst ekki alla leið niður, en sendir okkur liti sína gegnum skýin.

Samspil ljóss og skugga.

Fjöllin mín taka á sig ýmsar myndir og lit á þessum tíma.

Og skömmu síðar er allt orðið blátt. Er ekki náttúran dásamleg.

Allar teknar í dag. En á mismunandi tíma.

Á svona degi er bara gott að rölta aðeins um kirkjugarða. Og skoða falleg leiði. Þetta hér er alveg sérstakt tekinn fyrir góðan vin.

Og fuglinn vakir yfir ástvini.

Það er óhætt að segja að þessi ágætu hjón hafi sett svip sinn á bæinn hér í eina tíð. Og ekki síður afkomendur þeirra.

Eins og sjá má, þá er næg sól á Snæfjallaströndinni, svo við sjáum hana alltaf, þó hún brosi ekki í augun á okkur.

Prinsessan mín kom svo hér í heimsókn til ömmu.

En það komu fleiri í heimsókn í dag. Rithöfundarnir Þorsteinn Antonsson og Norma Richie litu við. Norma er gömul vinkona mín frá fyrri tíð, og það var virkilega gaman að fá þau í heimsókn.

Þegar ég sagði þeim að hingað kæmu í kvöld pólskir kvikmyndatökumenn, með álfaleitina(þeir sömu og í fyrradag) hló Norma og sagði að Þorsteinn væri mesti álfurinn af öllum.

Hann neitaði að koma í kvöld og ræða við þau, en fór út í bíl og náði í bók sem hann sagði að ég mætti sýna þeim. En það er heildarsögusafn um álfa og huldfólk sem hann og Anna María Þorsteinsdóttir sáu um útgáfu á Ólandssaga, heitir hún.

Og svo færði hann mér að gjöf bók sem hann hefur séð um útgáfu á líka Undir sagnamána, eftir Steingrím Thorsteinsson, smásagnasafn ævintýra.

Svo það er nú ekki amalegt að fá svo góðar gjafir.

Þá er jólalesturinn treystur hjá mér.

Flokkur: Bloggar | Facebook

Athugasemdir

Rosalega eru þetta fallegar himnamyndir hjá þér

Huld S. Ringsted, 19.11.2007 kl. 19:04

Myndirnar endalaust flottar. Hvað heitir skálin í fjallinu á efstu mynd, man það ekki. Ég þekkti Ásu Gríms í den, hún er gift Sigurjóni tannlækni frá Húsavík og systir hans Jóhanna sem býr á Ísafirði er æskuvinkona mín og bekkjarsystir. Það er svo gaman þegar maður rennir yfir myndirnar að finna hversu mismunandi hughrif litirnir hafa á mann. Þið voruð æðisleg í sjónvarpinu í gærkvöldi, væri alveg til í að fara að hitta þig og taka utan um þig. Mikill kærleikur í þinni persónu. Kær kveðja.

Ásdís Sigurðardóttir, 19.11.2007 kl. 19:34

Yndisleg birta á himninum hjá ykkur. Ég elska ljósaskiptin, þegar himinninn er þokkalega bjartur. Og á þessum tíma á Ísafirði er aldrei bjart, - heldur "ljósaskiptabirta" um hádegisbilið, og dimmt restina af sólarhringnum. Það man ég. Njótið þessarar fallegu birtu á meðan hún er, og svo kertaljósanna og ljóssins í hjörtunum.

Laufey B Waage, 19.11.2007 kl. 21:02

Flottar myndir af vestfirsku landslagi......sem er eitt af því mikilfenglegra hér á landi! Þetta er allt eitthvað svo klikkað.....! Kv. frá Hafnarfirði

Berglind Guðmundsdóttir (IP-tala skráð) 19.11.2007 kl. 21:03

Anna Benkovic Mikaelsdóttir, 20.11.2007 kl. 02:04

Takk Huld mín.

Ásdís skálin heitir Naustahvilft. Í henni dansa þrár landdísir, Já ég þekki Ásu Gríms vel, og Jóhönnu reyndar líka. Og rétt er það við þurfum að fara að hittast

Einmitt Laufey mín það eru þessi ljósaskiptabirta sem heillar mig.

Takk fyrir kveðjuna og velkomin hingað Berglind mín.

Knús til þín Anna mín.

Ásthildur Cesil Þórðardóttir, 20.11.2007 kl. 09:13

Ég er líka búin að vera að spá í skálinni. Nú veit ég það.

Jenný Anna Baldursdóttir, 20.11.2007 kl. 10:02

Sumir segja að þarna hafi skessa ein setið og þvegið fætur sínar í firðinum. En annars er skálin vinsæl að ganga upp í hana, það er auðvelt að komast. Á vorin drunar hún af skriðuföllum, og jafnvel snjóskriðum, sem eru hættulausar því skriðurnar enda í botni hennar og fara ekki lengra. En þarna er líka gestabók sem fólk ritar nafn sitt í. Og svo er hún eitt af merkari kennileitum Ísafjarðar. Og svo dansa dísirnar þar, háar litfagrar og glaðar.

Ásthildur Cesil Þórðardóttir, 20.11.2007 kl. 10:30