Viðurkenning, gott veður og óbeisluð fegurð.

16.11.2007 | 15:49

Viðurkenning, gott veður og óbeisluð fegurð.

Stubburinn kom heim úr skólanum aldeilis glaður. Hann var með viðurkenningu í ljóða og smásögusamkeppni sem var haldinn í skólanum.

Auðvitað tók amman mynd af þessum sigurvegara.

Hér er svo ljóðið;

VOR:

Sólskin og trén blómstra,

blómin verða fallegri en nokkru sinni fyrr.

Það er að koma vor.

Það rignir og regboginn kemur.

Veturinn fer.

Ég einn í þessu ljósi og fegurð.

Svo fór hann niður í Pennann, þar fekk hann nammi, af því að við amma og stubbur erum svo miklir Harrý Potter aðdáendur, og amma keypti bókina í gær. Svo hann kom heim aldeilis rogginn með sælgæti í poka, verst að það voru ekki fjölbragðabaunir Berta, sagði hann. Ætli einhver eigi uppskriftina að þeim.... spurði hann svo LoL

En svo nokkrar myndir frá því í dag. Hér er gott veður og hlýtt.

Fallegur dagur.

Þetta er það næsta sem við komumst að sjá sólina á þessum árstíma. En hún er þá ekki í augnhæð eins og annarsstaðar á þessum árstíma.

En svo ein gleðifregn í viðbót. Næsta sunnudag, klukkan tuttugumínútur yfir níu um kvöldið ef ég man rétt, verður heimildarmyndin óbeisluð fegurð sýnd í sjónvarpinu. Þannig að þeir sem áhuga hafa á að sjá venjulegt fólk á Íslandi blómstra, og fá smá hlátur i sinnið, þá skuluð þið endilega taka þennan tíma frá. Ég get lofað ykkur að honum er vel varið.

P.S. ef ykkur finnst að myndgæðum hafi hrakað, þá er það af því að vélin mín góða skemmdist, og ég þarf að senda hana í viðgerð. En ég á sem betur fer aðra. En hún er ekki eins góð. Ég og Canon vorum svo góðir vinir. Vonandi verður hægt að lækna hana fljótt og vel. Heart

Flokkur: Bloggar | Breytt s.d. kl. 15:52 | Facebook

Athugasemdir

skrifa hjá mér... ætla sko að horfa á þetta!!! og já til hamingju með guttann!

Saumakonan, 16.11.2007 kl. 16:46

Takk Saumakona mín.

Ásthildur Cesil Þórðardóttir, 16.11.2007 kl. 17:12

já barnið sem átti ekki að verða til....

Hann er oft búinn að pota í mig og segja mér að ég sé ekki að fara með rétt mál..bráðgáfaður. til hamingju með hann.

og það skiptir greinilega engu máli hvaða myndavél þú tekur á það er alltaf jafngaman að skoða myndirnar þínar.

kveðja ú borginni.

Guðbjartur (IP-tala skráð) 16.11.2007 kl. 17:28

Æ, hvað hann Stubburinn þinn er mikið krútt svona stoltur.Hann má líka vera það af því að ljóðið er virkilega gott og þroskað. Hann veit nokk hvar á að finna ljóðin inni í sér. Þau eru í myndunum sem koma upp í höfuðið, þegar maður hugsar um eitthvað fallegt. Þú mátt sko segja honum það frá manni, sem þykist hafa vit á. Hann er ekki b upprennandi skáld frekar en til eru upprennandi skíðamenn. Hann er skáld. Punktur.

Jón Steinar Ragnarsson, 16.11.2007 kl. 18:21

Guðbjartur minn, takk, það var reyndar ég sem barðist fyrir því að hann fengi að vera til. Gegn betri vitund margra sem áttu að hafa vit á hlutunum. Ágætt að það komi fram hér. Það var mikil pressa á að láta eyða þessu fóstri, af því að"sagan segði" að svona börn myndu yfirleitt vera fávitar og verulega þroskaheft. Ég sagði allann tíman "ég ætla mér að taka ábyrgð á þessu lífi og aldrei skal ég láta það gerast að þessu fóstri verði eytt." Þannig var það bara.

Jón Steinar minn takk. Eg segi honum þetta.

Ásthildur Cesil Þórðardóttir, 16.11.2007 kl. 18:45