Mitt faðir vor.

Já sumsé ég var að taka til, og þetta fallega ljóð var eitt að þeim sem þarna var vel geymt og næstum gleymt.

Mitt faðirvor

Ef öndvert allt þér gengur
og undan halla fer
skal sókn í huga hafin
og hún mun bjarga þér
Við getum eigin ævi
í óskafarveg leitt
og vaxið hverjum vanda
sé vilja beitt.

Hvar einn leit naktar auðnir
sér annar blómaskrúð
það verður sem þú væntir
það vex sem að er hlúð
Þú rækta rósir vona
í reit þíns hjarta skalt
og búast við því besta
þó blási kalt

Þó örlög öllum væru
á ókunn bókfell skráð
Það næst úr nornahöndum
sem nógu heitt er þráð
Ég endurtek í anda
þrjú orð við hvert mitt spor
Fegurð-Gleði-Friður
Mitt Faðirvor.

Gott að hafa í huga, svona í skammdeginu.

Athugasemdir

[J. Einar Valur Bjarnason Maack , 9.11.2007 kl. 17:44]

Fallegt, og eflir fólk til þess að standa á eigin fótum.

Kudos, eins og þeir segja í útlöndum. :-) 

[Greta Björg Úlfsdóttir, 9.11.2007 kl. 17:48]

Hver er höfundur? Ágiskun: Jóhannes úr Kötlum?

[Kristín Katla Árnadóttir, 9.11.2007 kl. 18:13]

Mikið er þetta fallegt ljóð.

[Margrét St Hafsteinsdóttir, 9.11.2007 kl. 18:46]

Frábært ljós og svo fallegt og satt  Mannúðarbæn

[Ásthildur Cesil Þórðardóttir, 9.11.2007 kl. 18:54]

Já það er fallegt.  Því miður hef ég ekki hugmynd um hver höfundurinn er. 

[Greta Björg Úlfsdóttir, 9.11.2007 kl. 19:18]

Gúglaði - og fann næsta bæ við - það er að segja nágranna í Hveragerði: Kristján frá Djúpalæk.

[Steinunn Helga Sigurðardóttir, 9.11.2007 kl. 19:34]

fallegt og gott inn í helgina, takk fyrir að deila þessu.

AlheimsLjós til þín

steina 

[Ásthildur Cesil Þórðardóttir, 9.11.2007 kl. 20:19]

Gaman að vita um höfundinn Gréta mín.  Þetta er líka mitt faðirvor.

[Sigríður Jósefsdóttir, 10.11.2007 kl. 19:12]

Þau sungu þetta Vagnssystkinin á minningardisknum um pabba sinn.  Kveðjur vestur,

[Ásthildur Cesil Þórðardóttir, 10.11.2007 kl. 19:19]

Já var það, gaman að vita það, takk fyrir það Sigríður mín.