Gamalt og nýtt á Ísafirði.

Ég skrapp í bæinn núna áðan.  Og datt í hug, vegna þess hvað margir hafa haft samband af brottfluttum ísfirðingum, sem hafa þakkað fyrir myndirnar, að smella af nokkrum svona í bænum, um leið og ég stússaðist svolítið, svona á föstudegi.  Hér er ágætis veður hlýtt, og þess vegna er svolítið moskulegt úti.

Fuglarnir á pollinum, voru í rólegheitum að synda, og við og við stungu þeir sér eftir æti.  Friðsælir og ró og friður allt um kring.

Eins og sjá má, speglast húsin og fjöllin í pollinum alltaf þegar lognið er, og það er oft.

Sólin kemst ekki lengra upp á himininn en þetta á þessum tíma.

En það er friðsæld við Skutulsfjörðinn.

En sólin bankaði samt á dyrnar.  Er einhver heima, sagði hún blíðlega, ég er farinn en kem aftur í endaðan janúar.  Þá getið þið bakað vöflur eða pönnsur með rjóma og sultu, og glaðst yfir mér.

Þetta er götumynd sem sum ykkar hafa ekki séð.  Því hér er svo margt nýtt á ferðinni.

En þessa mynd ættu flestir að kannast við.  Reyndar stóð gamla apótekið á lóðinni þar sem Landsbankinn stendur nú, en var fært, þegar bankinn var byggður.  Í gamla apótekinu er kaffi og menningarmiðstöð fyrir unglinga.  Rauða húsið á endanum er svo húsnæði ASÍ og verkalýðsfélagsins Baldurs.

Þarna er bókhlaðan, turninn, málarablokkinn og sést upp á Silfurtorgið.

Þessi mynd er gamalkunnug, nema að pósthúsið er ekki lengur pósthús, byggingin fyrir neðan það, er ekki lengur benzínstöð heldur Innrömmun og gallerí og svo framvegis. Hehehehe...

Jæja þetta er nú bara svona til gamans fyrir þá sem búa annarsstaðar og hugsa stundum heim til sín. Smáskrepp á vetrardegi sem þó er hlýr, eða kring um 8°held ég alveg örugglega.  En eitthvað svo gamalkunnugt samt.

Og takk fyrir allar kveðjurnar sem ég fæ núna eiginlega nokkrar á hverjum degi.  Ég er dálitið hissa, en samt afskaplega ánægð með að vita að þessi síða mín skiptir einhverja einhverju máli.  Þá er ég ekki að þessum skemmtilega leik mínum til einskis. 

 

 

Athugasemdir

[Jenný Anna Baldursdóttir, 9.11.2007 kl. 16:44]

Síðan þín skiptir mig og marga aðra heljarmiklu máli

[Ásthildur Cesil Þórðardóttir, 9.11.2007 kl. 17:27]

Takk Jenný mín, ég þrýfst alveg rosalega vel í þessu umhverfi.  Góðir félagar hér sem er gaman að spjalla við, lesa hvað þeir eru að hugsa og hvað liggur á hjarta.  Mannleg samskipti eins og þau gerast fallegust og best.  Að mínu mati.

[Kristín Katla Árnadóttir, 9.11.2007 kl. 17:34]

Já Ásthildur mín síðan þín skiptir máli ég gæti ekki verið án hennar eða þín.

[Ásthildur Cesil Þórðardóttir, 9.11.2007 kl. 17:40]

Elsku Katla mín, hvað getur maður sagt.   nema knús og takk. 

[Ásthildur Cesil Þórðardóttir, 9.11.2007 kl. 22:58]

Hæ Axel, ertu skyldur skólabróður mínum honum Ásgeiri Överby ? Velkominn á síðuna mína.

[Steingrímur Helgason, 10.11.2007 kl. 02:28]

Ég kom nú við í sumar með mína famelíu, allt var nú frekar kunnuglegt, þó að eyrin væri aðeins útvíkkaðri & komin meiri byggð inn í dal en áður, & skíðasvæðið farið annað.

Fyrir mér er náttúrlega alltaf mesti missirinn af Odda sem að var rifinn fyrir líklega rúmum þremur áratugum síðan.  Ég er það gamall að muna eftir því húsi ættfeðra minna & ná að sakna minna heimsókna & veru þar.

En alltaf jafn fallegt þarna & ég kenni úngum mínum í ferðum þarna um sínar rætur.

Takk fyrir myndirnar.

S.

[Ásthildur Cesil Þórðardóttir, 10.11.2007 kl. 11:54]

Ég man líka eftir Odda Steingrímur.  Hann var rifinn þegar Íshúsfélagið var stækkað held ég.  Þar átti Lára Rafns pínóleikari heima,  hún er skólasystir bróður míns. 

[Ásthildur Cesil Þórðardóttir, 10.11.2007 kl. 13:35]

Já Guðbjargar ég man vel eftir henni.  Gaman að heyra í svona brottfluttum ísfirðingum.