Duglegur stubbur, sól og frostrósir.

Við hjónin fórum með ungann okkar hann Úlf á kennarafund í morgunn.  Þar kom fram að hann er duglegur, veit mikið og kurteis.  Eina sem er að, er að hann eirir ekki lengi í einu við sama hlutinn.  Þannig er það bara.  En við vorum rosalega montinn af honum. 

Hann er farin að æfa Tai con Do, eða hvernig sem það nú annars er skrifað.  Það þarf réttan búning, svo við ákáðum að kaupa einn slíkan.  En þar sem hann var orðin eins og einn lubbi í framan, þá var eitt skilyrði, að ég mætti fara með hann til Villa Valla rakara og láta klippa hann.   Það hefur nefnilega ekki mátt skerða hárið núna lengi.

Ég lofaði að taka svona yfir og eftir myndir.

Hér er hann sestur í stólinn hjá Villa Valla, þarna inni er rosalega notalegur andi, og rólyndi.  Listaverk eftir Villa á hillum og myndir á veggjum eftir hann. Flottar myndir.

Hér er Villi byrjaður á lubbanum. 

Þetta gengur bara vel, á bakvið má sjá Samma, hann er að vinna þarna líka, og svo kíkti Baldur Geirmunds í heimsókn, og það var auðvitað rætt um músik, og stubburinn kom ekki af fjöllum þar, sagði þeim að hann væri að læra á trommur, og spilaði bæði blues og jass. 

Sko búinn og minn aldeilis vel klipptur og fínn.  Og hæst ánægður með allt saman. 

Ætli hún nái upp fyrir fjöllin ? hugsaði ég í morgun, þegar fyrstu sólargeislarnir léku á fjallatoppunum.

Seljalandsdalurinn baðaður sól, og fjallatindarnir í kring.

En hún sást ekki sjálf, bara glit hennar á fjöllunum.

Og svo merlar hún á sjónum.

Nei hún nær því ekki.  Stundum þegar ég var barn hugsaði ég með mér, að einhver þyrfti að saga svolítið ofan af fjöllunum, svo sólin næði yfir á þessum tíma.  En þá vissi ég ekki hve óþægileg hún getur verið í augunum á manni blessunin á þessum tíma, beint í augnhæð með geislana.

 

Já svona við vitum að minnsta kosti að hún er þarna uppi.

En hafið þið svo hugsað út í hve fallegar frostrósirnar eru, og af hverju þær myndast, og verða svona fallegar.

Nei við tökum þessu örugglega sem sjálfsögðum hlut.  En er það svo ? Og fyrst þetta er svona, er þá ekki alveg tilvalið að njóta þess að virða þær fyrir sér og dáðst að þeim, meðan þær eru.  Þær eru hvort sem er einu rósirnar sem blómstra úti á veturna.

Athugasemdir

[Kristín Katla Árnadóttir, 8.11.2007 kl. 18:58]

Mikið er hann duglegur í skólanum mikið er hann sætur svona stuttklipptur flottur strákur. Fallegar frostrósirnar knús til þín.

[Ásthildur Cesil Þórðardóttir, 8.11.2007 kl. 19:01]

Knús á móti mín kæra.

[Ásdís Sigurðardóttir, 8.11.2007 kl. 19:15]

Frábær peyji og flottur svona nýklipptur, reyndar finnst mér hann algjört töffari með sítt hár.  Er svo veik fyrir þannig týpum.  Myndirnar flottar að vanda. Gaman að heyra að hann sé að fara að æfa Tai kwan do,  (kann ekki heldur að skrifa það) veit um nokkra unga menn sem hafa æft þetta árum saman og hefur orðið þeim öllum til mikils góðs.

[Ásthildur Cesil Þórðardóttir, 8.11.2007 kl. 20:23]

Gott að heyra.  Hann virðist hafa mikinn áhuga á þessu.  Sonur minn föðurbróðir hans er þarna líka. 

[Jóhann Elíasson, 8.11.2007 kl. 20:48]

Er Villi Valli ennþá að?

[Sunna Dóra Möller, 8.11.2007 kl. 21:03]

Flottur nýklipptur strákur þarna hjá þér ! Mér hefur alltaf fundist frostrósir svo fallegar og engin alveg eins

[Ásthildur Cesil Þórðardóttir, 8.11.2007 kl. 21:20]

Já Jóhann Villi Valli er ennþá að, hann er alveg ótrúlega vel á sig kominn.  Og svo spilar hann ennþá bæði á saxan og nikkuna.  Þeir voru einmitt að ræða um spilamennsku á jólaföstunni.

Já frostrósir eru eitt af fegursta sem til er, svo viðkvæmar, og fallegar og enginn eins.  Takk fyrir stubbinn, hann er flottur. 

[Hrönn Sigurðardóttir, 8.11.2007 kl. 22:14]

Indælis rósir, frostrósir...........

Stubburinn flottur, klipptur eða óklipptur

[Jón Steinar Ragnarsson, 8.11.2007 kl. 22:49]

Það væri einkennilegt af litlum og líflegum stubb að eira við eitthvað eitt þegar lífið er fullt af undrum og skemmtilegheitum.  Skólinn má nú passa sig á að reyna ekki að troða þessum greyjum í mót, sem þau passa ekki í.  Mér finnst það vera merki um greind og opinn huga að hvarfla til margra hluta.  Hann er mikill sjarmur svona mannalegur og snyrtilegur. Þú getur sagt honum það að bloggheimar hafi kiknað í hnjánum við sýnina.

Villivalli er enn þarna og hefur ekkert breyst síðan ég sat þarna sjálfur sem stubbur og leyfði honum að snoða á mér öróttann hausinn og úða á mig góðri lykt.  Gott að vita að enn á tilveran sér fasta punkta, sem treysta má á.

[Jón Steinar Ragnarsson, 8.11.2007 kl. 22:52]

Hehe og meira að segja er Sammi þarna enn.  Ja hérna hér...mikið gleður það hjarta mitt að sjá þetta.  Þetta er eins og að stíga inn í tímavél.

[Ásthildur Cesil Þórðardóttir, 8.11.2007 kl. 22:55]

Jón Steinar minn ég skal svo sannarlega segja stubbnum frá þessu.  Hann verður rígmontinn.  Já Sammi er þarna líka, sumt er bara, það bara ER sjáðu til. 

[Hulda Bergrós Stefánsdóttir, 8.11.2007 kl. 23:28]

Flottir strákur sem þú átt  GUlldrengurinn minn er LÍKA nýbúin að láta klippa ljósu lokkana sína.

Frostrósir eru fallegar og ýfa upp gamlar og góðar minningar maður sér þær æ sjaldnar í dag.

TAKK

[Ásthildur Cesil Þórðardóttir, 8.11.2007 kl. 23:33]

Takk elskurnar, hann er sko flottur hann Þórður Alexander Úlfur Júlíusson Thomassen konungssonur í Kúlunni

[Jakob Falur Kristinsson, 8.11.2007 kl. 23:36]

Gaman að sjá að Villi Valli er enn í fullu fjöri, bæði klippir og spilar.  Fínn náungi.

[Jenný Anna Baldursdóttir, 9.11.2007 kl. 01:14]

Afskaplega fallegur drengur með og án lubba.  Elska rebella á öllum aldri

[Margrét St Hafsteinsdóttir, 9.11.2007 kl. 02:01]

Sætur og duglegur strákur, unginn þinn Frábærar myndir eins og venjulega. Knús á þig

[Laufey B Waage, 9.11.2007 kl. 11:06]

Fallegar frostrósir - flottur drengur. Góð athugasemd hjá Jóni Steinari - tek undir hana.

[kidda, 9.11.2007 kl. 11:11]

Stubburinn er flottur, bæði með lubba og nýklipptur

Frostrósirnar eru jú alltaf flottar en við erum yfirleitt ekki að skoða þær á bílrúðunum, heldur sköfum þær í burtu með hraði. Eða eins og lata manneskjan ég, hleyp út í bíl og set í gang. Læt svo bílinn um að eyða þeim.

[Jóhanna Magnúsar- og Völudóttir , 9.11.2007 kl. 11:56]

Svakalega "handsome" ungur herramaður!  ..  Til hamingju með hann -  kurteisi er mikil dyggð.  Eitt af því sem ég hrífst af í fari fólks (ungra sem aldinna).  Sniðugt að fá grunn í Tai Kwan Doe (eða hvernig sem það er skrifað hehe).. eða öðrum sjálfsvarnaríþróttum, það veitir víst ekkert af.

[Huld S. Ringsted, 9.11.2007 kl. 12:03]

Flottur strákur! hann var nú líka svolítið töffaralegur með lubbann, eru ekki allir strákar með lubba í dag!

[Solla Guðjóns, 9.11.2007 kl. 12:07]

Lubbi eða nýklipptur skiptir ekki falllegur er hann.

oG myndirnar jesús minn

[Anna Ólafsdóttir (anno) (IP-tala skráð) 9.11.2007 kl. 12:33]

Hann er algjör dúlla þessi drengur  En þessar myndir af frostrósunum, sérstaklega þessi fyrsta fannst mér nánast eins og kort af Vestfjarðakjálkanum tekið úr gervihnetti, ótrúlegar myndir sem þessi náttúrundur, frostrósirnar, taka á sig. 

[Ásthildur Cesil Þórðardóttir, 9.11.2007 kl. 12:57]

Takk öll sömul.  Gleður mitt gamla hjarta

Anna þú segir nokkuð, Vestfjarðarkjálkinn, ef til vill dulin skilaboð að handann  Við munum rokka

[Anna Benkovic Mikaelsdóttir, 10.11.2007 kl. 16:25]

Kveðja vestur...

[Ásthildur Cesil Þórðardóttir, 10.11.2007 kl. 17:32]

Mikið er gott að heyra í þér Anna mín.  Var búin að auglýsa eftir þér  Saknaði þín sárt.

[Anna Benkovic Mikaelsdóttir, 10.11.2007 kl. 19:51]

kíki alltaf inn til þín....