Myndir frá því í dag.

Ókey ég skil ekki alveg af hverju myndirnar sáust ekki, en meðan ég grauta í þessu, þá ætla ég að setja hér inn nokkrar fallegar myndir sem ég tók í dag.  Þessi dagur var ægifagur og góður.

En fyrst smá skammir,

Í gær þegar ég var að rölta heim eftir tónleikana, sá ég þetta hér, beint fyrir framan löggustöðina,

bílför yfir laukabeðið.  Þú sem þarna varst að verki ættir að skammast þín, hér hefur verið lögð mikil vinna og natni í að gróðursetja lauka, sem áttu að skarta sínu fegursta í vor.  Með þessu hefur þú gert þær vonir að engu.  Eru vegirnir ekki nógu breiðir fyrir þig ? Eða hvað varstu eiginlega að hugsa ?

Ég vona að þú kunnir að skammast því fyrir að virða ekki verk annars fólks meira en þetta. 

oOOo

En að myndunum frá því í dag.

Þetta er eiginlega líkara tússmynd ekki satt.

Og litirnir eru svo fallegir á þessum tíma.

Það er greinilega logn.

Gallerí himin opið.

Ég held að sólin eigi erfitt uppdráttar núna og þess vegna skín hún í skýin.

Og fjöllinn endurspeglast í sjónum.

Og svo þegar kvöldar, þá er fegurðin engu lík.  Það hefur ekki verið átt neitt við þessar myndir.

Fallegt ekki satt ?

Ég segi fyrir mig, ég ætlaði ekki að tíma að fara inn. Þetta var svo fallegt. 

Athugasemdir

[Kristín Katla Árnadóttir, 7.11.2007 kl. 21:25]

Þetta er ofsalega fallegar myndir og maður fær svo mikinn frið í hjartað.

[Ásthildur Cesil Þórðardóttir, 7.11.2007 kl. 21:33]

Já Kristín Katla mín. 

[Jenný Anna Baldursdóttir, 7.11.2007 kl. 21:35]

Mig setur hljóða þegar ég horfi á dýrð skaparans á himnum.  Takk fyrir Ásthildur mín

[Ásdís Sigurðardóttir, 7.11.2007 kl. 21:46]

Alltaf sama fegurðin hjá þér mín kæra.  Knús vestur

[Hrönn Sigurðardóttir, 7.11.2007 kl. 21:46]

Verulega fallegt

[Ásthildur Cesil Þórðardóttir, 7.11.2007 kl. 21:51]

Já þetta var einstök upplifun get ég sagt ykkur elskurnar.

[Laufey B Waage, 7.11.2007 kl. 22:04]

Yndislegar myndir. Sérstaklega bátamyndin og kvöldsólin. Það er greinilega kominn vetur hjá ykkur. Gott að þið skuluð fá snjóinn til að birta og fegra. Ég man þegar ég bjó á Ísafirði, þá fannst mér nóvermber alltaf miklu dimmari og drungalegri en janúar, því í janúar var alltaf snjór, en í nóvember bara snjólaust myrkur.

[kidda, 7.11.2007 kl. 22:35]

Sammála með þennan skemmdarvarg, ljótt að sjá svona

En myndirnar eru hver annarri fallegri, skil þig vel að hafa varla tímt að fara inn

[Ásthildur Cesil Þórðardóttir, 7.11.2007 kl. 22:51]

Laufey mín, það er satt að snjórinn hann setur meiri birtu á allt. 

Takk Ólafía mín.  Það er svo notalegt þegar náttúran skartar sínu fegursta. 

[Steinunn Helga Sigurðardóttir, 7.11.2007 kl. 22:52]

þvílík ljósadýrð þarna á ísafirði.

skil vel að það hafi verið erfitt að fara inn.ég man svosem eftir þessum hausthimnum á íslandi.

ég sendi þér ofan í þetta alheimsLjós

steina 

[Jakob Falur Kristinsson, 7.11.2007 kl. 23:09]

Einstaklega fallegar myndir Ásthildur, að undanskilinni myndinni af skemmdarverkinu.  Ég get ekki skilið hvað fær fólk til að gera svona hluti.  Það ætti að skammast sín að setja ljótan blett á fallegan bæ.

[Guðrún María Óskarsdóttir., 7.11.2007 kl. 23:29]

Sæl Cesil.

Ég skil alltaf betur og betur hvers vegna innlifun móður minnar heitinnar í frásögum af ættarslóðum í Önundarfirði voru svo magnaðar og ljóslifandi. Landslag Vestfjarða er svo stórkostlegt sem sjá má svo vel af myndunum þínum.

kv.gmaria.

[Ásthildur Cesil Þórðardóttir, 7.11.2007 kl. 23:50]

Takk öll sömul.  Já það er eitthvað við þessa hrikalegu fegurð, og litadýrina, þegar sólin sefur.  Já Jakob, það er með ólíkindum að fólk hafi geð og nennu í sér til að eyðileggja vinnu annara með þessum hætti.  Hvað ætli fólk fái út úr því.

[Anna Ólafsdóttir (anno) (IP-tala skráð) 8.11.2007 kl. 00:02]

Alltaf jafnmagnaðar myndirnar þínar og þessi neðsta er óumræðanlega falleg - takk

[Ásthildur Cesil Þórðardóttir, 8.11.2007 kl. 00:08]

Hún er einhvernveginn svo óraunveruleg, hún er samt alveg ósvikinn og svona var þetta í kvöld.  Ég var alveg heilluð.

[Jón Steinar Ragnarsson, 8.11.2007 kl. 01:38]

Var þetta bara ekki löggan sjálf? Þeir virðast oft halda að markalínur mannfélagsins gildi ekki fyrir þá.  Myndi bera hjólförin við dekkin þeirra og vera smá spæjó.  Þessar sólarlagsmyndir eru nánast óraunverulegar.  Eins og málverk úr vísindaskáldsögu.  Æ hvað þetta setur í mann ljúfsáran söknuð til heimahaganna.

[Sunna Dóra Möller, 8.11.2007 kl. 08:51]

Takk Ásthildur, þessar myndir eru frábærar!

[Ásthildur Cesil Þórðardóttir, 8.11.2007 kl. 09:01]

Jón Steinar þú segir nokkuð.  Þetta gæti svo sem alveg verið

Mín er ánægjan Þórdís mín

Takk Sunna Dóra mín. 

Já himinn var ótrúlega flottur. 

[Matthilda M. Eyvindsd Tórshamar, 8.11.2007 kl. 12:15]

Fallegar myndir. Ég var alveg dolfallin úti í glugga í pásunni einn daginn að horfa á himininn, hann var svona fagurrauður eins og á myndunum þínum. Ég reyndi að segja hinum, hvað þetta var fallegt, en þær tóku ekki einu sinni eftir mér, voru svo niðursokknar í kaffið sitt.

[Ásthildur Cesil Þórðardóttir, 8.11.2007 kl. 12:46]

Já einmitt Arna mín.  Maðurinn minn fór við annann mann og setti steina á endann, svo ekki verið ekið yfir beðið aftur, en hætta er á að það sjáist á þessu beði næsta vor. 

Matthilda mín, mér finnst alveg makalaust að fólk skuli taka kaffisopa fram yfir svona fegurð.  Ætli svoleiðis fólk fari á myndalisasýningar?

[Þorkell Sigurjónsson, 8.11.2007 kl. 13:18]

Ótrúlega fallegar þessar þrjár síðustu. Kveðja. 

[Ásthildur Cesil Þórðardóttir, 8.11.2007 kl. 14:36]

Takk Þorkell minn.

[Þórarinn Þ Gíslason (IP-tala skráð) 8.11.2007 kl. 14:56]

Mér fannst sem ég væri heima svona árið 1954-57 þegar maður var svo oft dáleiddur af því sem fyrir augun bar.Það var oft magnað á haust og vetrardögunum hinum góðu.Þetta var meiriháttar hjá þér .Takk fyrir.

[Jóhann Elíasson, 8.11.2007 kl. 16:54]

Stórkostlegar myndir.

[Ásthildur Cesil Þórðardóttir, 8.11.2007 kl. 18:06]

Já Þói minn, það er oft fallegt hér í okkar friðsæla firði á þessum tíma, sem og öðrum.

Takk Jóhann og velkominn. 

[Bertha Sigmundsdóttir, 8.11.2007 kl. 18:28]

Elsku Ásthildur mín, í hvert skipti sem að heimþráin kvelur mig, þá skýst ég inná bloggsíðuna þína og skoða þessar gullfallegu myndir af mínum gamla bæ. Ég á margar minningar frá Ísafirði, en sem krakki þá kunni maður ekki að meta fegurðina sem þar ríkir. Sem ung kona núna, þá finnst mér yndislegt að skoða fjöllin snjói þakin, rauður himinn, og pollurinn rólegur, þvílíkur friður sem að ríkir í þessu horni alheimsins.

Kossar og knús til þín frá friðinum sem að ríkir í íbúðinni minni núna, maðurinn í vinnunni, börnin í skólanum, ég með bros á vör, frið í hjartanu, og minningar hlaupandi um hugann... Þú ert yndislegust

[Ásthildur Cesil Þórðardóttir, 8.11.2007 kl. 18:43]

Hvað mér finnst gott að vita þetta Berta mín.  Ég hef líka fengið svona kveðjur frá mörgum heimshornum, einmitt frá fólki sem býr langt í burtu.  Það er mér mikið ánægjuefni að geta gefið ykkur öllum það að geta skoðað þessar myndir.  Knús til þín elskuleg.  Og vonandi er allt í rosalega góðu lagi hjá þér.