Grasker !

Stubburinn minn er búin að vera að ræða við okkur afa og ömmu undanfarið um að fá að kaupa sér Grasker.  Það fékkst í Samkaup eitt stórt og mikið, og hann langaði svo að fá það og skera út eins og gert er á Halloween. 

Nema hvað í dag hringir hann í ömmu sína og spyr hvort ég vilji sækja hann úr trommutíma.  Nema hvað; ég er niðrí Samkaup, segir hann, stend fyrir framan grænmetisborðið við hliðina á graskerinu.

Oh boy, ömmur eru náttúrulega svag fyrir svona stubbum.  Sem ég kem inn í búðina, stendur hann þar ábúðarmikill, ég veit ekki hvað það er þungt amma, en "við" erum búin að vera að reyna að mæla hvað það er þungt.  Það er allavega ekki eins þungt og skólataskan mín.

Við tökum kvikindið og setjum í kerruna.  Já sagði ein kona sem ég þekki vel; ég sé að þið hafið tekið graskerið, hún snýr sér að mér; við vorum að reyna að vikta það til að vita hvað það væri þungt.

Flykkið reyndist vera rúm 9 kg. og kostaði yfir 2 þúsund kall.  En hvað gerir maður ekki fyrir svona stubba

Jamm hér er það í allri sinni dýrð.

ég er að hugsa um að fara að rækta svona grasker, sagði stubbur.  Ætli ég geti ekki bara ræktað það í garðskálanum ?  Og ég veit um tvær bestu manneskjur til að hjálpa mér við ræktunina, hann blimskakkaði augunum á ömmu.  Þið afi eru þau bestu. 

Við skulum nú sjá til hvort fræin spíra, sagði ég.

Já en amma, ef til vill mun ég rækta stærsta grasker í sögunni.  Það mun sennilega taka mikið pláss, en það verður bara að hafa það.  Verst að þau taka svo mikið pláss þessi grasker.

Nú er ég búin að fá nokkrar uppskriftir frá vinkonu minni af Málefnunum.com um Graskerasúpur, Graskerabökur Graskerabrauð og fleira.  Ég ætla að prófa hvort ég fæ eitthvað matarkyns út úr þessu flykki, áður en stubburinn fær það til útskurðar

En svo að lokum, tvær myndir frá deginum í dag.

Fallegur dagur. Fjöllinn eins og tússmynd og birtan eftir því. 

Vonandi eigiði góða nótt. 

Athugasemdir

[Jenný Anna Baldursdóttir, 30.10.2007 kl. 00:00]

Namminamm.  Og rosa er þetta mikill hlunkur.  Góða skemmtun í útskurði.

Það er alltaf að verða jólalegra og jólalegra hjá ykkur.  Krúttkast yfir myndum.

[Ásdís Sigurðardóttir, 30.10.2007 kl. 00:02]

Það er ekki spurning, nú ert þú komin í graskerarækt, ég hef aldrei hugsað um að gæti étið eitthvað tengt þessum appelsínu bollum. En engin veit sína æfina fyrr. en......

[Jóna Benediktsdóttir (IP-tala skráð) 30.10.2007 kl. 08:19]

Frábært hjá ykkur, mig langaði líka til að kaupa þetta grasker en þar sem ég er víst orðin fullorðin stillti ég mig um það, vildi að ég hefði verið tíu ára!

[Ásthildur Cesil Þórðardóttir, 30.10.2007 kl. 08:59]

Hahaha Jóna, hitti Írisi á leiðinni út, henni fannst þetta líka frábært.

Jamm Arna mín, svoleiðis er það bara

Grasker eru in í dag sýnist mér Þórdís mín

Jamm Ásdís nú fer mín greinilega út í graskerjarækt.

Eins gott að hugsa vel til okkar þegar útskurðurinn hefst Jenný mín.

[Sunna Dóra Möller, 30.10.2007 kl. 09:55]

Þetta var með því krúttlegra sem að ég hef lesið í morgunsárið! Það er svo gott að byrja daginn á svona lestri! Takk fyrir mig

[Ásthildur Cesil Þórðardóttir, 30.10.2007 kl. 10:31]

Ég er að hugsa núna, af hverju ætli þetta flykki hafi verið skírt Grasker ?

[Gló Magnaða, 30.10.2007 kl. 11:08]

Pumpkin heitir þetta á kana máli. Þeir nota þetta sem gælu orð t.d. fyrir dætur sínar.  Veit ekki hvort það myndi virka með orðið Grasker á ylhýra.

Komdu hérna graskerið mitt.   Neeei passar ekki alveg......  

[Ásthildur Cesil Þórðardóttir, 30.10.2007 kl. 12:25]

Hahahaha elsku graskerið mitt, þú ert svo mikil dúlla

[Kristín Katla Árnadóttir, 30.10.2007 kl. 13:47]

Æi elsku stubburinn það var bara gott að þú gafst honum graskeri það er gaman af því.

[Ásthildur Cesil Þórðardóttir, 30.10.2007 kl. 14:49]

Já nú er verið að spá í andlitið hvar það eigi að vera og hvernig

[Gló Magnaða, 30.10.2007 kl. 15:22]

http://www.worth1000.com/cache/contest/contestcache.asp?contest_id=3928

nokkrar tillögur

[Ásthildur Cesil Þórðardóttir, 30.10.2007 kl. 16:29]

Takk fyrir þetta Gló, við vorum að skoða þessar tillögur frá þér, og fundum fullt af góðum hugmyndum.

[Svanfríður Guðrún Gísladóttir, 3.11.2007 kl. 17:28]

Myndirnar hjá þér eru alveg ,,yndislegar"og það er sama um hvað þú skrifar (,þú ert svo góður penni)það verður allt svo skemmtilegt sem frá þér kemur!Beztu kveðjur Svanna

[Ásthildur Cesil Þórðardóttir, 3.11.2007 kl. 17:54]

Takk Svanna mín.