Óbeisluð fegurð og skrall hjá kerlu.

Ég skemmti mér rosalega vel í gær.  Þetta var svona frekar óbeislað kvöld.  Við hittumst öll heima hjá Matthildi og stilltum saman strengi.  Gengum svo niður í bíóið, og upp rauða dregilinn.  Það var gaman að upplifa hláturinn og skemmtunina hér heima alveg eins og í Reykjavík á frumsýningu.  Eftir myndina stóðu Matthildur og Hrafnhildur upp og svöruðu spurningum.  Síðan hélt Matthildur smátölu, sagði m.a. frá félagi athyglissjúkra, sem hún er loksins komin í, þar eru tveir aðilar fyrir, Halldór nokkur Jónsson stórhöfði og höfðingi, og svo Ólafur þvagleggur Helgi Kjartansson, og svo Matthildur, og í gær, fékk ég óvænt inngöngu í þetta fræga félag.  Mér til mikillar undrunar og ánægju, fékk líka að gjöf Webcam, eða hvað sem það nú heitir heheheh.. þar sem ég er svo mikill bloggari, þá á ég núna að fara að blogga á mynd líka.    En þetta var sannarlega mikill heiður. 

Síðan kallaði Matta til Barða nokkurn gröfukarl, sem var einn af dómurum í keppninni, en hann hafði nýlega lent í því að detta útbyrðis úr bát, og þurfti að svamla í land.  Matthildur tilkynnti, að titillinn sem hún fékk í keppninni, og var mjög hreykin af, tilheyrði henni ekki lengur, hún þyrfti að afhenda Barða hann, þar sem hann hefði bjargað sér á Michelindekkinu, Varadekkinu- mallakútnum ) við að bjargast í land.  En hún fékk titilinn Michelin 2007.   hún krýndi hann þarna við mikla kátínu gesta. 

Svo var boðið upp á veitingar, eins flott og á var kosið. 

Eftir þetta var farið út á lífið, og auðvitað á Langa Manga hvað annars.  Sú gamla lét sig ekki vanta.

Hér er verið að aðstoða Ástu Dóru með borðann sinn þennan eina sanna.  Það er auðvitað Eygló sem þar er að verki.

Þessi fallega stúlka er Björk árudómarinn.  Hún er flott bæði utan og innan.

Hér er Matthildur með Micheinborðann sinn sem hún svo afhenti Barða eftir myndina.

Boðið upp á flottar veitingar.  Hér er einn dómarinn úr keppninni, hann dæmir líka hross

Gréta Skúla, ein af óbeislaða teyminu.

Við Hrafnhildur.

ég á alveg rosalega fallegar tengdadætur, þær létu sig ekki vanta á sýninguna. Þær Matthildur og Tinna.

Hér er Tinna og ein af þeim óbeisluðu Íris.

Já við erum komin á Langa Manga, þar var auðvitað lifandi músik.

Aðalgellurnar Matthildur og Hrafnhildur.

Stóðst ekki mátið að láta þetta gossa, segiði svo að maður skemmti sér ekki.

Og sagan "morðið á barnum" er auðvitað í boði..................................................

Sem sagt skemmtilegt kvöld búið, og bara gera sig klára í kvöldið í kvöld, þegar frændi minn Baldur Geirmundsson verður sjötugur, og allur bærinn er boðin í afmælið.  Ekkert mina en það.

Athugasemdir

[Solla Guðjóns, 27.10.2007 kl. 12:29]

Ólafur þvagleggur Helgi Kjartanssonog allt hitt.. þið eru sko gleðigjafar.Rísandi stemming og kellan í banastuði.

[Solla Guðjóns, 27.10.2007 kl. 12:31]

RíFANDI og gæti svo sem allt eins verið rísandi...samt stafsetningarvilla

[Ásdís Sigurðardóttir, 27.10.2007 kl. 12:35]

Alltaf sama gleðin í "nafla alheimsins" þið kunnið á lífið vestan menn. Hér er nú ekkert planað en maður veit aldrei hvert dagurinn ber mann. Allavega fæ ég barnabörn í pössun á morgun og fram á þriðjud. hlakka mikið til.  Njóttu kvöldsins óbeisluð elsku Ásthildur knús vestur.

[Jenný Anna Baldursdóttir, 27.10.2007 kl. 13:38]

Jösses, kona er græn af öfund.  Mikið rosalega er mikil og góð stelpustemming þarna í höfuðstöðvum menningarinnar.  Smjúts á þig

[Ásthildur Cesil Þórðardóttir, 27.10.2007 kl. 13:39]

Takk elskurnar, já þetta er búið að vera mjög skemmtilegt.  Gaman hjá þér Ásdís mín að fá að hafa barnabörnin svona lengi.  einn stubburinn er búin að panta að hafa ævintýrapartý í kúlunni á morgunn.  Það verður fjör

Og megi helgin vera ykkur ánægjuleg líka.

[Sunna Dóra Möller, 27.10.2007 kl. 14:16]

Mikið hlýtur að hafa verið gaman hjá ykkur, myndirnar segja allt sem segja þarf !

[Ásthildur Cesil Þórðardóttir, 27.10.2007 kl. 16:49]

Já það var ótrúlega gaman Sunna Dóra mín.  Þær voru hér í kaffi hjá mér áðan Matthildur og Hrafnhildur.  Við vorum einmitt að rifja upp allt þetta skemmtilega frá því í gær. 

[Anna Ólafsdóttir (anno) (IP-tala skráð) 27.10.2007 kl. 17:28]

Þetta hefur heldur betur verið skemmtilegt. Alltaf þegar ég skoða myndirnar þínar, sérstaklega úr félagslífinu, er ég að vona að ég sjái einhvern tímann einhvern af „gömlu“ hjúkkunemunum mínum. Allavega ef þú sérð árganginn sem útskrifaðist 2002 (vona að ég muni ártalið rétt) þá bið ég að heilsa.

[Ásthildur Cesil Þórðardóttir, 27.10.2007 kl. 17:36]

Já ég skal gera það Anna mín.  Ertu með einhver nöfn ?

[Steinunn Helga Sigurðardóttir, 27.10.2007 kl. 22:32]

þetta hljómar alveg frábærlega..til hamigju með að vera komin í þetta félag

skemmtilegar myndir hjá þér eins og alltaf.

AlheimsLjós til þín

steina 

[Ásthildur Cesil Þórðardóttir, 27.10.2007 kl. 22:35]

Takk Steinunn mín. Ég get upplýst það hér að myndinn verður mjög sennilega sýnd þann 18. nóvember í sjónvarpinu, þá geta allir sem misstu af henni horft á hana.

[Anna Ólafsdóttir (anno) (IP-tala skráð) 27.10.2007 kl. 22:48]

Ásthildur: Svona litu þær út 2002 http://bb.is/pages/44?NewsID=9060&imageid=4298 en ég er svo ömurleg að muna nöfn, ég gæti kannski kallað þau fram í minninu en það tæki langan tíma. Kannski þekkir þú nöfnin.

[Ásthildur Cesil Þórðardóttir, 27.10.2007 kl. 23:00]

Ókey ég sé Svönu þarna og nokkrar fleiri sem ég kannast við, og get rakið mig áfram með að koma þessu til skila Anna mín.