Enn gróðursettir laukar, og óbeisluð í kvöld.

Já það má segja að fljótt skipist veður í lofti.  Og í morgun byrjaði að snjóa, og eftir smátíma var allt orðið hvítt, það má því segja, að það sé fremur kuldalegt um að litast, en það var samt ekki frost, svo það virðist kaldara en það er í raun og veru.

Dálítið kuldalegt ekki satt, en fallegt verður samt.

En fyrst í morgun grenjaði rigninginn og karla greyin urðu holdvotir, svo ég keypti fyrir þá nýja hanska og beitningahanska og ekta íslenska ullarsokka, sem er það besta í svona veðri.

Þessi mynd er tekið í Neðstakaupstað, og sólin er að gæjast og skoða hvort ekki sé allt í lagi.

Það er eitthvað svo fallegt við skýin og fjöllinn, eitthvað afl sem fyllir mann andakt.

Jamm og svo er gróðursett í snjónum, í nýju ullarsokkunum.

Það er allt annað líf.

Og að er farið að birta, eins gott þvi heimildarmyndin var í Reykjavík og átti að koma með miðvélinni, ásamt leikstjóranum Hrafnhildi og óbeisluðu fegurðinni Ástu Dóru. 

Hér er svo menningarhúsið okkar eitt af þeim Edinborgarhúsið.  Og sést í gamla miðbæinn. 

En nú er myndin komin, ég búin að fara í hárgreiðslu og þarf að fara að gera mig fína.

Það var ekki auðvelt get ég sagt ykkur að segja við pólverjana á íslensku þeir skilja bara pólsku, og á táknmáli; Ég þarf að fara í hárgreiðslu, ég ætla að sýna ykkur hvað þið eigið að gera.  Hér á að setja niður einfalda röð, hér líka og hér fjórfalda og hér tvöfalda.  Þið eigið að taka bílinn og áður en þið hættið, þurfið þið að taka þessa poka hér, með illgresinu og sumarblómunum og setja á bílinn.  Ég er farinn.  Læt ykkur vita hve mikið þeir skildu af þessu á morgun hehehehe...

En moi er farin í partý, við ætlum að hittast óbeislaðar, bæði þátttakendur, aðstandendur og leikstjóri, síðan verður farið í bíó, gengið upp rauða  teppið, og láta eins og stórstjarna....

Við vorum reyndar nokkar í Vísindaportinu í hádeginu, þar sem Matthildur og Gréta Skúla fóru yfir tilurð myndarinnar, og við ræddum við gesti, og svöruðum spurningum.  Það var rosalega gaman. 

Athugasemdir

[Hrönn Sigurðardóttir, 26.10.2007 kl. 18:50]

Góða skemmtun.

Spennt að vita hvað þú ert góð í táknmáli

[Huld S. Ringsted, 26.10.2007 kl. 19:56]

brrrrrrrrrr mér varð kalt af því að sjá snjóinn hjá þér!! það læðist að mér grunur að hans verði ekki langt að bíða hérna fyrir norðan

Góða skemmtun í partýinu 

[Jenný Anna Baldursdóttir, 26.10.2007 kl. 20:09]

Hei, I wish you a merry chrismas, lalalalalalalalala

Það er nýbúið að vera sólarlandaveður í myndunum þínum?  Hvert fór tíminn?

Góða skemmtun í kvöld ´sskan

[Sigríður Jósefsdóttir, 26.10.2007 kl. 20:09]

Mun passa upp á að pakka ullarsokkunum og lopapeysunni í töskuna.  Er komin vestur í huganum, þó þrjár vikur séu enn í ferðina.....  Kveðjur af síðasta bænum í dalnum (þ.e. efstu blokk í Úlfarsárdal)

[kidda, 26.10.2007 kl. 20:38]

Góða skemmtun í kvöld Eins og venjulega eru myndirnar þínar flottastar

Esjan er eða var alla vega í dag svona soldið gráhvít, er ekki 1.vetrardagur að nálgast

[Guðrún María Óskarsdóttir., 27.10.2007 kl. 02:56]

Sæl Cesil.

Þið bræðið snjóinn eins og skot, óbeislaðar

kv.gmaria.

[Ásthildur Cesil Þórðardóttir, 27.10.2007 kl. 11:17]

Takk stelpur mína, það var rosalega gaman í gær.  Tíminn hann fór bara inn í sjálfan sig held ég.  Fyrsti vetrardagur er í dag held ég. 

[Heiða Þórðar, 28.10.2007 kl. 18:23]

Gott og gaman að þú skemmtir þér vel elskan, njóttu komandi viku.

[Ásthildur Cesil Þórðardóttir, 28.10.2007 kl. 22:05]

Sömuleiðis Heiða mín elskuleg.