Gallerí himin og pólskir menn að setja niður haustlauka á Íslandi.

Ég vona að mér sé fyrirgefið að hafa ekki komist blogghringinn í dag, en ég var að setja niður lauka frá kl. átta í morgunn til kl. fimm í dag, og er alveg ótrúlega þreytt.  Ég var með tvo pólska menn mér til aðstoðar, og þvílíkir verkmenn sem þeir voru, duglegir, samviskusamir og skapgóðir, þeir tala ekki orð í íslensku og ég ekki orð í pólsku, allt fór fram á táknmáli, en það var alveg sama, þeir gerðu allt sem gera þrufti vel og samviskusamlega. 

Hér erum við að setja niður lauka á Flateyri, nýkomin frá Þingeyri.

Hér erum við komin á Suðureyri. 

Duglegir eru þeir.

Jamm þá er Ísafjörður næstur.

Það var ýmist grenjandi rigning eða bara bjart og gott ferlega misjafnt veðrið.

Gróðursettum líka tré og runna.

En eins og ég sagði áðan, þá var veðrið ótrúlegt og Gallerí himin opinn og meiri háttar, hér koma nokkrar myndir;

Mystik ekki satt.

Þessar myndir eru allar teknar á svipuðum tíma og ekkert við þær átt.

Þetta er ótrúleg fegurð.

Gallerí himin, það jafnast ekkert á við þann sýningarsal.

Svona getur náttúran leikið sér við mann, svo maður verður eiginlega dolfallinn.  Og allt saman ókeypis og frítt fyrir þá sem vilja skoða.

 

 

Þetta virðist vera komið í lag, svo hér eru tvær í viðbót.

Og ein sem ég var að leika mér að.

 

 

Athugasemdir

[Jenný Anna Baldursdóttir, 25.10.2007 kl. 22:27]

Gállerímyndirnar frábærar að venju, reyndar undursamlegar, en Pólverjarnir sjást ekki, ekki laukarnir eða nokkur skapaður hlutur.  Eru þeir í felum?

[Ásthildur Cesil Þórðardóttir, 25.10.2007 kl. 23:10]

Ég veit ekki af hverju þeir sjást ekki, eitthvað dularfullt þar á ferð, ég var einmitt að skoða þetta.  Það var í lagi í byrjun.  Ég er með nóg myndpláss var að skoða það.  Það er eitthvað að gerast í moggablogginu, þeir ráða ekki alveg við þetta sýnist mér... eða ...........

[Ásthildur Cesil Þórðardóttir, 25.10.2007 kl. 23:15]

Já þetta á að vera komið í lag núna.

[Salka, 26.10.2007 kl. 07:18]

flottar myndir. Ertu í garðyrkju?

[Ásthildur Cesil Þórðardóttir, 26.10.2007 kl. 07:34]

Ég er í garðyrkju já Salka mín. Reyndar garðyrkjustjóri á Ísafirði. 

[Hrönn Sigurðardóttir, 26.10.2007 kl. 07:37]

Þetta verður flott í vor

[Ásthildur Cesil Þórðardóttir, 26.10.2007 kl. 07:52]

Já einmitt, ég tók nokkrar myndir í vor einmitt fyrir  Sumarhúsið og garðurinn.  Og svo frétti ég af því að Hafsteinn Hafliðason vinur minn hefði tekið hér myndir í vor og gefið henni Guðbjörgu fræ- og laukakonu í Garðheimum.  Mér þóttr gaman að heyra það. 

[Ásdís Sigurðardóttir, 26.10.2007 kl. 15:41]

Það verður skrautlegt vorið hjá ykkur fyrir vestan. Kannski verður næsta sumar, sumarið þegar ég fer loksins vestur.  Góða helgi og takk fyrir myndirnar af himnaríki.

[G.Helga Ingadóttir, 26.10.2007 kl. 16:56]

Frábærar heimildir af sköpuninni! Já þú segir það, ég á sem sé að taka til í garðinum núna, eða hvað segir fræðingurinn?

[Ásthildur Cesil Þórðardóttir, 26.10.2007 kl. 18:13]

Já þetta er góður tími til að safna saman laufunum og setja þau í beðin eða safnhauginn áður en þau fjúka burtu. Þau eru besta moldin sem til er.  Svo má færa plöntur, klippa eða snyrta, ekki klippa sverar greinar, en snyrta runna sem hafa vaxið út um allt, og geta brotnað í vetur.  Held það nú G.Helga mín.

Komdu bara Þórdís mín.

Já Ásdís, það verður blómlegt i vor, vonandi.  til þess er leikurinn gerður.