Ég sagði þetta nákvæmlega um daginn...

Þetta er nákvæmlega sem ég var að ræða um hér um daginn.  Hvar í andskotanum eru dýraverndurarsamtök Íslands ? Af hverju í ósköpunum grípa þau ekki inn í og stöðva þessa hræðilega hættulegu fluttninga með varnarlaus dýr í sláturhús ?  Það á að koma upp sláturaðstöðu sem næst hverjum kjarna fyrir sig, það er ekkert mál að vera með hreyfanlegt sláturhús.  En það sem ég held er, að það er verið að vernda sláturhúsaleyfishafa, leyfa þeim að "hagræða" stækka og fækka, þá er alveg sama hvort vesalings skepnurnar þurfa að kúldrast í allof þröngum bílum, upp og niður fjallvegi, og svo eins og ég hef bent á lenda í því að bíllinn veltur, og fleiri þeirra deyja eða limlestast.  Ég er arfareið yfir þessu, og vil að þetta verði stöðvað núna, þannig að næsta ár, fari enginn skepna lengra í slátrun en nokkra kílómetra. 

Hunskist bara til að útvega sláturbíla sem aka um og sjáið til að sláturhúsið komi til þeirra.  Það er það minnsta sem þið getið gert.

Annars vil ég koma á heimaslátrun, og að bændurnir fái að selja beint frá búi sínu.  Ég ætla að skrifa meira um það síðar, ég veit að það er unnið að því máli meðal bænda, og STJÓRNVÖLD EIGA AÐ HLUSTA, OG HLUSTA VEL.  Þau geta kallað þetta mótvægisaðgerðir, eins og svo vinsælt er núna, eða bara björgun byggðanna.  Það er komið nóg af miðstýringu frá Reykjavík það er komin tími til að við hin gerum uppreisn og tökum málin í okkar hendur, og sýnum þeim ráðamönnum, sem halda að allt verði til í Kringlum og Smárum, að við viljum fá að lifa og vera til, og við viljum ekki ölmusu, heldur að fá það til okkar sem við vinnum að.  Fá að halda reisn og fá að halda mannréttindum, og fá að vera í friði fyrir öllu þessu fjandans reglugerðarfargani sem er að drepa landsbyggðina, og er oftúlkuð hjá okkar ráðamönnum, sennilega til að styðja við bakið á þeim gróðapungum, sem allt vilja gleypa í þessu þjóðfélagi. 

Ég er svo reið, að ég á erfitt um mál.  Og ég ætla að leggja á og mæla svo um, að héðan í frá, verði það landið, fólkið og náttúran í öllu sínu veldi sem sigrar græðgisvæðinguna, og kemur skikki á þessa útópíu sem við lifum við í dag.

Tugir fjár drápust þegar flutningabíll valt

Athugasemdir

[Minna (IP-tala skráð) 25.10.2007 kl. 18:41]

Skiptir virkilega máli hvort féð drapst á leiðinni í sláturhús eða í sláturhúsinu?

a) skelfingu lostnar rollur leiddar til slátrunar eftir bílferð, deyfðar og skotnar í hausinn... stundum ekki deyfðar

b) Bílvelta, hálsbrot og hugsanleg köfnun... áður en í sláturhúsið kemur

??

Er það síðarnefnda virkilega svo slæmt... það stytti allavega bílferðina

Kv. Minna?

[Ásthildur Cesil Þórðardóttir, 25.10.2007 kl. 19:17]

Minna mín elskuleg, já það skiptir máli.  Skepnurnar eiga rétt á því að síðustu stundirnar verði þeim nokkuð þolanlegar, alveg eins og dauðadæmgum föngum.  Finnst þér í lagi að farið sé illa með dýrin af því að það á hvort sem er að deyða þau ?  Þau eiga auðvitað rétt á dýrlegri reisn svona rétt fyrir andlátið, það er allavega mín skoðun, og ég er rosalega reið yfir svona meðferð. 

[Hrönn Sigurðardóttir, 25.10.2007 kl. 19:46]

Ég ætla að gerast grænmetisæta! Jafnvel verða bara ljóstillíf!! Það fer um mig hrollur í hvert sinn sem þessir tveggja hæða sláturfésbílar keyra hjá - og þar fór einn hjá, rétt í þessu

[Ásthildur Cesil Þórðardóttir, 25.10.2007 kl. 20:10]

Sammála, þetta er fyrir nú utan dýraplagerí, algjört sjokk fyrir viðkvæmar sálir

[Ester Júlía, 25.10.2007 kl. 20:30]

Eins og talað úr mínum munni!!  Rosalega er ég ánægð með þig Ásthildur!  Þetta er nákvæmlega það sem ég vildi sagt hafa en kom ekki orðum að!  Hvað er mannúðlegt við það að hrúga saman fjölda af kindum í flutningabíl sem keyrir með það langar vegalengdir til slátrunar?  Ég hef heyrt margar sögurnar af því að greyið dýrin skynja það að það  sé verið að fara að drepa það.   Þetta eru lifandi DÝR -  for christ sake!  Urrrr hvað ég er reið með þér!!  

Knús á þig!

[Ásdís Sigurðardóttir, 25.10.2007 kl. 21:25]

Dýrin mín stór og smá.  Ég man hvað mér fannst rosalega spennandi þegar ég sem barn ,11 ára, fékk að standa á pallinum á rolluflutningabíl frá Reykjahlíð við Mývatn og til Húsavíkur. Opinn bíll með smá skýli að framan. Við vorum 3 á pallinum og okkar verk var að passa að kindurnar legðust ekki og meiddu ekki hvor aðra. Þær voru svo mikil krútt, maður klappaði þeim og strauk og einhvernvegin gat ég þá alveg kúplað mig frá þeirri hugsun að þetta væri slæmt. Borðaði lambakjöt mér til ánægju allan veturinn eftir, vitandi að þetta væru jafnvel sömu lömbin og ég tók á móti á vorin. Nú segi ég ekki meir.

[Ásthildur Cesil Þórðardóttir, 25.10.2007 kl. 22:29]

Einmitt Ester mín, þetta er hræðilegt, það er allt annað það sem Ásdís segir, það fór greinilega vel um kindurnar þar, því þær voru í vinahöndum.  En að hrúga fé svona inn, og mér er sagt að oftar en ekki hafi einhver lömb drepist á leiðinni vegna troðnings, það er bara ekki talað um slíkt.  EN HVAR ERU DÝRAVERNDUNARSAMTÖK, OG HVAR ERU DÝRALÆKNAR OG AÐRIR SEM EIGA AÐ HUGSA UM VELFERÐ DÝRA Í ÞESSU LANDI.  Mér er bara spurn.  Og það í alvöru.

[Birgitta Jónsdóttir, 26.10.2007 kl. 06:30]

ALgerlega sammmála þér Ásthildur. Segja má að svona ill meðferð á dýrum hafi orðið til þess að ég hætti að borða kjöt fyrir 20 árum síðan... gat bara ekki tekið þátt... Hygg að Astrid Lindgren hafi haft einna mest áhrif á mig í den, en hún var mikil baráttukona fyrir bættri meðferð á dýrum til manneldis. Spurning hvernig best sé að berjast fyrir þessu. Finnst heimaslátrun lang eðlilegasta aðferðin... en ekkert hefur gegnið eða rekið í því máli þó oft hafi það borið á góma...

[Ásthildur Cesil Þórðardóttir, 26.10.2007 kl. 07:33]

Nei einmitt Birgitta mín, það er líklega verið að vernda þá sem hafa slátrleyfi.  Það er alltaf verið að gæta hagsmuna einhverra á kostnað annara í þessu landi okkar því miður.  Alveg eins og það er verið að vernda stórútgerðarmenn á kostnað fólksins í landinu.  Fólk er að missa eignir sínar vegna niðurskurðar og sjávarútvegsráðherrann segir að sjómenn geti bara farið að mála hús.

[Kolgrima, 26.10.2007 kl. 19:23]

Þessi hugmynd um hreyfanlegt sláturhús er hrein snilld, Ásthildur. Mikið hefur verið rætt um hvort leyfa eigi heimaslátrun, sem er umdeilt út frá heilbrigðissjónarmiði. Með hreyfanlegu sláturhúsi, fær heimaslátrun (eða því sem næst) heilbrigðisvottorð. Það ætti að leiða til betri gæða og persónulegri þjónustu. 

Ýmsir hafa komið fram með hugmyndir um bein viðskipti milli bænda og kaupenda. Út frá því hafa þróast heill hellingur af spennandi og nýstárlegum hugmyndum, sem margar hverjar stranda einmitt á slátruninni, eins og hún er framkvæmd nú.

Auk þess, eins og þú réttilega bendir á, er það mun mannúðlegra.