Óbeisluð fegurð í Ísafjarðarbíói.

Óbeisluð fegurð sýnd í Ísafjarðarbíói

þriðjudagurinn 23. október, 2007

Heimildarmyndin um Óbeislaða Fegurð verður sýnd í Ísafjarðarbíói núna í lok október. Sýningar á myndinni sem er 56 mín löng verða tvær. Hrafnhildur Gunnarsdóttir leikstjóri myndarinnar verður viðstödd frumsýninguna og mun hún spjalla við kvikmyndagesti og svara fyrirspurnum eftir myndina.

Föstudaginn 26. október kl. 21:00
Sunnudaginn 28. október kl. 17:00
Miðaverð er kr. 1000

Allur ágóði af sýningunum rennur til Sólstafa og er það von skipuleggenda að sjá sem flesta. Myndin hefur fegnið góða dóma og er mjög skemmtileg. Fjallað var um hana í Kastljósi 8. október og í þættinum 07/08 á RÚV. Viðtalið við Hrafnhildi er aðgengilegt á vef Þorsteins Joð .

Forsala aðgöngumiða hefst miðvikudaginn 24.oktober 2007 á Langa Manga og í verslun Office One á Ísafirði. Einnig er hægt að senda póst á netfangið [e-mail].

Halló !

Ég hvet vestfirðinga til að koma og sjá þessa bráðskemmilegu mynd, atburðurinn var á heimsmælikvarða, og það er mikil eftirspurn eftir myndinni víða um heiminn.  Og það skemmtilega er, að þetta gerðist hérna heima hjá okkur.  Þið ættuð ekki að missa af þessari skemmtun.  Myndin verður bara sýnd tvisvar, á föstudaginn kl. 20.00 og sunnudaginn kl. 17.00.

Athugasemdir

[Steinunn Helga Sigurðardóttir, 24.10.2007 kl. 20:38]

góða skemmtun kæra kona !

AlheimsLjós til þín

steina

[Ásthildur Cesil Þórðardóttir, 24.10.2007 kl. 20:59]

Takk sömuleiðis Steina mín

[Ester Rut Unnsteinsdóttir, 24.10.2007 kl. 21:01]

mig dauðlangar að sjá þessa mynd, verður hún ekki sýnd fyrir sunnan?

[Ásthildur Cesil Þórðardóttir, 24.10.2007 kl. 21:03]

Hún var sýnd fyrir sunnan 5 okt. og svo 7. okt held ég, en ég hugsa að hún fari í sjónvarpið einhverntíma.  Annars er ég ekki viss Ester mín. 

[Jenný Anna Baldursdóttir, 24.10.2007 kl. 22:59]

Til hamingju til ykkar allra.  Smjúts.

[Heiða Þórðar, 24.10.2007 kl. 23:30]

Þú ert langflottust elskan.

[Solla Guðjóns, 25.10.2007 kl. 00:06]

Glæsilegt

[Ásdís Sigurðardóttir, 25.10.2007 kl. 01:18]

En gaman, kannski verð ég svo heppin að sjá þessa mynd einhvern daginn.

[Guðrún María Óskarsdóttir., 25.10.2007 kl. 02:42]

Oh boy er mín ekki þarna í aðalhlutverki ?

kv.gmaria.

[Bertha Sigmundsdóttir, 25.10.2007 kl. 04:28]

Ókei, ég veit ég er alveg græn, en um hvað er þessi mynd? Og hef ég rétt fyrir mér, eða ekki, mér sýnist ég sjá frænku mína þarna með þér á mynd, annars er ég ekki viss, Didda eða Friðgerður, getur það verið???? Ég afsaka fyrirfram fyrir óþekkingu mína, en svona er það nú að búa hinum megin í heiminum

[Huld S. Ringsted, 25.10.2007 kl. 08:11]

Gaman að þessu, vonandi fær restin af landanum að sjá myndina

[Gló Magnaða, 25.10.2007 kl. 08:53]

Upps!! Myndin er kl 21:00 á föstudag.

Þessi mynd er frábær og það kom svo sem ekki á óvart. Það sem kom á óvart er hvað hún er rosalega fyndin og skemmtileg og nær algjörlega að skila stemmningunni og gleðinni sem ríkti þetta kvöld. Og svo eru allir svo fallegir í henni.

Ég hlakka mikið til að sjá hana aftur. 

[Anna Ólafsdóttir (anno) (IP-tala skráð) 25.10.2007 kl. 17:29]

Til hamingju með ykkur

[Ásthildur Cesil Þórðardóttir, 25.10.2007 kl. 18:04]

Takk allar saman, Bertha mín, nei Didda frænka þín er ekki þarna, nema örugglega í huganum, ætli þú sért ekki að meina hana Kristín Þóris, hún er líka svona ljóshærð og stuttklippt.  Vonandi fá allir að sjá þessa frábæru mynd Hennar Hrafnhildar og Tínu.

[Margrét St Hafsteinsdóttir, 25.10.2007 kl. 21:01]

Frábært! Hlakka til að sjá myndina, þegar hún kemur í sjónvarpið eða á dvd. Vonandi verður hún þó sýnd  aftur í einhverju kvikmyndahúsi. Knús

[Ásthildur Cesil Þórðardóttir, 25.10.2007 kl. 22:26]

Já ég vona það Margrét mín, því þessi mynd á erindi, svo sannarlega.  Og algjörlega frábært að hún skuli vera til, vegna þess að kona í Beirút var að hlusta á BBC, og ákvað að þetta væri áhugavert efni, og hringdi í Hrafnhildi, við gerum heimildarmynd um þetta, sagði hún og þess vegna er þessi mynd til.  Takk Tína mín.