Umhverfismengun.

Ég hef svona verið að spá í allar auglýsingarnar um blettaeyðina fyrir þvottinn, það liggur við að hann eyði flíkunum líka, svo sterkar eru lýsingarnar.  Svo eru þvottaefni sem hreinsa allt, og allt verður tandur hreint og hvítt, það sem á að vera hvítt auðvitað.  Síðan eru það uppþvottavélasápann, það þarf varla að þvo, því um leið og maður lokar vélinni, þá hrynja blettirnir sjálfkrafa af.  Hreingerningaefnið, sem strýkur alla erfiðu blettina af, allt hverfur fita, óhreinindi og nefnið það bara.  Allt hreinlega hverfur.   Það er sko ekki vandamál með bletti eða óhreinindi þessa dagana.

Það sem ég er að spá í hins vegar, hvað verður um allt þetta frábæra hreinsidót.  Hvað innihalda svona hreinsilegir sem bókstaflega eyða öllu ?  Og það sem meira virði er, hvað verður um þetta þegar það hverfur niður um niðurföllinn hjá okkur, út í sjó, eða ár eða læki ?

Hefur einhver leitt hugan að því, þvílíkt skaðræðisefni gæti verið hér á ferð ? Hvað verður um lífverurnar sem verða á vegin þeirra ? bæði á leiðinni til sjávar, og svo það sem við tekur í sjónum.  Þetta er nú enginn smáskammtur sem fer daglega frá venjulegu húsi.  Flestir eiga uppþvottavél, eða allavega vaska upp í höndum, a.m.k. einu sinni á dag, sumir tvisvar, eða þrisvar, eða þvottavélin, sumir þvo allt eftir eins dags notkun, eða jafnvel minna.

Ég held að við mættum stundum fylgja þessum efnum eftir í huganum og hugleiða, hvort við getum ekki minnkað þessa notkun aðeins.  Þvegið sjaldnar eða bara hugsað um ráð til að draga úr notkun. Sumir fara í bað einu sinni á dag, og nota allskonar sápu.  Allt þetta mengar meira og minna.  Ef við viljum nota vistvænar vörur, þá er um að gera að leita eftir umhverfismerkjunum, en ekki bara lesa skrumið utan á umbúðunum.  Því þær geta verið blöff. 

Þetta er nú bara svona til umhugsunar um hvað við sjálf getum gert til að betrumbæta umhverfið.  Það er nefnilega ekki bara í hinu stóra eins og útblæstri bíla, eða álvera, sem skiptir máli.  Við sjálf erum örugglega stórir áhættuhópar í mengun með öllu þessu fjandans hreinlæti.  Sem nóta bene er ekki einu sinni holt, því á misjöfnu þrýfast börnin best.  Og það held ég nú. 

Athugasemdir

[Ásdís Sigurðardóttir, 23.10.2007 kl. 16:55]

Góður punktur.  Fyrir nokkrum árum pældi ég mikið í þessu og ræddi þá við mann og annan um svona efni, mér var ráðlagt að minnka til helminga alla notkun sterkra efna og sjá hvort það hefði áhrif á hversu vel þvotturinn þvæst í vélinni eða diskarnir í uppþvottavélinni. Einnig var mér gefin lítil dolla sem skammtar uppþvottasápuna, niðurstaðan sú að að allt er með sama hreinlætisstuðul á mínu heimili og ég keypi svona 2-3 uppþvottalagar brúsa á ári (litla)  við ofnotum sápur og önnur slík efni, það er alveg ljóst, og ekki græðir náttúran okkar á því.

[Ásthildur Cesil Þórðardóttir, 23.10.2007 kl. 17:23]

Gott hjá þér Ásdís mín.  Einmitt, ég held að við getum ansi mikið minnkað notkun á hreinsiefnum, bæði í uppþvott, þvotta og bað.  Og ég er sannfærð um að okkur líður sjálfum betur, ef við takmörkum aðeins baðferðir.  Húðin þarf raka, við sífellda sápunotkun, þá þurrkast hún upp, og hrukkur aukast. 

[Ásthildur Cesil Þórðardóttir, 23.10.2007 kl. 17:25]

Reyndar er ég sjálf, nýkomin úr heitu baði með Radox slökunardufti, var að vinna úti við í plöntum og var köld og hrakin.

[Hrönn Sigurðardóttir, 23.10.2007 kl. 17:43]

Góður punktur hjá þér Cecil!

Ef þessi sápa sem við notum í þvottavélar og uppþvottavélar, kemst í snertingu við munnhol í fólki, þá brennir hún. Spáðu í það!! Fólk notar líka allt of mikið af mýkingarefni. Það er langt síðan ég hætti að nota svona mikið af sápu og nota aldrei mýkingarefni!

[Ásthildur Cesil Þórðardóttir, 23.10.2007 kl. 18:02]

Já einmitt, ég er líka löngu síðan hætt að nota mýkingarefni,  best er að geta þurrkað þvottinn úti á snúru, þá verður hann svo mjúkur, ef maður brýtur hann saman strax.  Já hugsa sér hve sterkt þessi efni eru og hættuleg.