Myndir frá Hnífsdal og fl.

Datt í hug í morgun að skreppa með myndavélina út í Hnífsdal fyrir hana Þórdísi bloggvinkonu mína. 

Það var ágætis veður í morgun, en núna er komin rigning og rok, og ég búin að vera úti að raða niður runnum til gróðursetningar.  Úff það var frekar  ....................................................... blautt

 

Þetta hús hér fremst er gamla kaupfélagshúsið, þegar Hnífsdalur var alvöru þorp.  Húsið við hliðna var hús sem Einar Steindórssón átti heima í, og uppi á bakkanum eru heimabæjarhúsin.  Þetta með rauða þakinu er friðað. Þar utan við eru hesthús, sem bærinn hefur nú keypt upp, því þar kemur vegurinn frá Bolungarvík gegnum gönginn.

Alveg er ég viss um að hér hafa margir átt gleðistund, og jafnvel stofnað til hjúskapar, nú eða afkvæmis.  Félagsheimilið í Hnífsdal.

Horft yfir ána, að byggðinni. Vildi ekki taka myndir af Ólafsauðninni hinu meginn.  Það var Leifur Pálsson sá heiðursmaður sem gaf svæðinu það nafn á sínum tíma.

Hreggnasinn.  Blokkin þarna er kölluð Vindheimar, það er svolítið vindasamt þarna á háhæðinni.

Svo horfir maður út á Djúpið og hér nær er Snæfjallaströndinn og fjær er Grænahlíðin.

Arnarnesið.

Og þetta venjulega sjónarhorn sem ykkur er boðið upp á.  Nema núna rennur snjórinn í fjallinu saman við skýin.

Lognið á undan storminum hehe..

Naustahvilftin þar dansa Dísir. 

Horft yfir miðbæinn.

Þessar myndir eru allar teknar í dag, fyrripartinn, áður en byrjaði að hvessa og rigna.

Eins og náttúrlega sjá má.  Eigiði góðan dag, og ekki hætta ykkur úr í þetta leiðindaveður nema þið eigið brýnt erindi.

 

Athugasemdir

[kidda, 22.10.2007 kl. 17:29]

Úff, hvað það er kuldalegt hjá ykkur Vonandi verður aðeins hlýlegra um að litast eftir rokið og rigninguna.

Félagsheimilið í Hnífsdal............... vekur upp minningar sem eru reyndar ekkert sérstakar. Það var keyrt á bílinn hjá okkur á planinu og viðkomandi stakk af . Bestu minningarnar frá þeirri helgi eru frá löggustöðinni, frá því að við fórum að gefa skýrslu um þetta. Fyrsta og vonandi eina skiptið sem við eyðum nótt á löggustöð En það var þrælgaman að vera þar, segi ekkert meira um hvað við gerðum þar.

[Ásthildur Cesil Þórðardóttir, 22.10.2007 kl. 17:39]

Hehehe Ólafía mín, say no more.... say no more

[Kristín Katla Árnadóttir, 22.10.2007 kl. 17:40]

Já hér í Rvk líka leiðindarveður þetta eru góðar myndir Ásthildur mín.

[Jenný Anna Baldursdóttir, 22.10.2007 kl. 17:59]

Rosalega eru fjöllin orðin hvít. Brrrrrrrrrrr segi ég enn og aftur en svaka stemming samt.

Knús á þig

[Ásthildur Cesil Þórðardóttir, 22.10.2007 kl. 18:24]

Knús á ykkur báðar til baka

[Hrönn Sigurðardóttir, 22.10.2007 kl. 19:01]

Hér er nú veðrið að lagast aftur.

Flottar myndir

[Ásthildur Cesil Þórðardóttir, 22.10.2007 kl. 19:07]

Gott mál Hrönn mín, það þýðir að veðrið lagast hér í nótt. 

[Sunna Dóra Möller, 22.10.2007 kl. 20:20]

Ég kemst í vetrarskap við að sjá þessar myndir !

[Ásdís Sigurðardóttir, 22.10.2007 kl. 21:36]

Fjöllin og snjóslæðan oo svo fallegt.

[Ásthildur Cesil Þórðardóttir, 22.10.2007 kl. 21:46]

Það styttist í gamla vetur konung. 

[Þórdís Einarsdóttir, 22.10.2007 kl. 21:55]

Félagsheimilið maður!

Hluti af Stórsveitinni spilaði nú þarna með LL einhverntíman á menntaskólaárunum. Það var rosa gaman. 

En snjórinn í fjöllin yljar mér bara um hjartarætur, finnst miklu betra að hafa snjó en suðvesturhornsrokrassgatið og rigninguna. Það verður svo dimmt. 

Takk fyrir myndirnar. Þú ert glugginn minn! 

Þ 

[Solla Guðjóns, 22.10.2007 kl. 22:06]

Naustahvilftin nýtur sín vel í þessum lit

[Ásthildur Cesil Þórðardóttir, 22.10.2007 kl. 22:10]

Þið eruð yndislegar elskurnar

[Rannveig H, 23.10.2007 kl. 08:29]

Nú yljar mér um hjartarætur  'Eg átti heima á móti kaupfélaginu.Takk fyrir mig eins og alltaf.

[Laufey B Waage, 23.10.2007 kl. 09:56]

Heimabærinn, Hreggnasinn, Félagsheimilið og Kaupfélagið í Hnífsdal, vekja heldur betur upp minningaflóð frá því í fyrra eða hittifyrra þegar ég var 15 ára. Skreið inn um klósettgluggann til að komast á fyrsta ballið mitt þarna. Sat svo allt ballið með HI bak við BG og spilaði á bongótrommur. Takk sæta. 

[Ásthildur Cesil Þórðardóttir, 23.10.2007 kl. 12:04]

Laufey say no more darling  tvö yndisleg börn hafa komið út frá því.   Rannveig mín, ég man alveg hvað þú áttir heima.   

[Ásthildur Cesil Þórðardóttir, 23.10.2007 kl. 16:41]

Jamm elsku knúsídúllan mín.

[Ásthildur Cesil Þórðardóttir, 23.10.2007 kl. 22:51]

Datt það svona einhvernveginn í hug

[Sigríður Jósefsdóttir, 24.10.2007 kl. 21:49]

17. nóvember.  Búið að merkja hann með stórum punkti á dagatalið.  Þá kem ég...... heim í heiðardalinn...  Gefðu BG frænda stórt knús frá mér, verð með ykkur í huganum um helgina.  Ég man nefnilega þegar ég var "átta ára unglingur...."

[Ásthildur Cesil Þórðardóttir, 24.10.2007 kl. 22:01]

Já ég skal gera það Sigríður mín.  Elli á að spila í afmælinu.