Ég var klukkuð aftur.

þú uppljóstrar átta atriðum um þig (á blogginu þínu) og klukkir síðan átta aðra bloggvini.

Svona hljóða skilaboðin sem ég fékk frá bloggvinkonu minni Jónu Ingibjörgu sem klukkaði mig í gær.

Átta atriði.  

1.   Ég var 12 ára, þegar ég eignaðist fyrsta gítarinn.

2.   13 ára höfðum við tvær vinkonur mínar stofnað tríó og skemmtum á allskonar skemmtunum í mörg ár.

3.   16 ára kom ég fyrst fram og söng með frændum mínum í BG. 

4.   18 ára fór ég í lýðháskóla í Svíþjóð, Vimmerby folkhögskola.

5.   19 ára var ég síðan aupair í Glasgow í Skotlandi.

6.   Ég á áritanir frá öllum hljómsveitarmeðlimum Kinks.

7.  Ég hef talað við Sandy Show, kenndi henni meira að segja"komdu sæl".

8.  Var nokkrum sinnum boðið að vera með á hljómsveitarupptökum í skoska sjónvarpinu m.a. með Brendu Lee.

Þetta eru átta atriði sem ekki margir vita, og sennilega enginn í dag.

en ég klukka; merlin, Grétu Úlfs, jakobk, ingabv, glomagnada, ljónið, (Guðný GG), gustasig.

Athugasemdir

[Ásthildur Cesil Þórðardóttir, 10.10.2007 kl. 18:10]

Hehehe Jóna Ingibjörg mín við eigum örugglega eftir að hittast í raunheimum, ekki spurning.

[Greta Björg Úlfsdóttir, 10.10.2007 kl. 18:39]

Mjög gaman að þessu.

Í þetta sinn skal ég reyna að finna út einhver svör við klukkinu sem komið gætu einhverjum á óvart!

[Ásthildur Cesil Þórðardóttir, 10.10.2007 kl. 18:45]

Já ég hlakka til elskuleg.

[Jenný Anna Baldursdóttir, 10.10.2007 kl. 18:48]

Flottar stelpurnar, hehe.  Hver saumaði kjóla?

[Ásdís Sigurðardóttir, 10.10.2007 kl. 19:27]

Mín bara fræg    

[Hrönn Sigurðardóttir, 10.10.2007 kl. 19:55]

Þú hefur verið og ERT flott!!

[Ásthildur Cesil Þórðardóttir, 10.10.2007 kl. 20:14]

Takk stelpur mínar, við saumuðum þessa búninga sjálfar.  ég man í þessu sambandi að við höfðum verið fengnar til að spila á árshátíð í húsmæðraskólanum.  En ég var eitthvað slöpp, með hita og svona, amma var ekki á því að leyfa mér að fara, vildi að ég mældi mig fyrst.  Ég sá að ég var með of mikinn hita, svo ég setti mælinn á ofninn og lét hann fara upp í nákvæmlega 37° en rétt áður en ég átti að fara að syngja, var ég komin með bletti um allan líkamann, ég var sum sé kominn með mislingana.  Mikið rosalega var ég svekkt

[Kristín Katla Árnadóttir, 10.10.2007 kl. 22:24]

Já Ásthildur mín þetta er flottar mynd af ykkur knús.

[Þórarinn Þ Gíslason (IP-tala skráð) 11.10.2007 kl. 00:35]

JÆÆÆÆÆÆÆÆÆÆÆja!  Múnderingarnar á ykkur eru þannig að ég man eftir þessum tíma heima á Ísafirði.Flott mynd.         Svona í gamni.Fyrsta sinn sem Ingibjörg Guðmundsdóttir söngkona í BG kom fram var í Skátaheimilinu á Ísafirði. Spilaði ég undir fyrir hana og lagið var. Hello Mary Lou.Við rifjum þetta alltaf þegar við hittumst.Ásthildur það er meiriháttar gaman að geta gengið að blogginu þínu sem SKEMMTILEGU.Takk fyrir.

[Ásthildur Cesil Þórðardóttir, 11.10.2007 kl. 08:04]

Helló Mary Lou ég man eftir því, söng það oft og mikið.  Langt síðan Ingibjörg hefur kíkt hér við.  Hún er frábær.  Og takk fyrir mig minn kæri.  Ég man líka vel eftir þér frá þeim tíma, alltaf jafn flottur.