Á léttari strengi undir svefninn.

Jamm, maður á alltaf að fara glaður í svefninn.  Þess vegna ætla ég að segja ykkur frá því að ég var í matarboði áðan, hjá El Salvadorisku fjölskyldunni minni.  Alejandra átti nefnilega afmæli í gær, og við vorum boðin í mat í kvöld.  Barnaveislan var í gær.

En fyrst að veðrinu.  Það er ekki vont veður, en frekar kallt.

Þið sjáið að snjórinn er kominn í fjallatindana.

Tveir ömmusnúðar voru hér í gær, og þannig var umhorfs, þeir voru samt svo glaðir yfir þessu.  Að týna njóla, sem betur fer voru ekki eftir nein fræ. 

Það var uppáhalds maturinn minn frá El Salvador Babúsas, þ.e. litlar maískökur með kjöti inn í, eða osti.  Rosalega góðar.  En það var líka þessi dýrindis fiskisúpa.

Þetta er hann Ísac Logi með öfunum sínum tveimur.

Þetta var ósköp notalega kvöldstund í góðra manna hópi.

Isobel hjá pabba sínum.

Hér er svo afi gamli, þeir eru að drekka dús. 

Hann benti mér á myndavélina og pósaði svo, það var greinilegt að sá stutti vildi fá mynd, enda algjört krútt.

En þessi ömmustubbur var bara orðin sybbinn.

Jamm það eru svo sem fleiri syfjaðir.  En ósköp er gott að eiga góða fjölskyldu, stóra og mikla, bæði börn og barnabörn, en líka systkini og frændur og stóran ættboga.  Og með svona minningar eins og hér að neðan, þá verður maður ennþá þakklátari fyrir að hafa eignast svona góða að.  Og ekki síður góða vini hér líka. Fyrir þetta er ég þakklát og glöð.

Athugasemdir

[Hrönn Sigurðardóttir, 23.9.2007 kl. 09:47]

Rosalega hljómar þessi matur girnilega. Maiskökur með kjöti/osti og fiskisúpa. Namm....

Hann er algjört krútt sá litli í pósunni

[Ásthildur Cesil Þórðardóttir, 23.9.2007 kl. 10:17]

Já hann Ísac Logi er sko fjörugur lítill maður.   Þessi matur er algjört æði get ég sagt þér.  Og Arna mín það er gott að eiga stóra og góða fjölskyldu.

[Kristín Katla Árnadóttir, 23.9.2007 kl. 11:16]

Það var gott Ásthildur mín að þetta var góður dagur ,já það er satt hjá þér það er gott að eiga góða fjölskyldu.

[Fríða Eyland, 23.9.2007 kl. 14:31]

Bara að kvitta löngu kominn tími til. Færslan um gömlu konuna sem dó án þess að tekið var eftir er svo falleg að ég varð orðlaus samt langaði mig að skrifa athugasemd, bara gat ekki fundið orðin.

[Ásthildur Cesil Þórðardóttir, 23.9.2007 kl. 15:37]

Velkomin til mín Fríða mín.   Og takk fyrir að kvitta.

[Jenný Anna Baldursdóttir, 23.9.2007 kl. 21:07]

Elsku Ásthildur, geturðu fengið uppskriftina af Babúsas?  Ég fæ vatn í munninn.  Til hamingju með afmælisbarnið

[Ásthildur Cesil Þórðardóttir, 23.9.2007 kl. 21:28]

Já ég skal fá uppskriftina.  Hef svo sem verið að spá í það sjálf að fá hana.  Þetta er svo dómadagsgott.