Haustlitir, ber og nýpur.

Við hjónin vorum að dunda okkur upp á lóð í dag, í góða veðrinu.  Ég setti nokkrar kartöflur niður í rimlakassa í vor, og við settum þær inn í gróðurhúsið í dag, því ég ætla að taka þær upp smátt og smátt, til að borða glænýjar kartöflur, þetta er sniðugt, mér sýnist að þær ætli að vera fínar, set ef til vill mynd af þeim inn síðar.

En við vorum að mæla hæstu trén í garðinum.  Hæsta tréð var ösp sem ég kalla Birgir, eftir bankastjóra Landsbankans, en ég tók græðling af tré í garðinum hans fyrir nokkrum árum, Birgir er nú orðin 7.50 m. 

En ég tók líka myndir af nokkrum runnum sem hafa fallega haustliti og líka berjum og nýpum, hér er smásýnirhorn.

Þetta er úlfarunni. 

Þessi elska heitir drekakvistill.

Jamm þetta eru sólber, þessi runni heitir Jänkisjärvi, finnsk tegund, afar bragðgóð.

Svo eru rifsberin.

Stikilsberin.

Hvít sólber, ég á líka hvít rifsber.

Nýpur eru fallegar og þær má nota í te.  Þetta eru nýpur meyjarrósarinnar.

Hér eru ber Úlfareynisins, en þau eru nú bara fyrir fuglana á þessum bæ.  Nema til frætöku og sáningar.

Sama á við um yllinn, nema í þessu góða árferði, þá flytja fuglarnir endalaust fræ af honum um allar trissur og hann er að verða illgresi.

Virginíuheggurinn fær skemmtilegan brúnan lit á haustin, meðan blóðheggurinn er rauðbrúnn allt sumarið.

Hér er birkikvisturinn, sem verður svona eldrauður við fyrsta frost.  Svoleiðis er líka glansmispillinn.

Þetta er svo bersarunninn, sem er alltof sjaldgæfur, fallegur og harðgerður runni.

Hvítþinur, þessi fræ verða sko tekin og sáð þegar þau eru orðin þroskuð.

Garðskskraut þarf ekki alltaf að kosta mikið.  Svona gömul heyvinnslutæki geta verið hið besta garðskraut.

Ein að lokum af krúttinu honum Sigurjóni Dag.  Hann elskar bíla og gröfur.   

Athugasemdir

[Hrönn Sigurðardóttir, 16.9.2007 kl. 17:50]

Takk fyrir þetta. Haustið eins og það gerist bezt og Sigurjón Dagur eins og endranær, eins og klipptur út úr krúttpappa - hann hlýtur að vera knúsaður af öllum kerlingum sem hann sjá.

[Ásthildur Cesil Þórðardóttir, 16.9.2007 kl. 18:04]

Já ég held það alveg örugglega, pabbi hans var svona krútt líka, og er ennþá. 

[Ásdís Sigurðardóttir, 16.9.2007 kl. 19:18]

Þínar myndir eru svo frábærar að ég finn lykt af trjánum og lynginu.  Takk fyrir þær.  Knús vestur og takk fyrir kveðjur.

[Huld S. Ringsted, 16.9.2007 kl. 19:27]

Ég var einmitt að hugsa það sama og Ásdís, það liggur við að ég finni lyktina af gróðrinum! Fallegir alltaf haustlitirnir.

Hann Sigurjón Dagur er nú meira krúttið

[Ásthildur Cesil Þórðardóttir, 16.9.2007 kl. 19:43]

Þetta er svona galdramyndavél, sem tekur ekki myndir, heldur gefur vinum mínum og aflesurum hluta af náttúrunni.  Hún er svona miðlari, sem lætur fólk ekki ósnortið.  Það er myndavélin sem á heiðurinn af þessu.  En ekki amatörin sem heldur á henni, hennar þáttur er einungis sá að vilja leyfa ykkur að njóta þess sem hér er svo mikið af.  Þ. e. kæreikur og umhyggju, og bara ást á því sem lifir. 

[kidda, 16.9.2007 kl. 20:46]

Ah, er það þá tilfellið að hægt sé að finna sjálfsána úlfareyni og sá til þeirra .

Myndirnar þínar eru alltaf jafn skemmtilegar

[Merlin, 16.9.2007 kl. 22:58]

Fallegur gróður og ansi girnileg ber

[Jenný Anna Baldursdóttir, 16.9.2007 kl. 23:52]

Yndislegt að vanda.  Finn næstum því lyktina af gróðrinum.

[Ásthildur Cesil Þórðardóttir, 17.9.2007 kl. 17:52]

Nei Ólafía mín sjálfsáinn Ylli.  En þú getur tekið ber af úlfareyni og sáð þeim og fengið plöntur.

Takk stelpur mínar.

[Solla Guðjóns, 19.9.2007 kl. 23:58]

Þvílík dásemd.

[Ásthildur Cesil Þórðardóttir, 20.9.2007 kl. 08:39]