Haust.

Já það er greinilegt að haustið er komið.  Það var fallegur dagur í dag, en ég er viss um að það verður næturfrost í nótt.

Fjörðurinn minn í sínum fegursta skrúða.

Og hér er dálítið annað sjónarhorn. Þarna má sjá snæfjallaströndina hvíta af snjó.

 

Já þetta er við flugvöllinn.

Fallegur fjallahringurinn.  Séð inn í Tunguskóg, þar sem ísfirðingar eiga sumarhúsin sín.  Þeir sem eiga heima í miðbænum, færa sig inn í Tunguskóg þegar sumrar og eru þar allt sumarið.

Sést betur hér, og svo er þetta nýja byggingarhverfið. 

Og gamla Holtahverfið.

Góustaðir og Úlfsá og fleiri sem hér voru bóndabæir áður. 

Hér sést vel að lyngið er orðið eldrautt, og kallast á við snjóinn sem kom um daginn.  En sólin hefur brætt hann að mestu.

Hér sést hvernig fjörðurinn kúrir undir fjöllum á alla vegu.  Þess vegna eigum við þetta dýrðar koppalogn svo oft á kvöldin. Hér sést Snæfjallaströndin betur.

Og nú er komið kvöld, og geislar sólarinnar leika sér í skýjunum.

Það er fallegt sjónarspil.

Svo er litla skottið hún Evíta Cesil, svona broshýr, en amma var að passa hana og bróður hennar Aron Mána í dag.  Svona til að fá ekki fráhvarfseinkenni hehehehe...

Athugasemdir

[Gústi (IP-tala skráð) 14.9.2007 kl. 21:40]

Fínar myndir hjá þér Ásthildur. Það er fátt fallegra en Skutulsfjörður á haustin í svona veðri. Tók þessa í miðbænum í dag. Ég tók eina skemmtilega af húsinu þínu. Þarf að koma henni til þín :)

[Hrönn Sigurðardóttir, 14.9.2007 kl. 21:50]

 Fallegar myndir hjá þér Cesil mín. Það er fátt fallegra en haustið, þegar allir þessir litir skarta sínu fegursta

[Kristín Katla Árnadóttir, 14.9.2007 kl. 21:54]

Fallegar myndir af haustinu  fallegt litla skottið þitt.

[kidda, 14.9.2007 kl. 22:22]

Vá, þvílíkur munur á myndunum eftir því hvernig veðrið er Það vantar ekki að þú hefur dásamlegt útsýni.

[Ásthildur Cesil Þórðardóttir, 15.9.2007 kl. 00:58]

Já Ólafía mín ég hef gott útsýni.  Takk Kristín Katla mí og Hrönn

Gústi endilega komdu henni til mín flottastur

[Saumakonan, 15.9.2007 kl. 10:06]

alltaf jafn fallegar myndirnar þínar...   dauðlangar að koma vestur en sé ekki fram á það á næstunni   

Eigðu góðan dag ljúfan

[Merlin, 15.9.2007 kl. 11:41]

Mér finnst svo gaman að skoða myndirnar þínar og þú settir inn nokkrar um daginn sem mér finnst svo flottar, má ég taka þær og fikta aðeins með þær og senda þér svo afraksturinn í pósti? þ.e. ef þær koma vel út

[Ásthildur Cesil Þórðardóttir, 15.9.2007 kl. 11:55]

Já auðvitað Merlin mín.  Alveg sjálfsagt. 

Sömuleiðis Saumakona mín.  Vonandi kemurðu samt fyrr en seinna. 

[Huld S. Ringsted, 15.9.2007 kl. 12:31]

Falegar myndir, það var líka svona veður hérna á Akureyri í gær

[Ásthildur Cesil Þórðardóttir, 15.9.2007 kl. 12:43]

Já hann er hvassari núna, en hlýtt og sól.  Ágætis veður.

[Gústi (IP-tala skráð) 15.9.2007 kl. 18:24]

Mig vantar email hjá þér Ásthildur, sendu mér póst á gusti hjá snerpa.is.

[Ásthildur Cesil Þórðardóttir, 15.9.2007 kl. 18:47]

Já geri það Ágúst minn.