Meira svona.

Dularfullur skilaboðahöfundur hafði skilið eftir miða á bifreiðum Patreksfirðinga í morgun.

bb.is | 14.09.2007 | 09:29Dularfullur skilaboðahöfundur á Patreksfirði

Óvæntur glaðningur beið Patreksfirðinga er þeir héldu til daglegra starfa í morgun en þá tóku flestir þeirra eftir litlum miðum undir rúðuþurrkunum á bifreiðum þeirra. Á þessa litlu miða var búið að prenta falleg orð um lífið og mynd af hjarta. „Hvort þetta er upphafið af ástarviku á Patreksfirði skal ekki segja en ljóst er að þessi dularfulli skilaboðahöfundur hefur fengið okkur öll til að íhuga lífið og tilveruna í morgunsárið“, segir á heimasíðu Vesturbyggðar. Á miðunum stendur: Lífið er fegurð, dáðu hana. Lífið er auðlegð, varðveittu hana. Lífið er tækifæri, gríptu það. Lífið er söngur, syngdu hann.

[e-mail]

http://www.bb.is/Pages/26?NewsID=105620

 

Það mætti vera meira af svona uppákomum.  Þetta er fallegt og gott inn í daginn.

Athugasemdir

[Merlin, 14.9.2007 kl. 10:14]

Þetta mætti gera víðar

[Kristín Katla Árnadóttir, 14.9.2007 kl. 10:51]

Já þetta er fallegt það finnst mér.

[kidda, 14.9.2007 kl. 10:59]

Sammála því að þetta  mætti gera víðar.  Sá sem þetta gerði fær hrós frá mér

[Greta Björg Úlfsdóttir, 14.9.2007 kl. 11:11]

Mikið hefur þetta verið fallega hugsandi höfundur. Kannski leggst hann í ferðalög,...og fer hringinn? Vonandi!

[Ásthildur Cesil Þórðardóttir, 14.9.2007 kl. 11:28]

Já vonandi.  Þetta er eins og krakkarnir hér í sumar, skrifuðu fallegar setningar á grænmálaða steina, og settu hér og þar um bæinn.  Það var reglulega skemmtilegt og manni hlýnaði um hjartaræturnar að sjá þetta. 

[Heiða Þórðar, 14.9.2007 kl. 13:46]

Þetta er auðvitað bara geggjað! koss á kinnar þínar tvær...:)

[Huld S. Ringsted, 14.9.2007 kl. 14:23]

Gaman að þessu, Segi það sama og Greta Björg:  Kannski leggst hann í ferðalög!

[Ásthildur Cesil Þórðardóttir, 14.9.2007 kl. 14:49]

Já, einmitt.  Það væri gaman að vita hver þessi jákvæða persóna er.  En mér segir svo hugur að þetta sé einhver ung stúlka, hjörtun eru þannig.  En flott er þetta.  Og það afsakar ef til vill líka skort á prófarkalestri

[Jenný Anna Baldursdóttir, 14.9.2007 kl. 17:16]

Stundum eru hlutirnir svo krúttlegir að það þarf ekkert að vera að skemma þá með óþarfa eins og prófarkalestri