Skemmtun af ýmsu tagi.

30.8.2007 | 00:32

Það var lágskýjað í dag, en hlýtt og gott veður samt.

Talandi um kóngulær, þá var þessi elska að spóka sig i garðskálanum. Og maurinn sem ég hef sýnt ykkur áður var þar líka á gönguferð. Eða einhver annar, ætli þeir séu að koma sér upp aðstöðu hjá mér?

Hún Ásthildur Cesil jr. er afskaplega músikkölsk, og hér spilar hún á munnhörpu, slær taktinn með henni líka og syngur með.

Stelpurnar mínar leika sé með dótið sitt. Hún Matta tengdadóttir er að fara að læra hárgreiðslu, og vildi sýna dóttur minni og það var gaman hjá stelpunum að taka upp allt fína dótið sem hún var að fá.

Allskonar fínar græjur fyrir ungar konur. Pottþétt.

tími skemmtiferðaskipanna er heldur ekki liðinn ennþá, og í dag voru þau tvö hér við höfnina, og svo sést þarna líka Árni Friðriksson.

Líf og fjör á höfninni.

Litla Ásthildur Cesil var lasin í dag með hita, en gaf sér tíma til að bregða á leik með mömmu sinni, með Vínarhúfuna hennar ömmu.

Þessa hérna alltso hehehe

Svo kom hér maður í kvöld og bankaði uppá, spurði mig hvort ég kannaðist við þessi ber. Þau voru innan um annað lyng hér í nágrenninu. Ég átta mig ekki á hvaða ber þetta eru. Laufin eru ekki lík hrútaberjum, en mér datt þau samt helst í hug. Þekki einhver þessi ber endilega látið mig vita.

Annars býð ég ykkur góða nótt.

Flokkur: Bloggar | Facebook

Athugasemdir

Yndislegar myndir að venju mínus mynd af könguló.

Jenný Anna Baldursdóttir, 30.8.2007 kl. 01:55

Flottar myndir Ég get ekki munað nafnið á þessum berjum þó að ég muni vel eftir þeim frá því í gamla daga í sveitinni í Skagafirði. Það hlýtur einhver á endanum að ramba inn á síðuna þína sem man nafnið á þeim

Anna Ólafsdóttir (anno) (IP-tala skráð) 30.8.2007 kl. 02:11

Arg!! ég var nærri búin að forða mér af síðunni þegar ég sá köngulóna!! en skrollaði svo bara hratt niður Hinar myndirnar þó æðislegar.

Huld S. Ringsted, 30.8.2007 kl. 08:57

Jú Jóna Ingibjörg mín, það er sagt að þær ljúgi ekki

Huld mín og Jenný, það er eitthvað með fólk og skordýr sem ekki er alveg að ganga upp. Þetta eru elskuleg dýr að mínu mati, því þær eta lýs og annan ófögnuð.

Ég vona að einhver geti upplýst mig um þessa plöntu Annó mín. Ætli þetta geti verið sortulyng ?

Ásthildur Cesil Þórðardóttir, 30.8.2007 kl. 09:04

Já alltaf fínar myndirnar hjá þér en ekki kannast ég við þessi ber.

Kristín Katla Árnadóttir, 30.8.2007 kl. 10:40

Rosalega er köngulóin flott, vel tekin mynd. Þú ert nú svo glæsileg Ásthildur, með loðhúfuna að þú mundir sóma þér vel sem þjóðhöfðingi okkar Íslendinga.

Ásdís Sigurðardóttir, 30.8.2007 kl. 10:41

Ásdís hehehhe.. takk fyrir það. Ég er samt alveg hæstánægð með að vera bara sú sem ég er. Kristín Katla mín, þetta er stórglæsileg kónguló, með börnin sín á bakinu.

En það hringdi í mig áðan samstarfskona mín og sagði mér að sennilega væru þetta skollaber. Og ég er sammála henni, þegar ég skoðaði flóru Íslands. Það er ekki skrýtið þó fáir kannist við þau, því þau virðast vaxa einna helst á Vestfjörðum.

Ásthildur Cesil Þórðardóttir, 30.8.2007 kl. 11:02

Já, en hugsaðu þér þig í valdastöðu, með alla þína skynsemi og umhyggju fyrir öðrum, ég var að meina þetta. Við yrðum ekki svikin, landsmenn.

Ásdís Sigurðardóttir, 30.8.2007 kl. 11:48

Þú ert æði Ásdís mín Málið er að ég myndi sennilega verða bara eins og hinir, vald spillir rosalega. Hver veit hvað það tæki langan tíma að gera mig þannig.