Enn er dálítil von.

Sorglegt mál, vonandi finnast mennirnir annað hvort heilir á húfi eða látnir.  Það er alltaf versta útkoman ef menn týnast og enginn veit hvað varð af þeim. Það skilur eftir sár sem grær seint.

Leitað á ný á Svínafellsjökli

Athugasemdir

[Kristín Katla Árnadóttir, 28.8.2007 kl. 13:37]

Þetta er mjög sorglegt mál ég segi eins og þú vonandi að mennirnir finnist  sem fyrst.

[Jenný Anna Baldursdóttir, 28.8.2007 kl. 14:09]

Auðvitað vonar maður að þeir séu á lífi þó ekki sé það líklegt.  En eins og þú segir þá er skelfilegt þegar fólk finnst ekki.  Svo erfitt að loka ábyggilega og byrja upp á nýtt.

Smjúts, og varðandi færsluna fyrir neðan, þá verður fjölskyldan þín að fá ríkisborgararétt og eru betur að honum komin en sumir aðrir.  Við fylgjumst með og grípum til aðgerða ef það verður ves.  Smjúts

[Ásthildur Cesil Þórðardóttir, 28.8.2007 kl. 14:39]

Takk fyrir það Jenný mín.  Það skiptir þau svo miklu máli að fá að vera hér.  Og þau eru svo þakklát fyrir allan stuðning sem þau fá.  Það er hjartnæmt.

Já Kristín Katla mín vonandi finnast mennirnir.  Ég veit hvernig móður líður sem missti son sinn í sjó.  Það er talið að hann hafi farið niður með bátnum, og þó það hafi liðið áratugur eða meira, þá komst hún og reyndar öll fjölskyldan í uppnám, þegar fréttist að flakið væri fundið.  En það var ekki hægt að koma því við að leita. 

Það er líka þess vegna sem fólki hér gefst færi á að setja nafn og kveðju til ástvina sem týnast á fallega steina inn við Kapellu í kirkjugarðinum.  Það er svolítil huggun.

[Sigurjón, 28.8.2007 kl. 15:12]

Því miður eru nánast engar líkur til þess að þeir séu enn á lífi.  Hins vegar væri auðvitað gott að finna líkin og veita þeim sómasamlega greftrun og fá þar með botn í málið, sér í lagi fyrir fjölskylduna.

[Ásthildur Cesil Þórðardóttir, 28.8.2007 kl. 15:59]

Já það er næstbesti kosturinn, ef hægt er að segja svona. 

[Huld S. Ringsted, 28.8.2007 kl. 16:21]

æijá það væri nú óskandi að þeir finnist, þó að það sé nú borin að von að þeir finnist á lífi en það hlýtur að vera erfitt fyrir fjölskyldur þeirra að missa ástvini og geta ekki kvatt þá sómasamlega.

[Ásthildur Cesil Þórðardóttir, 28.8.2007 kl. 18:00]

Já ég skil það vel.  En það er einhvern veginn alltaf von, meðan ekki sannast annað ekki satt?

[Anna Ólafsdóttir (anno) (IP-tala skráð) 28.8.2007 kl. 18:17]

Mér fannst gott að heyra að brugðist var við þessum fundi á búnaði þeirra. Vonandi ber leitin árangur, en ef ekki þá er allavega meira vitað um hvað getur hugsanlega hafa gerst.

[Ásthildur Cesil Þórðardóttir, 28.8.2007 kl. 18:31]

Þeir eru því miður hættir við aftur.  Þetta er með ólíkindum fum og fát eiginlega.  Hér er um tilfinningar fólks að ræða.  Það átti að fara af stað í kyrrþey í byrjun, fyrst svona var í pottinn búið.  Þetta er eins og að rífa upp holundarsár fyrir fjölskyldurnar.

[Solla Guðjóns, 28.8.2007 kl. 22:11]

[Ásdís Sigurðardóttir, 28.8.2007 kl. 22:42]

Það er nauðsynlegt að fá lok í svona erfið mál. Vonandi skilar jökullinn þeim.

[Ester Júlía, 29.8.2007 kl. 12:37]

Ég held ennþá í vonina um að þeir finnist á lífi en vonin minnkar með degi hverjum.  Já hvað er þetta með að hætta og byrja leitinni  í sífellu??!!

[Ásthildur Cesil Þórðardóttir, 29.8.2007 kl. 12:51]

Já ég skil það ekki.  Það ætti í rauninni að fara fram í kyrrþey, til að ýfa ekki upp sárin.