Kvöldverður með góðu fólki.

Kvöldverðurinn gekk mjög vel og fólkið mitt át með bestu lyst.  En málið er að ég komst að því, að þau hafa aldrei bragðað skyr í þau sex ár sem þau hafa verið hér.  Ég bauð þeim upp á skyr, aðalbláber og rjóma í eftirrétt, og þá kom í ljós að þeim hafði aldrei dottið í hug að smakka skyrið, og mér hafði aldrei dottið í hug að bjóða þeim upp á skyr.  En þau fengu sér öll þrisvar á diskinn, svo það var greinilegt að skyrið sló í gegn í kvöld.

Aðalbláber nammi namm.

Og krækiber nammi namm.

Ketið skorið. Pabbi gamli var í góðum félagsskap.

Jamm það var margt spjallað á spænsku og íslensku og svo bara fingramáli.

Tengslin liggja víða.

tími til að kveðja, ég vona að Mirna fari með góðar minningar heim og huggun til fjölskyldunnar úti í El Salvador um að fjölskyldan hennar hafi það gott uppi á hinu kalda Íslandi.  Hún sagði að mest hafi komið á óvart hve innilega gott fólkið er á Íslandi.

 

Athugasemdir

[Jenný Anna Baldursdóttir, 12.8.2007 kl. 23:01]

Er berjasprettan góð í ár?  Hvernig spyr ég.  Yndislegar myndir, manni langar að fara inn í þær og vera með.

[Ásthildur Cesil Þórðardóttir, 12.8.2007 kl. 23:05]

Þið eruð velkomnar stelpur mínar

[Hrönn Sigurðardóttir, 12.8.2007 kl. 23:12]

Svona getur það augljósa og það sem manni finnst svo sjálfsagt, algjörlega farið fram hjá.

Góð hugmynd og berin líta afar girnilega út!

[Ragnheiður , 12.8.2007 kl. 23:42]

Yndislegt, ég fer að leggja af stað í berjaleiðangurinn bráðum !!

[Ásthildur Cesil Þórðardóttir, 12.8.2007 kl. 23:46]

Já einmitt Hrönn mín, það er alltaf það augljósa sem verður útundan, svo skrýtið sem það er nú.

Elsku hross, berjaleiðangur hljómar sko vel.

[Katrín Snæhólm Baldursdóttir, 13.8.2007 kl. 00:36]

Það er bara ALLTAF veisla í kúluhúsinu!!!!!!!

[Kristín Katla Árnadóttir, 13.8.2007 kl. 10:28]

Gaman að þau skyldu fá skyr með bláberjum. Eigðu góðan dag.

[Steinunn Helga Sigurðardóttir, 13.8.2007 kl. 14:49]

ég vil koma í veislu í kúluhús, það hlýtar að vera eins og að vera í amason að vera þarna inni !

mmmmmmmmnammi ber ! frá íslandi !!!!

AlheimsLjós til þín

Steina

[Ásthildur Cesil Þórðardóttir, 13.8.2007 kl. 15:12]

Það er ansi oft veislur hér yfir sumartímann, svo jafnast þetta út á veturna, þá er ró og rómantík í kúlunni. 

Já Arna mín það er kominn tími á berin.  Ég var satt að segja dálítið undrandi að vita að þau höfðu aldrei bragðað skyr þessi 6 ár sem þau hafa verið hér.  En svona er þetta. Okkur finnst þetta vera daglegt brauð, meðan þau hafa aldrei smakkað.

Steinunn ég get sagt þér að á svona dögum er of heitt hér inni.  Maður þarf eiginlega að vera úti í garðinum. 

[Ásdís Sigurðardóttir, 13.8.2007 kl. 17:25]

Eg er nú farin að hallast á þá skoðun að þetta sé félagsheimili hjá henni Ásthildi okkar, hef ekki þekkt hjartahlýrri manneskju online ever. Minnir mig á frænkur mínar sem ráku hótel við Mývatn þegar ég var barn, þar var kærleikur og húspláss með því mesta sem ég hef kynnst og tími og matur og bara allt, man ekki hvenær þær sváfu elskurnar en aldrei man ég eftir þeim þreyttum. Ásthildur er greinilega hlaðin þessum genum og takk fyrir að leyfa okkur að fylgjast með þér við að gera heiminn að betri stað. 

[Ásthildur Cesil Þórðardóttir, 13.8.2007 kl. 23:33]

Félagsheimili Ásdís mín  Það getur alveg passað, þar sem góður félagsskapur er, og heimili, þar er auðvitað félagsheimili.

 Stelpur mínar það er bara að fara og tína ber, að tína tína ber... að tína tína ber.

Og eftir situr amma ein,

við arinn hvílir lúin bein,

og leikur bros um brá.

Er koma þau svo kát og létt,

á kvikum fótum taka sprett,

og hlæja berja blá... og hlæja berjablá.

[Jakob Falur Kristinsson, 14.8.2007 kl. 14:40]

Alltaf jafn gaman að skoða þínar fallegu myndir Ásthildur.