Nýtt líf, himnagallerí og Vínarfyrirsæta.

12.8.2007 | 12:00

Nýtt líf, himnagallerí og Vínarfyrirsæta.

Eitt af þeim lögum sem mér þykir vænst um af plötunni minni er Nýtt líf. Það er um meðgönguna.

http://www.malefnin.com/mp3/CD_cesil/Nytt_lif.mp3

En svo eru hér myndir síðan í gær af skýjum og undursamlegri litasamsetningu alheimsljóssins.

Svo er það lítil Vínardama, hún er smá feimin en alveg yndisleg litla Hanna Sól. Takið eftir írisblóminu í barminum. Þú mátt ekki slíta upp blómin hennar ömmu, sagði afi. En í þetta sinn er það allt í lagi, ég set það í barminn, þá verður amma glöð yfir því hve þú ert fín.

Vonandi eigið þið góðan sunnudag. Fólki mitt frá El Salvador kemur í mat í kvöld, þau fóru reyndar á súpudaginn á Dalvík, en ég ætla að gefa þeim ekta íslenskt lambalæri, það er eitt af því besta sem þau fá, en elda ekki sjálf. Ein dóttir þeirra er í heimsókn frá El Salvador, og ég hlakka til að gefa henni að smakka.

Svo er ég farin út í sólina, ætla að hunskast til að reita smá arfa.

Flokkur: Bloggar | Breytt 13.8.2007 kl. 15:18 | Facebook

Athugasemdir

Góðan daginn Ásthildur mín, lagið þitt er ofsalega fallegt! eigðu góðan dag í sólinni fyrir vestan

Huld S. Ringsted, 12.8.2007 kl. 12:08

voðalega fallegt lag ! ert það þú sem syngur ? svona er að vita ekkert hvað gerist á íslandi !

Ljós og friður til þín

steina

Steinunn Helga Sigurðardóttir, 12.8.2007 kl. 12:19

Takk fyrir, já þetta er ég. Ég gaf út þessa plötu 1985. Eftir að sokkabandið hætti. En flest af lögunum voru á prógramminu hjá okkur. Það voru reyndar fleiri frumsamin lög, það voru a.m.k. tvær aðrar sem sömdu lög sem við fluttum bæði á tónleikum og svo á dansleikjum.

Ásthildur Cesil Þórðardóttir, 12.8.2007 kl. 13:03

Flott lag, sem ég hef reyndar heyrt áður. Njóttu dagsins og hér á bæ er alltaf beðið um lambalæri a la mamma af tengdasonum og dætrum. Það klikkar aldrei.

Smjúts

Jenný Anna Baldursdóttir, 12.8.2007 kl. 13:49

Lambalærið er alltaf best ég var að koma úr berjaferð, týndi aðalbláber og krækiber, ég ætla að hafa skyr og aðalbláber í eftirrétt í kvöld. Svo ætlar sonur minn að útbúa fiskisúpu ala Júlíus á morgun þegar ég fæ þýsku vini mína í heimsókn. Hann gerir heimsins bestu fiskisúpu.