Tími rósanna....

Í garðinum mínum er tími rósanna núna. 

Dornrósin er bæði falleg og harðgerð.

Það er Hyrdalsrósin reyndar líka.

Hvíta Hansarósin það er bjart yfir henni.

Búin að týna nafninu á þessari en hún er stammrós sem kölluð er, þ.e. á háum stöngli.

Þessi brosir líka fallega.

Þetta er Hawairós trjákennd en hún er í garðskálanum.

Hvítþinurinn minn er með myndarlega köngla.  Glæsilegur.

Gallerí himin leit svona út í gær, hann er svipaður í dag reyndar.

Þessar elskur fylgja líka blómunum, þó eru þær mest vitlausar í varablómin hjá mér, til dæmis kattarblómin nepeda, og silfurtvítönn. meðan hungangsflugan vill heldur knautía eða systrablómið.

Sumar velja líka mig hehehe... við horfumst í augu og gerum samning um engar stungur takk.  gegn því að enginn innrás verði gerð í búin þeirra af minni hálfu.

Hér eru svo þýsku vinir okkar  Britt og Leon að byggja úr Geomic uppáhalds leikföngum hér Hanna Sólin talar auðvitað reiprennandi þýsku að vísu með Austurrískum hreim.  En þau geta svo vel skeggrætt.   

Athugasemdir

[Jenný Anna Baldursdóttir, 11.8.2007 kl. 17:29]

Sko myndirnar eru yndislegar að vanda NEMA nærmyndin af kvikindinu og ekki tók betra við þegar ég sá ódæðið sitjandi á sólgerauganu.  Ásthildur þú ert hugrökk.

[Huld S. Ringsted, 11.8.2007 kl. 22:03]

alltaf jafn gaman að skoða myndirnar þínar nema þessa sem innihélt röndótta kvikindið

[Kristín Katla Árnadóttir, 11.8.2007 kl. 22:21]

Alltaf gaman að skoða myndirnar  ég er líka með dornrós í garðinum hjá mér

[Ásdís Sigurðardóttir, 11.8.2007 kl. 23:18]

Bíflugumyndin er æði og allar hinar líka, langar að stela þeim, nýti mér að skoða þær vel hér. Kær kveðja

[Hrönn Sigurðardóttir, 11.8.2007 kl. 23:31]

Frábærar myndir. Rósirnar eru yndislega fallegar. Sérstaklega þessi rauða

Mig langar svo í rósir í garðinn minn. Getur mælt með einhverri tegund sem ég drep ekki hratt og vel. Þ.e. einhverri harðgerðri?

[Ásthildur Cesil Þórðardóttir, 12.8.2007 kl. 00:46]

Takk stelpur mínar.  Hugrökk Jenný mín nei..................skynsöm.  Ég er miklu stærri og sterkari en þessi ágæta fluga, hún getur ekki gert mér neitt mein, nema ef til vill stungið mig svo ég fái smábólu, en ég get auðveldlega drepið hana ef ég vil.  En ég bara vil það ekki

Já Hrönn mín, ég get til dæmis mælt með Hyrdalsrósinni, og ég get mælt með Darts Defender, og poppíus Páfarós, segðu mér bara hvað þú sækist eftir í rósabransanum, og ég skal ráðleggja þér.  það eru klifurrósir eins og meyjarrósir og svo eru ígulrósir eðalrósir og bara nefndu það....

[Ásthildur Cesil Þórðardóttir, 12.8.2007 kl. 00:47]

Ásdís mín bara "steldu" myndunum sem þig langar í, og ef þú vilt fá þær í betri gæðum bara að láta mig vita.

[Hrönn Sigurðardóttir, 12.8.2007 kl. 01:30]

Takk Cesil mín. Alltaf hefurðu tíma til að vera indæl.....

Mig mundi langa mest í þessa rauðu, næstmest í bleiku dornrósina. Svo skil ég ekki af hverju ég get ekki fengið havairós í blómabúðum. Hvað er þetta með blóm og tízku? Er ekki hægt að eiga blóm fyrir gamaldags ungar blómarósir?

Spyr ein sem ekki veit....

Ef þú værir ég, langaðir í rós í garðinn þinn, hefðir ekki mikinn tíma fyrir garðinn og værir soldið hrædd um að drepa rósir þrátt fyrir einlæga aðdáun á þeim, hvar mundir þú byrja?

Annað sem mig langar að segja þér er hvað mér finnst falleg þessi, mig minnir að þú hafir kallað þau postulínsblóm, hvar nálgast ég svoleiðis jurt?

[Halla Rut , 12.8.2007 kl. 02:17]

Æðislegar myndir. Myndefnið kemur lifandi á móti manni.

[Ásthildur Cesil Þórðardóttir, 12.8.2007 kl. 10:59]

Takk Halla mín.

Hrönn, ég held að ég myndi byrja á Darts Defender, hún er harðgerð og alltaf falleg, og blómviljug.  Síðan er Dornrósin líka mjög dugleg í skjóli þó.  Hún er svokölluð eðalrós, en getur orðið há, allt að einn og hálfur metri ef henni líður vel.  Poppíus eða Páfarós er líka afar harðgerð og blómviljug, hún er minni en hinar tvær og fíngerðari, með fyllt ilmandi blóm.

Postulínsblómið veit ég ekki hvar þú getur fengið nema þá hjá mér.  En ef til vill er einhver þarna úti sem hefur séð það á blómasölum.  Stundum koma svona eðalplöntur til mín, án þess að ég viti hvernig.  Ef til vill langar þær bara til að vera hjá mér.  Ein slík er hengifjólan fallega sem ég á bæði hvíta og lillabláa.  Ég er að hugsa um að fjölga Hawaírósinni í haust.  En hún er garðskálaplanta.  Falleg er hún samt. 

[Hrönn Sigurðardóttir, 12.8.2007 kl. 16:32]

Takk Cesil mín.

Ég átti einu sinni stóra og fallega Hawairós. Hafði hana í stofunni hjá mér. Hún blómstraði reglulega stórum fallegum rauðum rósum. Svo tók hún sig til einn daginn og steindó. Ég hlýt að finna einhversstaðar aðra. Kannski ætti ég að fá mér bíltúr út í Hveragerði til Ingibjargar og athuga hvort hún á rós.......

Þetta var nú með betri hugmyndum sem ég hef fengið í dag!

[Ásthildur Cesil Þórðardóttir, 12.8.2007 kl. 17:46]

Já ætli hún Imba eigi ekki svona rós, eða Eden ?

[Solla Guðjóns, 13.8.2007 kl. 10:41]

Já garðurinn þinn er algert augnayndi

Huguð fluga þarna á ferð