Systur......

Ég fékk mjög skemmtilega upphringingu áðan.  Er eiginlega rosalega montin.

Í símanum var stúlka, sem spurði hvort ég hefði ekki samið texta við lagið Systur.  Ég hvað það vera.  Hún sagði að þær væru nokkrar saman að æfa upp kvennaband fyrir giftingu vinkonu sinnar, og spurði hvort hún mætti nota þetta lag, það væri uppáhaldslag brúðarinnar tilvonandi.  Ég hélt nú það.  Já sagði hún, þessi plata er líka ein af uppáhaldsplötunum mínum. 

Mér þótti alveg óskaplega gaman að heyra þetta.  Hún vildi fá textan uppskrifaðan, og þar sem ég skrifaði hann upp ákvað ég að setja hann hér inn líka.

 Gjörið svo vel:

Systur.

Systur, systur!

Við stöndum allar saman.

Systur, systur!

Við tökum höndum saman.

Hjálpumst að svo lífið verði þolanlegt á jörð,

lífið þolanlegt á jörð.

 

Systur, systur!

Við höfum verk að vinna.

Systur, systur!

Ungviði okkar að sinna.

Hjálpumst að og eyðum allri tortryggni,

ósamlyndi, vantrausti.

 

Bælum niður græðgi, öfund, valdafíkn.

Löðum fram drengskap, sáttfýsi.

Látum engan lítinn svelta af ástleysi,

eða fyllast mannhatri.

 

Systur, systur!

Við lyftum merki friðar.

Systur, systur!

Þá okkur áfram miðar.

Hjálpumst að svo lífið verði þolanlegt á jörð,

lífið þolanlegt á jörð.   

Athugasemdir

[Ásdís Sigurðardóttir, 7.8.2007 kl. 16:00]

Sem ég segi mín kæra, þú ert margra kvenna maki !!! getur allt og gerir fullt gleðipinninn þinn 

[Kristín Katla Árnadóttir, 7.8.2007 kl. 16:17]

Þú er frábær texta höfundur og mátt alveg vera montin.

[Hrönn Sigurðardóttir, 7.8.2007 kl. 18:47]

Flottur texti! Á hvaða plötu er lagið?

[Ásthildur Cesil Þórðardóttir, 7.8.2007 kl. 19:40]

Það er á vínylplötu frá 1985 og sú heitir Sokkabandið.  Ég held að hún sé ófáanleg í dag, nema ég á nokkur eintök, svo setti kunningi minn úr bransanum þetta inn á Cd.  En það hefur ekki farið neitt í sölu

[Ásthildur Cesil Þórðardóttir, 7.8.2007 kl. 19:44]

Þetta gæti verið hér inni. http://www.malefnin.com/mp3/CD_cesil/Systur.mp3 Jamm sennilega.

[Ásthildur Cesil Þórðardóttir, 7.8.2007 kl. 20:16]

Og hér er óður til eiginmanns líka  http://www.malefnin.com/mp3/CD_cesil/Odur_til_eiginm.mp3

[Haukur Nikulásson, 7.8.2007 kl. 22:08]

Flott lög.

Söngurinn hefði þó mátt vera framar í mixinu til að njóta sín betur (og minna reverb). Maður þarf jú að heyra vel textann til að hann komist til skila.

[Ásthildur Cesil Þórðardóttir, 7.8.2007 kl. 22:26]

Já ég veit, ég held að upptökustjóranum hafi fundist ég ekki syngja nógu vel, og þess vegna haft þetta svona aftarlega hehehe.... hann er nefnilega haldinn fullkomnunaráráttu.  En þetta er sennilega stærsti gallinn á plötunni, og þetta er verra svona á netinu, því miður. 

[Katrín, 8.8.2007 kl. 10:30]

Æ þetta var nú alveg frábært svona í morgunsárið.  Man eftir Sokkabandinu og laginu Systur en hafði ekki heyrt hitt fyrr.  Bara gaman af þessu Ásthildur og nú er að koma sér í gírinn og syngja meira.  Til hamingju með nöfnunar, sýnist þær bera nafnið vel þessar elskur. 

[Hrönn Sigurðardóttir, 8.8.2007 kl. 20:51]

Allt geturðu kona!

Gaman að heyra röddina þína

[Ásthildur Cesil Þórðardóttir, 8.8.2007 kl. 22:50]

Takk öll sömul   Já ætli maður lumi ekki á ýmsu eftir svona langan tíma

[Halla Rut , 8.8.2007 kl. 23:37]

Frábært....

[Margrét St Hafsteinsdóttir, 9.8.2007 kl. 17:32]

Gaman að heyra og lesa. Þú ert frábær og lumar greinilega á ýmsu  Knús

[Ásthildur Cesil Þórðardóttir, 9.8.2007 kl. 18:43]

Takk stelpur mínar.