Gifting og gott veður.

Það er komin sama blíðan aftur, það er ágætt því að þá getum við haft borðin úti í skírninni í dag.

Fallega góða frænka mín, sem snéri slæmri lífsreynslu upp í eitthvað svo gott, það kom fram í gær að ung kona fullyrti að hún hefði bjargað lífi sínu, og jafnvel fleiri. 

En stubburinn dundaði sér vel í veislunni.

Viltu galdrrrrra fyrrrir mig frrrændi, sagði Hanna Sólin við ömmubróður sinn.

Nú ét ég læmið, sagði frændi.

Og svo kemur það út um magan.

Vúbbs og svo er það hér .......

Þetta er svo meistarakokkurinn Magnús Hauksson, hann framreiðir dýrindis fisk í tjöruhúsinu á sumrin ásamt konu sinni henni Rönku.  Ef þið eigið leið um, þá er það must að fara og borða sjávarréttina hans.  Algjör snillingur.

Hvað erum við stelpurnar án vinkvennanna.  Það er svo gott að eiga margar slíkar.

Þessar elskur hafa fylgst að heillengi, eða sennilega alla skólagöngu og varir ennþá.

Þessi myndarlegi ungi maður sem stendur hérna næst á myndinni er ekki vinkona, heldur veislustjórinn og frændi okkar brúðarinnar. Hann er á lausu hehehe..

Svo fengu þær brúðguman upp í dans, svo sem auðvitað hehehe....

Enginn smá tilþrif í gangi þar.

Og brúðurin lét ekki sitt eftir liggja.

Þau eru ekki bara falleg, þau eru líka bæði hjartahrein og góð í gegn

Ég söng fyrir þau lagið mitt Óður til eiginmanns.

Er ég horfi inn í augun þín,

undurblíð þau eru ástin mín.

Þú þolinmóður þrauka mömmu hjá,

þekkir alla galla til og frá.

 

Við lifað höfum saman langa tíð.

Í ljúfri sælu stundum var þó stríð.

Þú vissir að börn og bú var ekki allt,

og leyfðir mér að lifa þúsundfalt.

 

Ég elska þig og einnig börnin mín,

og innst inni þá er ég bara þín.

Svo geysimargt sem glepur huga minn,

og Guð einn veit hvað verður næsta sinn.

 

Því ég vil lifa, lifa, lifa, lífinu lifandi.

Ég verð að lifa, lifa, lifa, ekki sofa sitjandi.

Megi gæfan fylgja þér litla frænka mín alla þína ævidaga. 

Athugasemdir

[Jenný Anna Baldursdóttir, 5.8.2007 kl. 11:55]

Hreint dásamleg færsla og myndirnar eru yndislegar.  Til hamingju með skírnir og giftingar, ég vona að ég gleymi engu.

[Marta B Helgadóttir, 5.8.2007 kl. 12:05]

Innilega til hamingju, mikið er þetta fallegt.

[Kristín Katla Árnadóttir, 5.8.2007 kl. 12:05]

Dásamlegar myndir og til hamingju með giftingar og skírnir þetta hefur verið alveg dásamlegt hjá ykkur.

[Anna Ólafsdóttir (anno) (IP-tala skráð) 5.8.2007 kl. 12:08]

Hjartanlega til hamingju kæra bloggvinkona.  Það er mikið að gerast í lífi þínu núna, svona eins og venjulega - knús frá mér :)

[Ásthildur Cesil Þórðardóttir, 5.8.2007 kl. 12:16]

Takk mínar kæru.  Ég er á kafi að undirbúa skírnina, er að baka vöfflur  Má bjóða ykkur heitar vöfflur með rjóma ?

[Hrönn Sigurðardóttir, 5.8.2007 kl. 12:26]

Til hamingju! Rosalega eru þau falleg, brúðurin og brúðguminn. Megi lánið leika við þau

[Solla Guðjóns, 5.8.2007 kl. 13:55]

Yndislegt.Já ég væri alveg til í vöflur þakka þér fyrirFallegur texti við lagið svo fullur af ást.Til hamingju með glæsilegu brúðhjónin og þína falllegu fjölskyldu

[Huld S. Ringsted, 5.8.2007 kl. 18:15]

Til hamingju! Falleg brúðhjón, greinilega verið heljarinnar veisla

[Ásdís Sigurðardóttir, 5.8.2007 kl. 18:25]

Innilega til hamingju elsku Ásthildur með alla hamingjudaga hjá ykkur. Megi lukkan setjast að hjá ungu hjónunum. Takk fyrir fallegar myndir

[Ásthildur Cesil Þórðardóttir, 5.8.2007 kl. 19:39]

Takk mínar kæru, ég er búin að halda litlu minni undir skírn, og vitið hvað, það var verið að koma mér á óvart, hún átti nefnilega að heita Ásthildur Cesil, svo ég fékk allt nafnið mitt, og ég er rosalega ánægð.  Sendi ykkur myndir fljótlega, ég er að fara inn í djúp, þar sem litla Evíta Cesil verður skírð á morgun.  Ég á að halda henni undir skírn líka. 

[Hallgrímur Óli Helgason, 5.8.2007 kl. 22:28]

til hamingju með barnabörnin, falleg nöfn

[Katrín Snæhólm Baldursdóttir, 5.8.2007 kl. 22:43]

Yndi pyndi....alltaf bara fallegt að lesa hér og sjá alvöru kærleika að virka eins og hann er fallegastur.

[Ásthildur Cesil Þórðardóttir, 6.8.2007 kl. 21:12]

Takk öll sömul

Og takk fyrir allt litla/stóra frænkan mín.  Þið eruð yndislegar manneskjur, og það er bara svo auðvelt að elska ykkur bæði tvö.  Almættið eitt veit  hvað þið eigið eftir að gera mörg kærleiksverk saman. 

[Þórunn (IP-tala skráð) 6.8.2007 kl. 23:50]

Til hamingju með giftingu og skírnirmín kæra, skemmtilegt að fá svona alnöfnu  Skemmtilegar myndir frá veislunni og ég sé að stubburinn þinn hefur sennilega séð bíómyndina Benny and Joon

[Ásthildur Cesil Þórðardóttir, 7.8.2007 kl. 00:55]

Takk elskuleg mín.  Jamm eitthvað svoleiðs hjá stubbnum.  Ég mun setja inn myndir á morgun af upplifun minni a skírninni hjá þessum tveimur Cesiljum, sem reyndar vor hvor um sig alveg frábær upplifun.  Það kemur í ljós á morgun