Mýrarbolti.

En fyrst smá ljúflingssaga.

Litla frænka mín hringdi áðan og spurði hvort stubburinn væri ekki að koma í afmælið sitt.  Það væri sko byrjað.  Hann hafði gleymt að segja mér frá því að hann væri boðin, og ég gleymt henni í öllu umstanginu.  Svo nú voru góð ráð dýr, klukkan orðin eitt og sennilega allt lokað.  Jú það passaði, en þar sem ég er stödd í bænum að vandræðast, og fyrir framan Gullauga, sem er gull og gjafavöruverslun, sé ég útundan mér að kemur maður labbandi, ég horfi á fætur mannsins, og sé ekki betur en hann sé í brúnum sokkabuxum og stuttbuxum, örugglega útlendingur hugsa ég, en um leið heyri ég sagt hressilega, góðan daginn Ásthildur, þú ert auðvitað að fara að brullaupast í dag, er þetta þá ekki Örn Torfason eigandi Gullauga, já sagði ég, en í augnablikinu þá er ég að vandræðast með afmælisgjöf handa 12 ára frænku minni.  Bíddu aðeins, sagði hann, ég ætla að á í lykilinn, þú finnur örugglega eitthvað hjá mér.  Svo opnar hann búðina og ég kaupi þessa fínu eyrnalokka með ágúststeinum, ein besta gjöf sem ég hugsanlega gat gefið henni.  Þar sem ég er að kaupa lokkana, kemur ástfangið par inn um dyrnar, þau fara að skoða hringa.  Svo sennilega hef ég þarna stuðlað að einhverju fallegu ofan á gjöfina.  En Örn var þá með fótleggina brúna af drullu komandi beint úr mýrarboltanum.

Og þá að Mýrarboltanum.  Hann er haldinn ár hvert hér á Ísafirði, að því mér skilst er það eini staðurinn á landinu. 

 

Mætti þessum ungu galvösku drengjum í "pásu" í miðbænum í morgun.

Taktu frekar mynd fyrir framan Langa Manga sögðu þeir hehehe

Þetta er kjörið veður í Mýrarbolta.  Hér er lögreglan komin til að fylgjast með, þarna var líka bæði RUV og Stöð2.  Mikið fjör og mikið grín.

Magt fólk að fylgjast með líka.

Ísfirskar blómarósir eru líka meðal keppenda.

Þetta er einhverskonar teygjutog drulluteyja, það á að fara með þennan svarta fána eins langt og hægt er, hér keppa saman strákar og stelpur.  Þetta er hún Eygló óbeisluð, kempan sú.

Búms, fánin komin niður og maður hlunkast á botninn.

Getur ekki fótað sig, og ekki staðið upp hehehe.

Ef þetta er ekki sönn íslensk valkyrja þá veit ég ekki hvað.  Þegar ég fór hafði hún komist lengst af keppendum.

Hálfdán Bjari (Dáni slimm) einn af aðalsprautunum, þurfti að draga hana að landi.  En það voru gífurleg fagnaðarlæti yfir Eygló.

Þessi ætluðu ekki heldur að láta sitt eftir liggja, þau voru næst í röðinni.

Allir tilbúnir, þetta er sko fjör.

Einn litli stubburinn minn var á leiðinni í Mýrarbolta með mömmu og besta vini.

Hér er svo yfirlitsmynd yfir svæðið.  Það á eftir að fjölga verulega þegar á daginn líður.

Þannig er nú það.  Þetta var í morgun, það var byrjað kl. 10 og þaða verður haldið áfram í allan dag, og sennilega á morgun líka. 

Þetta er alveg örugglega heilmikil útrás, og heilbrigð skemmtun. 

Bæti þessari mynd inn, hún er úr BB, bæjarins besta. 

 

Athugasemdir

[Kristín Katla Árnadóttir, 4.8.2007 kl. 15:21]

En gaman af þessari sögu mikið varstu heppin. Mýrarbolti þetta er svona drullu slagur.

[Ásthildur Cesil Þórðardóttir, 4.8.2007 kl. 15:48]

Þetta er eiginlega íþróttamót, með frjálslegu bjórívafi.  Ég veit ekki hvort þeir nota bolta, en þeir keppa í liðum.  Og þetta teygjutog er bara hliðargrein frá þeirri íþrótt, svo er skemmtibolti líka, stelpurnar taka líka alveg þátt í þessu og eru alveg jafn aðgangsharðar og strákarnir. 

[Ásthildur Cesil Þórðardóttir, 4.8.2007 kl. 15:50]

Evrópumeistaramót í mýrarbolta hefst í dag.

bb.is | 04.08.2007 | 08:05Barist um Evrópumeistaratitil í mýrarboltanum

Á þriðja hundrað keppendur taka þátt í Evrópumeistaramóti í mýrarbolta sem hefst í Tungudal í dag. Mótið hefst á riðlakeppni auk þess sem keppt verður í aukagreininni drulluteygjunni. Mýrarboltinn verður nú haldinn í fjórða sinn en í fyrsta sinn á mestu ferðahelgi ársins, verslunarmannahelginni. Mótið hefur farið stigvaxandi með ári hverju en Ísfirðingar kynntust íþróttinni í gegnum viðburðaskiptaverkefnið Usevenue sem Ísafjarðarbær er þátttakandi í, og árið eftir var haldið Evrópumót í mýrarbolta sem vakti mikla athygli á landsvísu. Undanfarna daga hefur verið unnið að því að undirbúa mótsvæðið m.a. með því að vökva vellina svo þeir verði sem forugastir. Óhætt er að spá mikilli skemmtun á mótinu, hvort sem er fyrir keppendur eða áhorfendur, en liðin eru mörg hver býsna skrautleg og mikið lagt upp úr búningum enda er hvatt til þess af mótshöldurum. Núverandi Evrópumeistarar í íþróttinni eru Englarnir og Gleðisveit Gaulverjahrepps.

Á morgun verður háð úrslitakeppni mýrarboltans og um kvöldið verður haldið lokahóf í Edinborgarhúsinu. Þar fer fram verðlaunaafhending og keppnin verður rifjuð upp með myndasýningu. Að loknum hátíðarkvöldverði mun bolvíska hljómsveitin Húsið á sléttunni halda uppi fjörinu.

Upphaf þessarar óvenjulegu íþróttar má rekja til skóglendis Norður-Finnlands þar sem er að finna talsverð mýrlendi sem myndast á auðum blettum í skóginum eftir að tré hafa verið höggvin. Á einu slíku svæði var byrjað að spila knattspyrnu á litlum velli. Í byrjun var þetta eingöngu til skemmtunar en þróaðist fljótlega yfir í keppni þar sem lítil mót voru haldin á svæðinu. Fyrir fjórum árum var byrjað að skipuleggja stærra mót í kringum þessa sérstæðu íþróttagrein sem í dag er orðið stór viðburður í N-Finnlandi.

[Hrönn Sigurðardóttir, 4.8.2007 kl. 18:00]

Úff - hlýtur að vera svakalega skemmtilegt!

[Karl Tómasson, 4.8.2007 kl. 23:10]

Það er nú meira fjörið á Ísó.

Bestu kveðjur frá Kalla Tomm úr Mosó.

[Huld S. Ringsted, 4.8.2007 kl. 23:11]

mikið svakalega held ég að þetta sé skemmtilegt!

[Ásthildur Cesil Þórðardóttir, 5.8.2007 kl. 02:27]

Já það var mikil stemning yfir þessu öllu í dag. Og á morgu verður loka dagurinn, og þá verður líka frábært veður um allt land líka hér. Og í kúlunni verður lítil dama skírð.  Frábært alveg.

[Jón Steinar Ragnarsson, 5.8.2007 kl. 03:46]

Ég segi pass á drulluboltann. Vinsamlega færið mér te og sörur í lestrarherbergið, þar sem ég ætla að njóta góðrar bókar og vindlings.

[Solla Guðjóns, 5.8.2007 kl. 04:42]

Selfyssingar voru með einhverskonar mýrarbolta í sumar.Veit nú ekki hvort hann fór alveg svona fram.

Frétti að Steinunn Jónsdóttir frænka mín hafi tekið þátt í mýrarboltanum þarna vestra.

En voða er þetta fallleg stelpa á myndinni í færslunni hér fyrir neðan

[Ásdís Sigurðardóttir, 5.8.2007 kl. 08:58]

Alltaf stuð á Ísó, flottar myndir sá líka í fréttunum í gærkvöldi.  Kveðja vestur.

[Ásthildur Cesil Þórðardóttir, 5.8.2007 kl. 10:47]

Má það vera kransakaka Jón minn ? Það var nefnilega ein svoleiðis eftir í veislunni í gær.?

Já það hlýtur eiginlega að vera víðar svona, en ísfirðingar eru allavega frumkvöðlarnir hér á landi.  Takk fyrir kveðjur og góðar óskir.  Og nú er komin sama blíðan aftur.  Yndislegt veður.

[Ásthildur Cesil Þórðardóttir, 5.8.2007 kl. 11:22]

Ég held að þetta sé rosalega góð útrás ef maður er haldinn kvíða eða einhverjum krankleika.  Hrein drulla er bara af hinu góða.  Takk Arna mín, ég frétti að hún hefði glaðst yfir eyrnalokkunum, fékk slíka með mánaðarsteinunum hennar.

[Anna Ólafsdóttir (anno) (IP-tala skráð) 5.8.2007 kl. 11:29]

Þið kunnið að skemmta ykkur þarna fyrir vestan, það er greinilegt  

[Jóhannes Ragnarsson, 5.8.2007 kl. 21:04]

Dáni slimm? ... nokkuð skyldur Dána Kálfi?

[Gunnsteinn Hlíðarvegspúki (IP-tala skráð) 7.8.2007 kl. 07:29]

Sæl Ásthildur. Ég kíki stundum á síðuna þína og því mátti ég til með að kvitta fyrir innlitið. Gaman að fá svona fréttir að vestan með myndum :) BB og Cesil :)

[Ásthildur Cesil Þórðardóttir, 7.8.2007 kl. 08:12]

Nei Hálfdán Bjarki er sonur Hálfdáns Ingólfssonar flugmanns, Hálfdán Guðröðsson er að því er ég best veit ekki skyldur honum.  En ég þekki hann líka ágætlega, þá kempu. 

Takk fyrir innlitið Gunnsteinn minn.  Það er gaman að því þegar fólk kemur í heimsókn, og ennþá skemmtilegra þegar það lætur vita af sér