Háskólafyrirlestrar og kvikmyndaleikur.

Tvo skemmtileg atvik hjá mér núna undanfarið.

Fyrst eins og ég sagði ykkur frá með nemana amerísku sem voru hér að vinna að allskonar rannsóknum, tvær voru hérna hjá mér þær Laura og Jessika. 

Ég fór svo á kynningu hjá hópunum, þar sem þau gerður grein fyrir athugunum sínum.   það var virkilega fróðlegt.

Einn hópurinn hafði farið til Hraðfrystihússins Gunnvarar að reikna út hagstæðasta kost við ísun á fiski.  Annar hópur var að reikna út olíusparnað á smábátum, meðan þriðji hópurinn reiknaði út hagkvæmni á kúabúi.

Þær voru með ansi skemmtilegar hugmyndir um að breyta mykju í gas.

Svo voru stúlkurnar mínar að reikna út besta kostinn við gerð gróðurhúss.  'Eg hugsa að ég noti mér flestar tillögur þeirra, ef ég fer út í að byggja stærra gróðurhús.

En svo í dag, þá breyttist húsið mitt í stúdíó.  Ungur maður bankaði upp á hjá mér í fyrradag, og spurði hvort við hjónin vildum leika fyrir hann í stutt mynd sem hann er að gera.

Við vorum náttúrulega alveg til í það.  Og svo var skotið hér núna áðan.

Var raunar virkilega skemmtilegt.  Hér eru myndatökumaðurinn og aðstoðar manneskja hans, ásamt mínum heittelskaða.

Komin í heimsókn.... hehehe..

Smá ástarsenur.

Og leikurinn berst út um víðan völl. Sagan er hins vegar leyndarmál.

Svona var himininn í morgun, en nú er sólin farin að skína aftur.

Hér eru tvö skemmtiferðaskip í dag, og í hvert skipti sem ég lít út er fólk að taka myndir hingað upp.  Sumir koma alla leið og heilsa upp á mann, og tala um hve húsið mitt sé dásamlegt.

Það er það reyndar líka.  En hér er dóttir mín og Hanna Sólin hennar ömmu sinnar.

Vonandi eigið þið öll góðan dag.  'Eg er farin út í sólina. 

Athugasemdir

[Jenný Anna Baldursdóttir, 28.7.2007 kl. 15:13]

Ég vil fá söguna takk.  Æðislegar myndir og ég reyni alltaf að kíkja eftir kúlunni þegar ég sé myndir frá Ísó í fréttunum.

[Katrín Snæhólm Baldursdóttir, 28.7.2007 kl. 15:20]

Stuttmynd um ykkur hjónin. Get bara ekki ímyndað mér að það sé hægt að gera stuttmynd um svona öflugt fólk eins og ykkur..hehe. Frekar heila þáttaröð eins og Dallas eða Leiðarljós...The never ending story

En já takk....fær maður svo ekki að sjá nýjasta Hollywoodparið brillera í íslenskri kúluhúsastuttmynd einhversstaðar??? En skemmtilegt ævintýri!!!

[Ásthildur Cesil Þórðardóttir, 28.7.2007 kl. 15:43]

Ef þetta tekst vel upp, jamm þá verður þetta örugglega sýnt einhversstaðar.  Stubburinn snapaði sér líka hlutverk. 

[Kristín Katla Árnadóttir, 28.7.2007 kl. 17:31]

Vonaandi að myndin verði sýnt í sjónvarpinu. Það er alltaf gaman hjá þér.

[Ásthildur Cesil Þórðardóttir, 28.7.2007 kl. 17:52]

Já ég vona það líka.  Já Kristín mín, það virðist vera að það sé alltaf eitthvað um að vera í kring um mig.  Það er bara yndælt, ég drepst þá ekki úr leiðindum á meðan.

[Bergrún Íris Sævarsdóttir, 28.7.2007 kl. 19:02]

hehe, skemmtilegar myndir :)

[Steinunn Helga Sigurðardóttir, 28.7.2007 kl. 21:21]

sömuleiðis kæra cesil, vonandi áttu góðan dag alla daga.

takk fyrir að deila

Ljós og friður til þín

steina 

[Jens Guð, 29.7.2007 kl. 01:04]

  Ásthildur,  myndin góða hefur ekki skilað sér.  Netfangið er [e-mail]

[Karl Tómasson, 29.7.2007 kl. 03:53]

Ásthildur, myndir sem þú færir okkur með þínum texta og færslum eru frábærar.

Áfram með smjörið.

Bestu kveðjur frá Kalla Tomm úr Mosó.

[Ásthildur Cesil Þórðardóttir, 29.7.2007 kl. 09:48]

Takk öll sömul  Ég geri aðra tilraun til að senda þér myndina Jens minn. 

[Ásthildur Cesil Þórðardóttir, 29.7.2007 kl. 10:37]

Jamm hann er flottur ekki satt ?

[Margrét St Hafsteinsdóttir, 29.7.2007 kl. 12:56]

Ekki amalegt að vera uppgötvuð sem kvikmyndastjarna Takk fyrir frábærar myndir og færslu og ég fylgist spennt með og vill fá meiri upplýsingar um myndina a.s.a.p. Gaman, gaman, knús

[Ásthildur Cesil Þórðardóttir, 29.7.2007 kl. 13:23]

Margrét mín, ég skal leyfa þér að fylgjast með þessu.   Og takk

[Solla Guðjóns, 30.7.2007 kl. 01:40]