Ferðin suður á bóginn.

Eins og þið hafið ef til vill tekið eftir sum ykkar a.m.k. hef ég verið fjarverandi.  Fór sum sé í ferðina sem við lukum aldrei við í síðustu viku. 

Þetta er eiginlega stubbasaga eins og þær gerast bestar.

Í upphafi ferðar, hér er sérkennileg birta yfir hestinum.

Og þessi sérkennilega birta var um allt djúpið. 

Eins og ég segi, gallerí himinn opinn og eins flottur og hann getur orðið.

Svona lítur húsið okkar út að innan, og gott fyrir stubba að fá sér epli.

Og þar sem átti að gera svo margt í ferðinni var eins gott að fjárreiður væru góðar og í lagi.  Jafnt skipt og svoleiðis.

Tjöld og vagnar voru af ýmsum gerðum í Laugardalnum, þetta kallaði ég kóngulóna.

Hér er svo samloka.

Náttúunnendur voru þarna líka auðvitað.

Sumir vilja lúxus....

Meðan aðrir láta sér nægja minna eins og bara er í lífinu.

Sumir vilja hafa þetta sértækt hehe...

Svo eru það náttúrulega dreyfbýlistútturnar að vestan.

Það var náttúrulega Húsdýra og ríkrafjöldkyldugarðurinn, það kostaði 1700 kr. á hvert barn, með dagmiða í öll tæki,  ekki fyrir einstæðar mæður eða aðra sem eiga ekki mikið í handraðanum.

Litlir snúðar spá auðvitað ekkert í það, heldur skemmta sér konunglega.  Þetta var náttúrulega vinsælast.  Fyrst þorðu stubbarnir ekki svo starfsmaður fór með þeim í fyrstu ferðina, þær urðu sex eða sjö. 

Svo var farið í bílaleik, engir smábílar þar á ferð.

Og í bátsferð.  Mikið fjör og mikið gaman.

Þessir eru í fríu fæði og húsnæði og njóta sín vel í góða veðrinu.

Laugardalurinn var ómissandi fyrir ömmuna, en stubbar höfðu meiri áhuga á geitungagildrum.

Þar taka brúðhjónin brúðarmyndirnar í fallegu umhverfi.

Svo var endað í tívolí, góður dagur að kveldi kominn.

Þetta er ógnvænlegt tæki svei mér þá og líkist innrás frá mars.

Daginn eftir var farið í Bláa Lónið, dóttir mín og fjölskylda var kominn í heimsókn ásamt austurrísku pari sem hafði komið með henni frá Vín.

Drengur í mosa.

Aðkoman að lóninu er mjög flott, en dýrt er það drottinn minn, 1800 kr. á manninn.  Ef til vill ekki mikið miðað við Fjölskyldugarðinn. 

Lítil dama, eitt af barnabörnunum.

Gamla brýnið komið í fötin. 

Yndislegur staður og örugglega einstæður í veröldinni.

Og allt tekur enda, loks tókst að koma stubbunum uppúr lóninu.

Ólíkt er nú suðurlandið frá Vestfjörðum. Hvað eru fjöllinn ?

Það var grillað og svo léku börnin sér fram eftir kvöldi.

Yndislegar systur  Þær koma heim með ömmu og afa, og það verður spennandi að sjá Cesiljarnar tvær saman.

Við gistum svo í Stykkishólmi á frábæru tjaldsvæði. Sambærilegt við tjaldsvæðið á Táknafirði, en við gistum fyrstu nóttina á tjaldsvæðinu í Borgarnesi, ég tók enga mynd og ætla ekki einu sinni að segja meira en Djísús kræst,  eyðimörk algjör, alveg við þjóðveginn, ferðaklósett voru þar fjögur stykki en bara tvö virk.  Enginn vaskur nema einhver renna með nokkrum krönum af köldu rennandi vatni, það góða við staðinn var, að það virtist vera ókeypis.  En sundaðstaðan er góð í Borgarnesi.

Komin heim í faðm fjölskyldunnar, og þarna eru Cesiljarnar tvær sú rauða og sú bláa að hittast í fyrsta skipti.  Það var fagnaðarfundur. 

En ekki meira í bili elskurnar, því ég þarf að koma mat á borðið. 

Athugasemdir

[Ragnheiður , 26.7.2007 kl. 20:14]

Frábærar myndir, ja það sem ég sé af þeim. Einhver tölvubilun hjá mér bara...ég var svei mér farin að sakna þín vestfjarðanorn

[Ásthildur Cesil Þórðardóttir, 26.7.2007 kl. 20:20]

Sömuleiðis, ég var farin að sakna ykkar hér mín kæra hross.

[Ásdís Sigurðardóttir, 26.7.2007 kl. 20:24]

LOKSINS, ég var búin að auglýsa eftir þér, var þvílíkt farin að sakna þín. Þetta hefur verið frábær ferð, æðislegar myndir.  Eru stubbarnir barnabörn?? fyrirgefðu vorvitnina, Cesilurnar eru mega dúllur. Gott að vera búin að fá þig inn í hringinn aftur.  knús vestur 

[Ásthildur Cesil Þórðardóttir, 26.7.2007 kl. 20:52]

Takk Ásdís mín, já stubbarnir eru barnabörn.  Þeir sömu og fengu að fara í fyrriferðina, og þess vegna tókum við þá báða með í seinni.  Það er gott að vera komin heim aftur og í góðan selskap hér. 

[Kristín Katla Árnadóttir, 26.7.2007 kl. 20:56]

yndislegar myndir Ásthildur mín ég er búinn að sakna þín mikið.

[Ásthildur Cesil Þórðardóttir, 26.7.2007 kl. 21:55]

Það er svo gott að heyra að manns er saknað  Það er sama sagan hér.  Þið voruð í mínum huga líka.  Og ég hugsaði, þetta hefðu þau gaman af að sjá, og svo var smellt af mynd.

Á morgun ætla ég að sýna ykkur frá lóð sem verið er að setja gerfigras.  Sá maður vill ekkert sláttuvesen eða arfadót.  Og þar verða sko pálmar og suðrænar jurtir. 

[Jón Steinar Ragnarsson, 26.7.2007 kl. 22:38]

Skemmtilegar myndir og skemmtileg stubbasaga. Það er tímanna tákn að það eftirminnilegasta úr ferðinni er fjandans okrið.  Ég fatta ekki hvað þeir eru að pæla þarna hjá húsdýragarðinum. 

[Jenný Anna Baldursdóttir, 26.7.2007 kl. 23:15]

Alltaf jafn yndislegt að "lesa" myndirnar þínar.  Ég var farin að velta því alvarlega fyrir mér hvort þú hefðir verið brottnumin af álfum eða eitthvað?  Þessi börn eru hvert öðru fallegra.

Smjúts.

[Ásthildur Cesil Þórðardóttir, 27.7.2007 kl. 00:20]

Takk bæði tvö.  Ef ég einhverntíman hverf alveg, þá hef ég álpast inn í álfheima og ekki viljað koma til baka.

Ég var einmitt að hugsa það Jón Steinar hvort ekki kæmu fleiri og veltan yrði meiri ef þetta væri miðað við hina venjulegu fjölskyldu.  Ég hugaði um öll börnin sem missa af þessu svæði vegna þess að foreldrar hafa ekki efni á að bjóða þeim í þessa paradís.  Og svo annað er þetta ekki á vegum borgarinnar, hvernig stendur þá á því að það þarf að okra svona á fólki ?

Hvar er umhyggjan fyrir litlu fjölskyldunni þá ?

Ég var einmitt að hugsa um litlu Jenný, þegar skottan mín var að tala hún Hanna Sól, hún notar einmitt Errin sín, skrollar pínulítið svona rétt út af þýskunni, eða öllu heldur austurrískkunni.   En hún svissar hreinlega yfir, talar þýsku við erlendu gestina og svarar svo ömmu á harðri íslensku. 

[Hrönn Sigurðardóttir, 27.7.2007 kl. 01:07]

Skemmtilegar myndir hjá þér eins og ævinlega Cesil mín.

Ekki ónýtt að hafa forstofuherbergi í útilegu.......

Hvar er fimmta síðasta myndin tekin? Í minni sveit? Komstu? Án þess að koma við hjá mér?

[Ásthildur Cesil Þórðardóttir, 27.7.2007 kl. 07:35]

Myndin er tekin í Hoftúni rétt utan við Stokkseyri.  Dóttir mín og unnusti hennar, ásamt systkinum hans keyptu landið fyrir nokkrum árum og eru þar með hesta.  Ég hef sennilega verið að þvælast kring um þig Hrönn mín, en ég kom seint að kveldi og við vorum farin um fjögur leytið daginn eftir áleiðis heim. 

Það  hefði verið gaman að heilsa upp á þig og þann fjórfætta.    Lofa að gera það næst.

[Hrönn Sigurðardóttir, 27.7.2007 kl. 08:21]

Sýndist þetta.....

[Steinunn Helga Sigurðardóttir, 27.7.2007 kl. 09:17]

takk fyrir ferðasöguna í bæði máli og myndurm. laugardalurinn svo gróðusæll, ísland er fallegt og fjölskrúðugt, ef dæma má eftir húsvagnatjaldabílasofagerðaplássi !

nú fer ég brátt af stað í mitt ferðalag ! hlakka mikið til

Alheimsljós til þín

steina 

[Ásthildur Cesil Þórðardóttir, 27.7.2007 kl. 10:08]

 húsvagnatjaldabílasofagerðaplássi  hehehe þetta hljómar eins og superkalifradsiglistigespialidósus.

Takk fyrir ljósið mín kæra.  Það er alltaf vel þegið.  Því fylgir ákveðin friður og vellíðan, svo ég sendi þér kærleika til baka

[Solla Guðjóns, 27.7.2007 kl. 11:01]

Hææ!! Yndislegt að sjá Hestinn og gylltan sjóinn.Ég er alltaf jafn hugfanginn á leiðinni vestur þegar ég sé Djúpið opnast.Þú hefur keyrt farm hjá Eyri í Skötufj.Við eigum bústaðinn sem er utar í firðinum nær Hvítanesi.

Gaman og spes að sjá ferðalanga-gisti-flóruna

Stubbalingarnir greinilega að fíla þetta allt saman í tætlur..já þetta er okur ..vissi ekki að væri svona dýrt á þessum stöðum

Falllegar litlu nöfnurnar þínar.

En já verið ykkur að góðu þó seint sé.

Faðmlag vestur.

[Laufey B Waage, 27.7.2007 kl. 11:32]

Ég hefði viljað vita hvenær þú varst í Laugardalnum, þá hefði ég hjólað þangað inn eftir. Ja eða boðið þér í kaffi í rauða húsið við hafið. Við hefðum líka getað hist á útikaffihúsi í blíðunni. Kannski verðum við meðvitaðri næst þegar þú kemur suður.  

[Ásthildur Cesil Þórðardóttir, 27.7.2007 kl. 12:16]

Laufey ég lofa að láta vita af mér næst.  Þá gerum við eitthvað skemmtilegt eins og að tala um hina gullnu gömlu daga í LL.  Eða bara um það sem bíður okkar í framtíðinni. 

Ollasak mín.  Ég hef séð nokkra sumarbústaði þarna, er það nálægt bænum sem brann, hét hann ekki Brekka eða eitthvað álíka.  Takk fyrir faðmlagið og knús til þín líka. 

[Huld S. Ringsted, 27.7.2007 kl. 15:53]

flottar myndir og velkomin heim aftur

[Ásthildur Cesil Þórðardóttir, 27.7.2007 kl. 16:29]

Takk Huld mín.

[Solla Guðjóns, 27.7.2007 kl. 20:26]

Því miður þá var það gamli bærinn á Eyri sem brann fyrir nokkrum árum og misstum við mikið af eldgömlum munum.Gömlu dúkkuna mína og dúkkulísurnar mínar svo eitthvað sé nefnt.