Hvað ætlarðu að fara þangað ?!! þangað fer enginn.

Þessi setning hljómar því miður oftar en menn gera sér grein fyrir, þegar ferðamenn sem koma á eigin vegum ætla að ferðast um landið okkar og vilja komast til Vestfjarða.

Þetta er ekki paranoja, heldur bláber staðreynd, sem ég hef heyrt af fleiri en einum ferðalangi sem ætlar sér að koma vestur en fær þessi viðbrögð, þegar leitað er til ferðaskrifstofa eða rútufyrirtækja.

Vinafólk mitt frá Þýskalandi sem hefur komið hér árvisst í yfir 15 ár, fengu þessi viðbrögð í fyrstu, þegar þau hugðust koma sér vestur í byrjun.  Þau sögðu mér frá þessu alveg hneyksluð að fá svona svör, af hverju ætlarðu þangað, það er ekkert að sjá þar. 

En núna nýlega þá heyrði ég svipaða sögu og þá af rútubílaferðum, að þegar fólk vill komast á Vestfirði, þá fá þau þessi svör; Af hverju ætlarðu þangað, þangað fer enginn. 

Ég veit ekki hvað liggur að baki svona ósvífni, og óheiðarleika.  En ég held að ferðalangar séu ekki að ljúga þessu.  Þeir hafa engan hvata til að segja ósatt. 

En málið er að hér er einmitt margt að skoða, og margir vilja koma, og þrátt fyrir fyrirstöðu óheiðarlegra ferðaskrifstofa, þá koma samt sem áður túristar hingað vestur.  En ef til vill færri en ef það væri tekið vel á móti þeim, og menn gæfu upp það sem er í boði og greiddu götu þeirra sem vilja komast hingað. 

Ég vil vekja athygli á vefsíðu sem hefur verið opnuð um ferðamál á Vestfjörðum og svo pistil frá Ómari Ragnarssyni, og Inga Þór Stefánssyni. 

http://search.live.com/results.aspx?q=www.westfjords.is&FORM=USNO Hér má finna ýmsar hagnýtar upplýsingar, og fallegar myndir, sem vert er að kynna vinum og vandamönnum erlendum sem íslenskum, sem vilja koma og njóta Vestfjarða.

 

http://www.bb.is/Pages/26?NewsID=103233 Hér má sjá hvað Ómar Ragnarsson segir um þennan landshluta.

 

http://www.bb.is/Pages/26?NewsID=103213 Og svo þessi ágæti piltur, sem ég þekki mjög vel, sem hefur ákveðið að taka á málunum. 

 

Vestfirðir lengi lifi.  Það er bara þannig, að við virðumst þurfa að berjast til síðasta blóðdropa til að halda lífi.  Svo legg ég til að við stofnum sjálfstætt ríki á Vestfjörðum. 

Athugasemdir

[Ragnheiður , 17.7.2007 kl. 22:41]

Ji en furðulegt ! Mér finnst sumarið hafa skemmst ef ég kemst EKKI vestur ? Það vill til að ég ferðast á eigin vegum og þarf ekki að stóla á einhverja aula sem halda að ekkert sé að sjá á vestfjörðum. Að mínum dómi eru vestfirðirnir einhver fallegasti staðurinn á landinu, í hreinskilni sagt.

[Ásthildur Cesil Þórðardóttir, 17.7.2007 kl. 22:49]

Þú ert algjörlega frábær hrossið mitt

[Rannveig Þorvaldsdóttir, 17.7.2007 kl. 22:58]

Hef heyrt af svona tilsvörum hjá þjónustuaðilum í ferðaþjónustu. Í meira lagi undarlegt! En ég má til með að benda á aldeilis frábærar færslur  í máli og myndum nú síðustu vikurnar um ferðalag eins bloggara til Vestfjarða sem heillaðist algerlega af svæðinu eins og sjá má... http://alla.blog.is/blog/alla/ 

[Jenný Anna Baldursdóttir, 17.7.2007 kl. 23:03]

Ég hef ekki séð Ísland fyrr en ég er búin að komast vestur.  Kannski er það vegna þessara skilaboða sem mér fannst ég lengi vel vera búin að skoða allt sem skoðunar væri vert á landinu mínu.  Takk elsku Ásthildur fyrir pistilinn.

[Ásthildur Cesil Þórðardóttir, 17.7.2007 kl. 23:13]

Já Rannveig nefnilega í meira lagi undarlegt.  Takk fyrir að koma með link á Aðalheiði.

Eins og ég hef sagt Jenný mín, þú bókstaflega verður að láta verða af því að koma.

[Skafti Elíasson, 17.7.2007 kl. 23:51]

Mikið til í þessu það vantar bara að stórt félag eins og flugleiðir hafi hagnað af því að senda fólk hingað eins og td. að eiga hótel hér eða kannski hluta....

[Solla Guðjóns, 18.7.2007 kl. 01:15]

Ég hef ekki séð alllt landið...vegna þess að ég vel alltaf að fara vestur.

Mér líst vel á það sem strákurinn er að gera

[Jón Steinar Ragnarsson, 18.7.2007 kl. 02:18]

Vestfirðingarnir sækja þó einatt heim aftur.  Römm er sú taug og allt það...  Kannski væri það gott fyrir túrismann að byggja olíuhreinsunarstöð, þá væri stöðugur straumur fólks úr mótmælaiðnaðinum vestur.

[Ásthildur Cesil Þórðardóttir, 18.7.2007 kl. 08:34]

Hehehe Jón Steinar

Ollasak mér líkar svona fólk

Þetta er áhugaverður punktur Skafti  minn.  Auðvitað væri það lausnin.  Við ættum ef til vill að GEFA þeim Núp í Dýrafirði.

[Kristín Katla Árnadóttir, 18.7.2007 kl. 09:00]

Já þetta er merkilegt það verð ég að segja.

[Ásdís Sigurðardóttir, 18.7.2007 kl. 12:13]

Sá Kastljósið, alveg á hreinu að við förum í hópgöngu og mótmælum ef barnið fær ekki dvalarleyfi. Ég held bara að ég verði að drífa mig vestur, um leið og heilsan lagast kem ég. 

[Ásthildur Cesil Þórðardóttir, 18.7.2007 kl. 12:20]

Jamm komdu bara

[Steinunn Helga Sigurðardóttir, 18.7.2007 kl. 13:26]

Vestfirðir eitt af fallegustu stöðum á landinu !!

s 

[Aðalheiður Ámundadóttir, 19.7.2007 kl. 03:10]

Ertu ekki að grínast Ásthildur? Segir fólk þetta virkilega? Ég er ástfangin af vestfjörðum 

(eins og kannski sést á mínu bloggi)

[Ásthildur Cesil Þórðardóttir, 19.7.2007 kl. 07:53]

Já ég hef séð það Aðalheiður mín og er mjög ánægð með það

Já fólk segir þetta í alvöru.  Vinkona mín þýsk sagði mér þetta fyrir nokkrum árum, hún fór inn á ferðaskrifstofu og spurði um hvernig hún kæmist á sem ódýrastan hátt til Vestfjaðra. Svarið sem hún fékk var þetta; af hverju ætlarðu þangað, þar er ekkert að sjá.  Viltu ekki frekar fara til Gullfoss og Geysis.  Nei sagði vinkona mín ég ætla til Ísafjarðar.  fulltrúi ferðamála þarna horfði á hana eins og hún væri frá tunglinu. 

Ég hélt svo að þetta hefði lagast eitthvað með tímanum, en það eru 20 ár síðan þetta var. En svo heyrði ég í öðrum túrhesti um daginn, sem hafði rætt við son minn, og sá ferðalangur sagði þetta sama; Vestfirði ? af hverju þangað fer enginn. 

Mér finnst að ferðamálasamtök hér fyrir vestan, og ferðamálaráð Íslands eigi að taka þetta mál föstum tökum, og láta kanna hve algengt þetta er og koma með fyrirbyggjandi aðgerðir til að ósvífnir ferðaþjónustuaðilar séu ekki með svona undirróðursstarfssemi. 

Til dæmis var mér sagt að rútuferðasamtök væru með samvinnu sín á milli, að fólk geti keypt sér rútuferðir um landið og tekið hvaða rútu sem er; nema ekki á Vestfirði, þá þarf að biðja um það sérstaklega, og fólki er ekki kynnt það, nema það spyrji, og fær þá þessi svör.  Enda hefur stórfækkað fólki sem ferðast með rútum hér Vestur, og erfiðleikar hjá vestfirskum rútufyrirtækjum að fá farþega.  Eins líka eins og komið hefur fram að Vegagerðin flýtti ferðum bílaferjunni Baldurs fyrirvaralaust um klukkutíma, og gerir rútum nánast ókleyft að ná ferjunni.  Og svörin eru að þeir hafi næga farþega þrátt fyrir þetta.  Þjónusta? nei, sanngirni ? nei.  Skynsemi ? ónei alls ekki.

Vita ferðaþjónustuaðilar ekki að með því að útiloka Vestfirði svona, skaða þeir líka sjálfa sig.  Því þeir eru í raun að takmarka aðgengi ferðamanna að perlum, sem erlendir ferðamenn sækjast mjög í.